താ​യ​മ്പ​ക​യി​ൽ ച​രി​ത്ര​ത്തി​ന്റെ താ​ള​പ്പെ​രു​ക്കം

പ​യ്യ​ന്നൂ​ർ: വ​ല​ത്തേ അ​റ്റ​ത്ത് പി.​സി. ത​ന​യ് സു​ര​വാ​ദ്യ​മാ​യ വ​ലം​ത​ല​യി​ൽ താ​ള​മി​ട്ടു. ഇ​ട​തു ഭാ​ഗ​ത്ത് നി​ഷാ​ലി​ന്റെ​യും സൂ​ര്യ​ജി​ത്തി​ന്റെ​യും ഇ​ല​ത്താ​ള​ങ്ങ​ൾ പ​തി​യെ ക​ല​മ്പി ത്തുട​ങ്ങി. വി​കാ​സും വി​ധു​ർ രാ​ജും ചെ​ണ്ട​യി​ൽ പ​തി​യെ കൊ​ട്ടി തു​ട​ക്ക​മി​ട്ടു. ഒ​പ്പം കൃ​ഷ്ണ വി​ജ​യ​ൻ ചെ​ണ്ട​യു​ടെ തോ​ൽ​പുറ​ത്ത് കോ​ലും കൈ​വി​ല്ല​ക​ളും പാ​യി​ച്ച് കൊ​ട്ടി​ക്ക​യ​റി​യ​പ്പോ​ൾ ഒ​രു ഗു​രു​നാ​ഥ​ൻ തി​രി​ച്ചു​പി​ടി​ച്ച​ത് മൂ​ന്നു പ​തി​റ്റാ​ണ്ടി​ന്റെ ന​ഷ്ട​പ്ര​താ​പം. ഒ​പ്പം ചെ​റു​കു​ന്ന് ഗ​വ. ബോ​യ്സ് ഹ​യ​ർ സെ​ക്ക​ൻ​ഡ​റി സ്കൂ​ൾ ഒ​രു വാ​ദ്യ ച​രി​ത്രം.

ഇ​തേ വി​ദ്യാ​ല​യ​ത്തി​ലെ വി​ദ്യാ​ർ​ഥി​യാ​യി​രു​ന്ന ആ​സ്തി​കാ​ല​യം ദേ​വ​രാ​ജാ​ണ് കൃ​ഷ്ണ വി​ജ​യ​ന്റെ ഗു​രു​നാ​ഥ​ൻ. അ​ഞ്ചു വ​ർ​ഷം സം​സ്ഥാ​ന മ​ത്സ​ര​ത്തി​ൽ വി​ദ്യാ​ല​യ​ത്തെ പ്ര​തി​നി​ധാനം ചെയ്ത​യാ​ളാ​യി​രു​ന്നു ദേ​വ​രാ​ജ്. അ​ഞ്ചു​വ​ർ​ഷ​വും വി​ദ്യാ​ല​യം സം​സ്ഥാ​ന​ത്ത് പേ​രെ​ടു​ത്തു. ചെ​ണ്ട മേ​ള​ത്തി​ന്റെ അ​വ​സാ​ന വാ​ക്കാ​യി വി​ദ്യാ​ല​യ​വും ദേ​വ​രാ​ജും മാ​റി. കൊ​ല്ല​ത്തു ന​ട​ന്ന ഒ​രു ക​ലോ​ത്സ​വ​ത്തി​ൽ താ​യ​മ്പ​ക​യി​ലും പ​ഞ്ച​വാ​ദ്യ​ത്തി​ലും തി​ള​ങ്ങി ഇ​ര​ട്ട കി​രീ​ടം വി​ദ്യാ​ല​യ​ത്തി​ലെ​ത്തി​ച്ചു​വെ​ന്ന ച​രി​ത്ര​വും ഈ ​ചെ​ണ്ട ഗു​രു​വി​നു സ്വ​ന്തം.

പ​തി​കാ​ല​ത്തി​ൽ തു​ട​ങ്ങി ചെ​മ്പ​ട വ​ട്ട​ത്തി​ൽ കൊ​ട്ടി​ക്ക​യ​റി നാ​ലു കാ​ല​ങ്ങ​ളി​ലൂ​ടെ സ​ഞ്ച​രി​ച്ച് ചെ​മ്പ​ട​ക്കൂ​റി​ൽ മ​നോ​ധ​ർ​മ​ങ്ങ​ളു​ടെ കെ​ട്ട​ഴി​ച്ച് കലാ​ശി​ച്ച​പ്പോ​ൾ താ​യ​മ്പ​ക മ​ത്സ​രം വി​ഭ​വസ​മൃ​ദ്ധം. 15ഓ​ളം പേ​ർ പ​ങ്കെ​ടു​ത്ത മ​ത്സ​ര​ത്തി​ൽ മി​ക്ക വി​ദ്യാ​ർ​ഥി​ക​ളും സിം​ഗ്ളാ​യാ​ണ് പ​ങ്കെ​ടു​ത്ത​ത്. ചെ​റു​കു​ന്ന് ഗ​വ. ഹ​യ​ർ സെ​ക്ക​ൻ​ഡ​റി​യി​ൽ വാ​ദ്യം പ​ഠി​ച്ച വി​ദ്യാ​ർ​ഥി​ക​ൾ ഉ​ണ്ടാ​യ​തി​നാ​ലാ​ണ് മേ​ള​ക്കാ​ർ കൂ​ടി വേ​ദി​യി​ലെ​ത്തി​യ​തെ​ന്നും 10 നി​മി​ഷം കൊ​ണ്ട് എ​ല്ലാ കാ​ല​വും കൊ​ട്ടു​ക എ​ന്ന​ത് വ​ലി​യ വെ​ല്ലു​വി​ളി​യാ​ണെ​ന്നും ദേ​വ​രാ​ജ് ‘മാ​ധ്യ​മ’​ത്തോ​ടു പ​റ​ഞ്ഞു.