പാതിമാസം പിന്നിടുമ്പോഴും ശമ്പളമില്ലാതെ ക​ണ്ണൂ​ര്‍ ഗ​വ. മെഡിക്കൽ കോളജ് ജീവനക്കാർ

പ​യ്യ​ന്നൂ​ർ: മാ​സം പ​കു​തി പി​ന്നി​ടു​മ്പോ​ഴും ശ​മ്പ​ള​മി​ല്ലാ​തെ ക​ണ്ണൂ​ര്‍ ഗ​വ. മെ​ഡി​ക്ക​ല്‍ കോ​ള​ജ് ജീ​വ​ന​ക്കാ​ര്‍. ജ​നു​വ​രി മാ​സ​ത്തെ ശ​മ്പ​ളം കി​ട്ടാ​തെ വ​ല​യു​ക​യാ​ണ് ഡോ​ക്ട​ർ​മാ​ർ ഉ​ൾ​പ്പെ​ടെ ര​ണ്ടാ​യി​ര​ത്തോ​ളം വ​രു​ന്ന ജീ​വ​ന​ക്കാ​ർ. മാ​സം ല​ഭി​ക്കു​ന്ന ശ​മ്പ​ളം കൊ​ണ്ട് മാ​ത്രം ജീ​വി​ക്കു​ന്ന ന​ഴ്‌​സു​മാ​ര്‍ ഉ​ള്‍പ്പെ​ടെ​യു​ള്ള ജീ​വ​ന​ക്കാ​രാ​ണ് ഏ​റ്റ​വും കൂ​ടു​ത​ല്‍ ബു​ദ്ധി​മു​ട്ടു​ന്ന​ത്.

വി​വി​ധ ധ​ന​കാ​ര്യ സ്ഥാ​പ​ന​ങ്ങ​ളി​ല്‍ നി​ന്നെ​ടു​ത്ത വാ​യ്പ​ക​ളും എ​ല്‍.​ഐ.​സി ഉ​ള്‍പ്പെ​ടെ പ്ര​തി​മാ​സം അ​ട​ക്കേ​ണ്ട തു​ക​ക​ളു​മൊ​ന്നും അ​ട​ക്കാ​ന്‍ സാ​ധി​ക്കു​ന്നി​ല്ലെ​ന്ന് ഇ​വ​ര്‍ പ​റ​യു​ന്നു. താ​ഴേ​ത്ത​ട്ടി​ലു​ള്ള ജീ​വ​ന​ക്കാ​ർ, എ​ങ്ങ​നെ​യാ​ണ് ജീ​വി​തം മു​ന്നോ​ട്ടു​കൊ​ണ്ടു​പോ​കേ​ണ്ട​തെ​ന്ന​റി​യാ​ത്ത നി​ല​യി​ലാ​ണ്. അ​തേ​സ​മ​യം മെ​ഡി​ക്ക​ല്‍ കോ​ള​ജി​ൽ ജോ​ലി ചെ​യ്യു​ന്ന സ​ര്‍ക്കാ​ര്‍ ജീ​വ​ന​ക്കാ​ര്‍ക്ക് കൃ​ത്യ​മാ​യി ശ​മ്പ​ളം ല​ഭി​ക്കു​ക​യും ചെ​യ്യു​ന്നു​ണ്ട്.

സ​ർ​ക്കാ​ർ ഫ​ണ്ട് അ​നു​വ​ദി​ക്കാ​ത്ത​തി​നാ​ലാ​ണ് ജീ​വ​ന​ക്കാ​ര്‍ക്ക് ശ​മ്പ​ളം ന​ല്‍കാ​നാ​വാ​ത്ത​തെ​ന്ന് പ്രി​ന്‍സി​പ്പ​ൽ അ​റി​യി​ച്ച​താ​യി എ​ന്‍.​ജി.​ഒ അ​സോ​സി​യേ​ഷ​ന്‍ മെ​ഡി​ക്ക​ല്‍ കോ​ള​ജ് യൂ​നി​റ്റ് ഭാ​ര​വാ​ഹി​ക​ള്‍ പ​റ​ഞ്ഞു. ജ​നു​വ​രി മാ​സ ശ​മ്പ​ളം ഇ​തു​വ​രെ​യും ല​ഭി​ക്കാ​ത്ത സാ​ഹ​ച​ര്യ​ത്തി​ലാ​ണ് അ​സോ​സി​യേ​ഷ​ന്‍ പ്ര​തി​നി​ധി​ക​ള്‍ പ്രി​ന്‍സി​പ്പ​ലി​നെ ക​ണ്ട് പ​രാ​തി​പ്പെ​ട്ട​ത്.

