പയ്യന്നൂർ മൾട്ടി പർപ്പസ് സ്റ്റേഡിയം; അനിശ്ചിതത്വം നീങ്ങുന്നു; മണ്ണു പരിശോധന തുടങ്ങി

പ​യ്യ​ന്നൂ​ർ: പ​യ്യ​ന്നൂ​രി​ലെ നി​ർ​ദി​ഷ്ട സ്റ്റേ​ഡി​യം നി​ർ​മാ​ണ പ്ര​വൃ​ത്തി പു​ന​രാ​രം​ഭി​ക്കു​ന്ന​തി​ന്റെ ഭാ​ഗ​മാ​യു​ള്ള മ​ണ്ണു പ​രി​ശോ​ധ​ന ആ​രം​ഭി​ച്ചു. നി​ർ​മാ​ണ ചു​മ​ത​ല ഉ​ണ്ടാ​യി​രു​ന്ന കി​റ്റ്കോ​യെ ഒ​ഴി​വാ​ക്കി സം​സ്ഥാ​ന സ​ർ​ക്കാ​റി​ന് കീ​ഴി​ലു​ള്ള സ്പോ​ർ​ട്സ് കേ​ര​ള ഫൗ​ണ്ടേ​ഷ​നെ നി​ർ​വ​ഹ​ണ ഏ​ജ​ൻ​സി​യാ​ക്കി സ​ർ​ക്കാ​ർ ഉ​ത്ത​ര​വ് ഇ​റ​ക്കി​യി​രു​ന്നു.

പ​യ്യ​ന്നൂ​ർ മ​ൾ​ട്ടി പ​ർ​പ്പ​സ് സ്റ്റേ​ഡി​യം നി​ർ​മി​ക്കു​ന്ന​തി​നാ​യി കി​ഫ്ബി​യി​ൽനി​ന്ന് 13.4 കോ​ടി രൂ​പ​യു​ടെ സാ​മ്പ​ത്തി​ക അ​നു​മ​തി ല​ഭി​ക്കു​ക​യും 2021 ഫെ​ബ്രു​വ​രിയിൽ പ്ര​വൃ​ത്തി ആ​രം​ഭി​ക്കു​ക​യും ചെ​യ്തിരുന്നു. 12 മാ​സ​മാ​യി​രു​ന്നു പൂ​ർ​ത്തീ​ക​ര​ണ കാ​ലാ​വ​ധി. കോ​വി​ഡ് സ​മ​യ​ത്തെ ലോ​ക്ഡൗ​ൺ വി​ഷ​യ​ങ്ങ​ൾ ചൂ​ണ്ടി​ക്കാ​ട്ടി പി​ന്നീ​ട് 2023 ജ​നു​വ​രി വ​രെ കാ​ലാ​വ​ധി നീ​ട്ടി ന​ൽ​കി.

തു​ട​ർ​ന്ന് കി​ഫ്ബി​യു​ടെ സൈ​റ്റ് സ​ന്ദ​ർ​ശ​ന വേ​ള​യി​ൽ പ​ദ്ധ​തി​യു​ടെ ഫൗ​ണ്ടേ​ഷ​ൻ റീ ​ഡി​സൈ​ൻ ന​ട​ത്ത​ണ​മെ​ന്നാ​വ​ശ്യ​പ്പെ​ട്ട് കി​ഫ്ബി സ്റ്റോ​പ്പ് മെ​മ്മോ ന​ൽ​കി​യ​തി​നാ​ൽ നി​ർ​മാ​ണം നി​ർ​ത്തി. മ​ണ്ണ് അ​ടി​ഞ്ഞു​കൂ​ടാ​ൻ സാ​ധ്യ​ത​യു​ള്ള പ്ര​ദേ​ശ​മാ​യ​തി​നാ​ലാ​ണ് ഫൗ​ണ്ടേ​ഷ​ൻ റീ ​ഡി​സൈ​ൻ ചെ​യ്യാ​ൻ കി​ഫ്ബി നി​ർ​ദേ​ശി​ച്ച​ത്.

