സ്റ്റൈപൻഡ് ഇല്ല; ക​ണ്ണൂ​ര്‍ മെഡിക്കൽ കോളജ് ഹൗസ് സർജന്മാർ സമരത്തിന്

പ​യ്യ​ന്നൂ​ർ: സ്റ്റൈ​പൻഡ് അ​നു​വ​ദി​ക്കാ​ത്ത​തി​ല്‍ പ്ര​തി​ഷേ​ധി​ച്ച് മെ​ഡി​ക്ക​ല്‍ കോ​ള​ജി​ല്‍ ഹൗ​സ് സ​ര്‍ജ​ൻ​മാ​ര്‍ പ്ര​തി​ഷേ​ധ പ്ര​ക​ട​ന​വും ധ​ര്‍ണ​യും ന​ട​ത്തി. തി​ങ്ക​ളാ​ഴ്ച രാ​വി​ലെ​യാ​ണ് ഹൗ​സ് സ​ർ​ജ​ന്മാ​ർ പ്ര​തി​ഷേ​ധി​ച്ച​ത്. സ്റ്റൈ​പൻഡ് ന​ൽ​കി​യി​ല്ലെ​ങ്കി​ൽ 29മു​ത​ല്‍ അ​നി​ശ്ചി​ത​കാ​ല സ​മ​രം ആ​രം​ഭി​ക്കു​മെ​ന്ന് ക​ണ്ണൂ​ര്‍ ഗ​വ. മെ​ഡി​ക്ക​ല്‍ കോ​ള​ജ് ഹൗ​സ് സ​ര്‍ജ​ന്‍സ് അ​സോ​സി​യേ​ഷ​ന്‍ ഭാ​ര​വാ​ഹി​ക​ള്‍ അ​റി​യി​ച്ചു.

ക​ണ്ണൂ​ര്‍ ഗ​വ. മെ​ഡി​ക്ക​ല്‍ കോ​ള​ജി​ല്‍ ര​ണ്ടു ബാ​ച്ചു​ക​ളി​ലു​ള്ള 158 ഹൗ​സ് സ​ര്‍ജ​ന്‍മാ​ര്‍ സ്റ്റൈ​പൻഡി​ന് അ​ര്‍ഹ​രാ​ണെ​ങ്കി​ലും ഈ ​വ​ര്‍ഷം ജൂ​ലൈ​യി​ല്‍ ഹൗ​സ് സ​ര്‍ജ​ന്‍സി ആ​രം​ഭി​ച്ച​വ​ര്‍ക്ക് സ്റ്റൈ​പൻഡ് അ​ന്യാ​യ​മാ​യി നി​ഷേ​ധി​ക്കു​ന്ന​തി​ല്‍ പ്ര​തി​ഷേ​ധി​ച്ചാ​യി​രു​ന്നു സ​മ​രം.

സ്റ്റൈ​പൻഡ് ന​ല്‍കാ​ന്‍ മാ​ത്ര​മാ​യി മെ​ഡി​ക്ക​ല്‍ കോ​ള​ജ് അ​ക്കൗ​ണ്ടി​ല്‍ 1,11,19,337 രൂ​പ നീ​ക്കി​യി​രി​പ്പു​ണ്ടെ​ങ്കി​ലും മെ​ഡി​ക്ക​ല്‍ കോ​ള​ജ് മാ​നേ​ജ്‌​മെ​ന്റ് ന​ൽ​കു​ന്നി​ല്ലെ​ന്നാ​ണ് ഹൗ​സ് സ​ര്‍ജ​ന്‍മാ​രു​ടെ ആ​രോ​പ​ണം. 2017 ബാ​ച്ചി​ന് സ്റ്റൈ​പൻഡ് ന​ല്‍കു​മ്പോ​ള്‍ 2018 ബാ​ച്ചി​ലെ 54 പേ​ര്‍ക്ക് മെ​ഡി​ക്ക​ല്‍ വി​ദ്യാ​ഭ്യാ​സ ഡ​യ​റ​ക്ട​റു​ടെ ഉ​ത്ത​ര​വ് വ​ന്നാ​ല്‍ മാ​ത്ര​മേ സ്റ്റൈ​പ്പ​ന്റ് ന​ല്‍കാ​നാ​വൂ എ​ന്ന​ത് വി​വേ​ച​ന​മാ​ണെ​ന്ന് ഇ​വ​ര്‍ ആ​രോ​പി​ച്ചു.

വ്യ​ക്ത​മാ​യ കാ​ര​ണ​മി​ല്ലാ​തെ ഒ​രു​പോ​ലെ ജോ​ലി​ചെ​യ്യു​ന്ന ര​ണ്ടു​ബാ​ച്ചു​ക​ളി​ലെ ഹൗ​സ് സ​ര്‍ജ​ന്‍മാ​രോ​ട് വി​വേ​ച​നം കാ​ണി​ക്കു​ന്ന​തി​നെ​തി​രെ ന​വം​ബ​ര്‍ 29 മു​ത​ല്‍ അ​നി​ശ്ചി​ത​കാ​ല സ​മ​രം ആ​രം​ഭി​ക്കു​മെ​ന്നും ഹൗ​സ് സ​ര്‍ജ​ൻ​സ് അ​സോ​സി​യേ​ഷ​ന്‍ ഭാ​ര​വാ​ഹി​ക​ളാ​യ സൗ​ര​വ് എം. ​സു​ധീ​ഷും സെ​ക്ര​ട്ട​റി നീ​ര​ജ കൃ​ഷ്ണ​നും പ​റ​ഞ്ഞു.

മൂ​ന്നു​മാ​സ​ത്തെ സ്റ്റൈ​പൻഡ് ഇ​ന​ത്തി​ല്‍ കോ​ളേ​ജി​ന് ആ​വ​ശ്യ​മാ​യ 42,12,000 രൂ​പ​യു​ടെ ഇ​ര​ട്ടി​യി​ലേ​റെ രൂ​പ സ​ർ​ക്കാ​ർ അ​ക്കൗ​ണ്ടി​ല്‍ ബാ​ക്കി​നി​ല്‍ക്കെ എ​ന്തു​കൊ​ണ്ടാ​ണ് ഡി.​എം.​ഇ നി​ർ​ദേ​ശം കാ​ത്തി​രി​ക്കു​ന്ന​തെ​ന്ന് കോ​ളേ​ജ് അ​ധി​കൃ​ത​ര്‍ വ്യ​ക്ത​മാ​ക്കി​യി​ട്ടി​ല്ലെ​ന്നും ഇ​വ​ര്‍ ആ​രോ​പി​ച്ചു. വൈ​സ് ചെ​യ​ര്‍മാ​ന്‍ മു​ഹ​മ്മ​ദ് അ​സ്‍ലം, എ​ക്‌​സി​ക്യൂ​ട്ടി​വ് അം​ഗം മു​ഹ​മ്മ​ദ് ഫൈ​സ​ല്‍ എ​ന്നി​വ​ര്‍ പ്ര​തി​ഷേ​ധത്തിന് നേ​തൃ​ത്വം ന​ല്‍കി.