കൊച്ചി കപ്പൽശാലയിലും ഇനി വെങ്കല ഗ്രാമത്തിന്റെ ശിൽപ സൗന്ദര്യം

പ​യ്യ​ന്നൂ​ർ: കു​ഞ്ഞി​മം​ഗ​ലം വെ​ങ്ക​ല പൈ​തൃ​ക​ഗ്രാ​മ​ത്തി​ന്റെ ശി​ൽ​പ സൗ​ന്ദ​ര്യം ഇ​നി കൊ​ച്ചി ക​പ്പ​ൽ നി​ർ​മാ​ണ​ശാ​ല​യി​ലും. 32 അ​ടി ഉ​യ​ര​വും എ​ട്ടു ട​ൺ ഭാ​ര​വു​മു​ള്ള ലോ​ഹ ശി​ൽ​പ​മാ​ണ് കു​ഞ്ഞി​മം​ഗ​ല​ത്ത് ഇ​തി​നാ​യി ഒ​രു​ങ്ങു​ന്ന​ത്.

ക​പ്പ​ൽ​ശാ​ല​യു​ടെ അ​മ്പ​താം വാ​ർ​ഷി​കാ​ഘോ​ഷ ഭാ​ഗ​മാ​യാ​ണ് ടെ​റാ മാ​രി​സ് എ​ന്ന ശി​ൽ​പം ഒ​രു​ങ്ങു​ന്ന​ത്. വെ​ങ്ക​ല ശി​ൽ​പി​ക​ൾ പ​ര​മ്പ​രാ​ഗ​ത സാ​ങ്കേ​തി​ക വി​ദ്യ​യി​ലാ​ണ് കൂ​റ്റ​ൻ ലോ​ഹ ശി​ൽ​പം നി​ർ​മി​ക്കു​ന്ന​ത്. ക​ഴി​ഞ്ഞ വ​ർ​ഷം ക​പ്പ​ൽ​ശാ​ല വാ​ർ​ഷി​കാ​ഘോ​ഷ വേ​ള​യി​ലാ​ണ് കേ​ന്ദ്ര​മ​ന്ത്രി സ​ർ​ബാ​ന്ദ സോ​നോ​വാ​ൾ ലോ​ഹ ശി​ൽ​പ​ത്തി​ന്റെ മാ​തൃ​ക പ്ര​കാ​ശ​നം ചെ​യ്ത​ത്. ആ​ലു​വ സ്വ​ദേ​ശി മ​ര​പ്ര​ഭു രാ​മ​ച​ന്ദ്ര​നാ​ണ് ഗ്രീ​ക്ക് ഭാ​ഷ​യി​ൽ ക​ട​ലി​ൽ നി​ന്നു​യ​ർ​ന്ന സ്ഥ​ലം എ​ന്ന​ർ​ഥം വ​രു​ന്ന ടെ​റാ മാ​രീ​സ് രൂ​പ​ക​ൽ​പ​ന ചെ​യ്ത​ത്. തു​ട​ർ​ന്ന് നി​ർ​മാ​ണ​ത്തി​ന് കു​ഞ്ഞി​മം​ഗ​ല​ത്തെ വെ​ങ്ക​ല ശി​ൽ​പ ഗ്രാ​മ​ത്തി​ലെ ക​ലാ​കാ​ര​ന്മാ​രെ ഏ​ൽ​പി​ക്കു​ക​യാ​യി​രു​ന്നു.

12 അ​ടി നീ​ള​വും എ​ട്ട​ടി വീ​തി​യും അ​ഞ്ച​ടി ഉ​യ​ര​വു​മു​ള്ള ക​രി​ങ്ക​ൽ ത​റ​യി​ൽ ഒ​ന്ന​ര​യ​ടി വ്യാ​സ​മു​ള്ള ലോ​ഹ ഗോ​ള​ത്തി​ലാ​യി​രി​ക്കും ശി​ൽ​പം ക​പ്പ​ൽ​ശാ​ല​യി​ൽ ഇ​ടംപി​ടി​ക്കു​ക. അ​ർ​ധ​ഗോ​ള രൂ​പ​ത്തി​ലു​ള്ള ഭൂ​മി, ക​ട​ലി​നെ സൂ​ചി​പ്പി​ക്കു​ന്ന മ​റ്റൊ​രു അ​ർ​ധ​ഗോ​ളം, ഇ​തി​നു മു​ക​ളി​ൽ ന​ങ്കൂ​ര​മി​ട്ട ക​പ്പ​ൽ എ​ന്നി​ങ്ങ​നെ​യാ​ണ് ശി​ൽ​പം ഉ​ണ്ടാ​വു​ക. വെ​ങ്ക​ല​ത്തി​നു പു​റ​മെ സ്റ്റീ​ൽ ചെ​മ്പ് തു​ട​ങ്ങി​യ​വകൂ​ടി ശി​ൽ​പ മാ​ധ്യ​മ​ങ്ങ​ളാ​ണ്. സ്റ്റീ​ലു​മാ​യി ബ​ന്ധ​പ്പെ​ട്ട പ്ര​വൃ​ത്തി​ക​ൾ സി. ​ഉ​ത്ത​മ​ൻ, വി.​വി. വി​ജ​യ​ൻ, എ​സ്. ശി​വ​ദാ​സ​ൻ എ​ന്നി​വ​ർ പൂ​ർ​ത്തി​യാ​ക്കി. ക​ലാ​പ​ര​മാ​യ മ​റ്റു പ​ണി​ക​ൾ​ക്ക് വി.​വി. രാ​ധാ​കൃ​ഷ്ണ​ൻ, വി.​എ​സ്. രാ​ജ​ൻ, അ​നി​ൽ ചെ​ങ്ങ​ള​ത്ത് എ​ന്നി​വ​ർ നേ​തൃ​ത്വം ന​ൽ​കി.

വെ​ങ്ക​ല​ത്തി​ന്റെ പ​ണി​ക​ൾ വെ​ങ്ക​ല പൈ​തൃ​ക​ഗ്രാ​മം സെ​ക്ര​ട്ട​റി കൂ​ടി​യാ​യ പി. ​വ​ത്സ​ന്റെ നേ​തൃ​ത്വ​ത്തി​ൽ വി.​വി. ശ​ശി​ധ​ര​ൻ, പി. ​ര​വി, കെ.​വി. രാ​ജ​ൻ എ​ന്നി​വ​ർ ചേ​ർ​ന്ന് പൂ​ർ​ത്തി​യാ​ക്കി. ഈ ​മാ​സം 27 ന് ​ശി​ൽ​പം കു​ഞ്ഞി​മം​ഗ​ല​ത്തുനി​ന്ന് കൊ​ച്ചി​യി​ലേ​ക്ക് കൊ​ണ്ടുപോ​കും. നി​ർ​മാ​ണ പ്ര​വൃ​ത്തി കാ​ണാ​ൻ ക​പ്പ​ൽ​ശാ​ല അ​ധി​കൃ​ത​ർ വെ​ള്ളി​യാ​ഴ്ച ശി​ൽ​പ ഗ്രാ​മ​ത്തി​ലെ​ത്തി​യി​രു​ന്നു.