Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightPayyannurchevron_rightപ​യ്യ​ന്നൂ​രിൽ...

പ​യ്യ​ന്നൂ​രിൽ ഡ്രൈവിങ് സ്കൂളിൽ വി​ജി​ല​ൻ​സ് റെയ്ഡ്; രേഖകൾ പിടിച്ചെടുത്തു

text_fields
bookmark_border
പ​യ്യ​ന്നൂ​രിൽ ഡ്രൈവിങ് സ്കൂളിൽ വി​ജി​ല​ൻ​സ് റെയ്ഡ്; രേഖകൾ പിടിച്ചെടുത്തു
cancel


പ​യ്യ​ന്നൂ​ർ: പ​യ്യ​ന്നൂ​രി​ൽ കൈ​ക്കൂ​ലി കേ​സി​ൽ അ​സി. മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ട​ർ അ​റ​സ്​​റ്റി​ലാ​യ​തി​നു​പി​ന്നാ​ലെ ക​ടു​ത്ത ന​ട​പ​ടി​ക​ളു​മാ​യി വി​ജി​ല​ൻ​സ്. സം​ഭ​വ​വു​മാ​യി ബ​ന്ധ​പ്പെ​ട്ട് ഡ്രൈ​വി​ങ്​ സ്കൂ​ളി​ലും വി​ജി​ല​ൻ​സ് റെ​യ്ഡ് ന​ട​ത്തി. പി​ലാ​ത്ത​റ ചു​മ​ടു​താ​ങ്ങി​യി​ൽ പ്ര​വ​ർ​ത്തി​ക്കു​ന്ന ഡ്രൈ​വി​ങ് സ്കൂ​ളി​ലാ​ണ് ബു​ധ​നാ​ഴ്ച വൈ​കീ​ട്ട് ക​ണ്ണൂ​ർ വി​ജി​ല​ൻ​സ് ഡി​വൈ.​എ​സ്.​പി ബാ​ബു പെ​രി​ങ്ങേ​ത്തി​െൻറ നേ​തൃ​ത്വ​ത്തി​ൽ റെ​യ്ഡ് ന​ട​ത്തി​യ​ത്. പ​രി​ശോ​ധ​ന​യി​ൽ 22ഒാ​ളം രേ​ഖ​ക​ൾ പി​ടി​ച്ചെ​ടു​ത്തു. ക​ഴി​ഞ്ഞ തി​ങ്ക​ളാ​ഴ്ച​യാ​ണ് പ​യ്യ​ന്നൂ​ർ ആ​ർ.​ടി ഓ​ഫി​സി​ലെ​ത്തി​യ വി​ജി​ല​ൻ​സ് സം​ഘം എ.​എം.​വി.​ഐ ക​രി​വെ​ള്ളൂ​ർ തെ​രു​വി​ലെ പി.​വി. പ്ര​സാ​ദി​നെ (43) കൈ​ക്കൂ​ലി വാ​ങ്ങു​ന്ന​തി​നി​ട​യി​ൽ പി​ടി​കൂ​ടി​യ​ത്.

വാ​ഹ​ന​ത്തി​െൻറ സ​ർ​ട്ടി​ഫി​ക്ക​റ്റു​ക​ൾ​ക്കാ​യി അ​പേ​ക്ഷ​ക​രോ​ട് പ​ണം ആ​വ​ശ്യ​പ്പെ​ടു​ന്നു​വെ​ന്ന വി​വ​ര​ത്തി​െൻറ അ​ടി​സ്ഥാ​ന​ത്തി​ൽ ഇ​യാ​ൾ ര​ണ്ട് മാ​സ​മാ​യി വി​ജി​ല​ൻ​സി​െൻറ നി​രീ​ക്ഷ​ണ​ത്തി​ലാ​യി​രു​ന്നു. ര​ണ്ട് വ​ണ്ടി​ക​ളു​ടെ ഫി​റ്റ്ന​സ് സ​ർ​ട്ടി​ഫി​ക്ക​റ്റി​ന് സ​മീ​പി​ച്ച ഇ​ട​പാ​ടു​കാ​ര​നോ​ട് ഓ​രോ വാ​ഹ​ന​ത്തി​നും 3000രൂ​പ വീ​തം ന​ൽ​ക​ണ​മെ​ന്ന് ഇ​യാ​ൾ ആ​വ​ശ്യ​പ്പെ​ട്ടു​വ​ത്രെ. ര​ണ്ടു​ത​വ​ണ തു​ക​യു​മാ​യി വാ​ഹ​ന ഉ​ട​മ എ​ത്തി​യെ​ങ്കി​ലും അ​തു​പോ​രെ​ന്നു​പ​റ​ഞ്ഞ് ഒ​ഴി​വാ​ക്കി. ഇ​തേ​ത്തു​ട​ർ​ന്നാ​ണ് സം​ഭ​വം വി​ജി​ല​ൻ​സി​െൻറ ശ്ര​ദ്ധ​യി​ൽ​പെ​ടു​ത്തി​യ​ത്. വി​ജി​ല​ൻ​സ് ഫി​നോ​ഫ്ത​ലി​ൻ പു​ര​ട്ടി​യ 6000 രൂ​പ​യു​മാ​യി വാ​ഹ​ന ഉ​ട​മ​യെ പ്ര​സാ​ദി​െൻറ അ​ടു​ത്തേ​ക്ക് അ​യ​ച്ചു.