2024 മേ​യ് 20ന് ​കി​ഫ്ബി സി.​ഇ.​ഒ​യു​ടെ സാ​ന്നി​ധ്യ​ത്തി​ൽ യോ​ഗം ന​ട​ന്നു. പു​തു​ക്കി​യ എ​ല്ലാ രേ​ഖ​ക​ളും സ​ഹി​തം പ്രോ​ജ​ക്ട് എ​ക്സി​ക്യൂ​ഷ​ൻ ഡോ​ക്യുമെ​ന്റ് വീ​ണ്ടും സ​മ​ർ​പ്പി​ച്ചാ​ൽ മാ​ത്ര​മേ പി.​ഇ.​ഡി അം​ഗീ​ക​രി​ക്കു​ക​യു​ള്ളൂ​വെ​ന്ന് കി​ഫ്ബി കി​റ്റ്കോ​യോ​ട് നി​ർ​ദേ​ശി​ക്കു​ക​യും 2024 ജൂ​ൺ 20ന​കം സ​മ​ർ​പ്പി​ക്കാ​മെ​ന്ന് കി​റ്റ്കോ സ​മ്മ​തി​ക്കു​ക​യും ചെ​യ്തു. മണ്ണു പരിശോധന റിപ്പോ​ർ​ട്ട്, കി​ഫ്ബി അം​ഗീ​ക​രി​ച്ച ഡി​സൈ​ൻ, യഥാർഥ തുക ഉ​ൾ​പ്പെ​ട്ട ഡീ​വി​യേ​ഷ​ൻ സ്റ്റേ​റ്റ്മെ​ന്റ് എ​ന്നി​വ കി​റ്റ്കോ സ​മ​ർ​പ്പി​ക്ക​ണ​മെ​ന്നും അ​തി​നു​ശേ​ഷം ക​രാ​ർ റീ ​ടെ​ൻ​ഡ​ർ ചെ​യ്യ​ണ​മെ​ന്നും കി​ഫ്ബി കി​റ്റ്കോ​യോ​ട് നി​ർ​ദേ​ശി​ച്ചു. നി​ശ്ച​യി​ച്ച തീ​യ​തി ക​ഴി​ഞ്ഞി​ട്ടും സമർപ്പിക്കാത്ത ​സാ​ഹ​ച​ര്യ​ത്തി​ലാ​ണ് 2024 ജൂ​ലൈ നാ​ലി​ന് കാ​യി​ക മ​ന്ത്രി വി. ​അ​ബ്ദു​റ​ഹ്മാ​ന്റെ സാ​ന്നി​ധ്യ​ത്തി​ൽ എം.​എ​ൽ.​എ, കി​റ്റ്കോ കി​ഫ്ബി, കാ​യി​ക വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​ർ എ​ന്നി​വ​രു​ടെ യോ​ഗം ചേ​ർ​ന്ന​ത്.

ഈ ​യോ​ഗ​ത്തി​ലും നി​ർ​മാ​ണം പു​ന​രാ​രം​ഭി​ക്കു​ന്ന​തു​മാ​യി ബ​ന്ധ​പ്പെ​ട്ട് വ്യ​ക്ത​മാ​യ മ​റു​പ​ടി ന​ൽ​കാ​ൻ കി​റ്റ്കോ​ക്ക് ക​ഴി​ഞ്ഞി​ട്ടി​ല്ല. ഇ​ക്കാ​ര​ണ​ത്താ​ലാ​ണ് ഇവരെ ഒഴിവാക്കിയത്.

നിർമാണപ്രവൃത്തി പുനരാരംഭിച്ചതിനെ തുടർന്ന് സ്ഥലം സ​ന്ദ​ർ​ശി​ച്ച് ടി.ഐ. മധുസൂദനൻ എം.​എ​ൽ.​എ മ​ണ്ണ് പ​രി​ശോ​ധ​ന ഉ​ൾ​പ്പെ​ടെ​ തു​ട​ർ​ന​ട​പ​ടി​ വേ​ഗ​ത്തി​ലാ​ക്കാ​ൻ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്ക് നി​ർ​ദേ​ശം ന​ൽ​കി. ന​ഗ​ര​സ​ഭ ചെ​യ​ർ​പേ​ഴ്സ​ൻ കെ.​വി. ല​ളി​ത, വൈ​സ് ചെ​യ​ർ​മാ​ൻ പി.​വി. കു​ഞ്ഞ​പ്പ​ൻ, പൊ​തു​മ​രാ​മ​ത്ത് സ്റ്റാ​ൻ​ഡി​ങ് ക​മ്മ​റ്റി ചെ​യ​ർ​മാ​ൻ ടി. ​വി​ശ്വ​നാ​ഥ​ൻ, സ്പോ​ർ​ട്സ് കേ​ര​ള ഫൗ​ണ്ടേ​ഷ​ൻ അ​സി. എ​ക്സി​ക്യു​ട്ടി​വ് എ​ൻ​ജി​നീ​യ​ർ പി.​സി. ര​ഞ്ജി​ത്ത് അ​സി. എ​ൻ​ജി​നീ​യ​ർ പ​വി​ശ​ങ്ക​ർ, എം. ​ശ്രീ​നി​ധി എ​ന്നി​വ​രും കൂ​ടെ​യു​ണ്ടാ​യി​രു​ന്നു.