പ​ണം വാ​ങ്ങി​യ പ്ര​സാ​ദ്‌ ഉ​ട​ൻ ഓ​ഫി​സി​െൻറ താ​ഴെ പ്ര​വ​ർ​ത്തി​ക്കു​ന്ന സൂ​പ്പ​ർ മാ​ർ​ക്ക​റ്റ് ന​ട​ത്തി​പ്പു​കാ​ര​ന് കൈ​മാ​റു​ക​യാ​യി​രു​ന്നു​വ​ത്രെ. മു​ണ്ടു​ടു​ത്ത് ആ​ർ.​ടി ഓ​ഫി​സ് പ​രി​സ​ര​ത്ത് നി​ല​യു​റ​പ്പി​ച്ച വി​ജി​ല​ൻ​സ് ഡി​വൈ.​എ​സ്.​പി ഉ​ൾ​പ്പെ​ട്ട സം​ഘം ഉ​ട​നെ​ത്തി പ്ര​സാ​ദി​നെ പി​ടി​കൂ​ടി. ഇ​തു​മാ​യി ബ​ന്ധ​പ്പെ​ട്ട കേ​സി​ലാ​ണ് ചു​മ​ടു​താ​ങ്ങി​യി​ലെ ഡ്രൈ​വി​ങ്​ സ്കൂ​ളി​ലും റെ​യ്ഡ് ന​ട​ത്തി​യ​ത്. കൈ​ക്കൂ​ലി കേ​സി​ൽ അ​സി. വെ​ഹി​ക്കി​ൾ ഇ​ൻ​സ്പെ​ക്ട​ർ പി​ടി​യി​ലാ​യ​തോ​ടെ പ​യ്യ​ന്നൂ​ർ ആ​ർ.​ടി ഓ​ഫി​സു​മാ​യി ബ​ന്ധ​പ്പെ​ട്ടു​ള്ള നി​ര​വ​ധി ക്ര​മ​ക്കേ​ടു​ക​ളാ​ണ് പു​റ​ത്തു വ​ന്നു​കൊ​ണ്ടി​രി​ക്കു​ന്ന​ത്.

ചു​മ​ടു​താ​ങ്ങി​യി​ലെ ഡ്രൈ​വി​ങ്​ സ്കൂ​ൾ ഉ​ട​മ വെ​ഹി​ക്കി​ൾ ഇ​ൻ​സ്പെ​ക്ട​റു​മാ​യി ചേ​ർ​ന്ന് ആ​ർ.​ടി ഓ​ഫി​സി​ൽ അ​വി​ഹി​ത​മാ​യി ഇ​ട​പെ​ട്ട്​ കാ​ര്യ​ങ്ങ​ൾ നേ​ടി​യ​താ​യി തെ​ളി​ഞ്ഞി​ട്ടു​ണ്ട്. എ.​എം.​വി.​ഐ​യെ പി​ടി​കൂ​ടി​യ​തി​നു​പി​ന്നാ​ലെ ക​രി​വെ​ള്ളൂ​രി​ലെ വീ​ട് റെ​യ്ഡ് ചെ​യ്ത് 69,000 രൂ​പ​യും സ്ഥ​ലം വാ​ങ്ങി​യ​തി​െൻറ രേ​ഖ​യും ഉ​ൾ​പ്പെ​ടെ പി​ടി​ച്ചെ​ടു​ത്തി​രു​ന്നു. പ​രാ​തി​ക്കാ​ര​ൻ ന​ൽ​കി​യ 6000 രൂ​പ കൂ​ടാ​തെ 4500 രൂ​പ​യും സൂ​പ്പ​ർ മാ​ർ​ക്ക​റ്റ് ന​ട​ത്തി​പ്പു​കാ​ര​നി​ൽ​നി​ന്നാ​ണ് വി​ജി​ല​ൻ​സ് ക​ണ്ടെ​ടു​ത്ത​ത്. ഫി​നോ​ഫ്ത​ലി​ൻ കൈ​യി​ൽ പു​ര​ളാ​തി​രി​ക്കാ​നാ​ണ​ത്രെ തു​ക മ​റ്റൊ​രു സ്ഥാ​പ​ന​ത്തി​ൽ ന​ൽ​കു​ന്ന​ത്. അ​ന്വേ​ഷ​ണം പൂ​ർ​ത്തി​യാ​വു​മ്പോ​ഴേ​ക്കും കൂ​ടു​ത​ൽ പേ​ർ പ്ര​തി​പ്പ​ട്ടി​ക​യി​ൽ എ​ത്തു​മെ​ന്നാ​ണ് സൂ​ച​ന.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Driving SchoolVigiance Raid
News Summary - Vigiance Raid at Driving School
Next Story