സ​ര്‍ക്കാ​റി​ന്റെ ക​ണ​ക്കി​ല്‍ ക​ണ്ണൂ​ർ ഗ​വ. മെ​ഡി​ക്ക​ല്‍ കോ​ള​ജ് മ​റ്റു മെ​ഡി​ക്ക​ല്‍ കോ​ള​ജു​ക​ളു​ടെ ക​ണ​ക്കി​ൽ​പെ​ടാ​ത്ത​തി​നാ​ലാ​ണ് ഈ ​വി​വേ​ച​ന​മെ​ന്ന് ജീ​വ​ന​ക്കാ​ര്‍ പ​റ​യു​ന്നു. മ​റ്റു​ള്ള​വ​ര്‍ക്ക് കൊ​ടു​ത്ത​ശേ​ഷം ബാ​ക്കി​യു​ണ്ടെ​ങ്കി​ല്‍ ത​രാ​മെ​ന്ന നി​ല​പാ​ട് അം​ഗീ​ക​രി​ക്കാ​നാ​വി​ല്ല. ഡി​സം​ബ​ര്‍ മാ​സം മു​ത​ല്‍ ത​ന്നെ ഫെ​ബ്രു​വ​രി മാ​സ​ത്തെ ശ​മ്പ​ള​കാ​ര്യം അ​ധി​കൃ​ത​രു​ടെ ശ്ര​ദ്ധ​യി​ൽ​പെ​ടു​ത്തി​യ​പ്പോ​ൾ ശ​രി​യാ​ക്കാ​മെ​ന്ന് പ​റ​ഞ്ഞു​വെ​ങ്കി​ലും ശ​മ്പ​ളം ഇ​തു​വ​രെ ല​ഭി​ച്ചി​ല്ലെ​ന്ന് ജീ​വ​ന​ക്കാ​ർ പ​റ​യു​ന്നു.

ശ​മ്പ​ളം എ​പ്പോ​ള്‍ ത​രാ​നാ​കു​മെ​ന്ന് ഇ​പ്പോ​ഴും പ​റ​യാ​ന്‍ ക​ഴി​യാ​ത്ത അ​വ​സ്ഥ​യാ​ണെ​ന്നും ജീ​വ​ന​ക്കാ​രു​ടെ പ്ര​തി​നി​ധി​ക​ള്‍ പ​റ​യു​ന്നു. മ​ന്ത്രി​യെ​യും ഉ​ദ്യോ​ഗ​സ്ഥ മേ​ധാ​വി​ക​ളെ​യും ക​ണ്ട് ജീ​വ​ന​ക്കാ​രു​ടെ വി​ഷ​മ​സ്ഥി​തി അ​റി​യി​ക്കു​മെ​ന്നാ​ണ് പ്രി​ന്‍സി​പ്പ​ൽ പ​റ​ഞ്ഞ​ത​ത്രെ. സ​ര്‍ക്കാ​ര്‍ ഏ​റ്റെ​ടു​ത്ത നാ​ള്‍ മു​ത​ല്‍ തു​ട​ങ്ങി​യ ജീ​വ​ന​ക്കാ​രു​ടെ ദു​രി​തം ര​ണ്ടു​വ​ര്‍ഷം പി​ന്നി​ട്ടി​ട്ടും തു​ട​രു​ക​യാ​ണ്. അ​ന്നു​മു​ത​ലു​ള്ള ആ​നു​കൂ​ല്യം ത​ട​ഞ്ഞു​വെ​ച്ചു​വെ​ന്നു മാ​ത്ര​മ​ല്ല ശ​മ്പ​ളം മാ​സാ​മാ​സം സ​മ​യ​ബ​ന്ധി​ത​മാ​യി ല​ഭി​ക്കു​ന്നു​മി​ല്ല. ജീ​വ​ന​ക്കാ​രു​ടെ ജീ​വി​തം ന​ര​ക​തു​ല്യ​മാ​യി​ക്കൊ​ണ്ടി​രി​ക്കു​ന്നു. പ്ര​ത്യേ​കി​ച്ചും കോ​വി​ഡ് ഡ്യൂ​ട്ടി​ചെ​യ്യു​ന്ന​വ​ര്‍ക്കു​പോ​ലും ശ​മ്പ​ളം ന​ല്‍കാ​തെ ക​ഷ്ട​പ്പെ​ടു​ത്തു​ന്ന​ത് സ​മാ​ന​ത​ക​ളി​ല്ലാ​ത്ത ക്രൂ​ര​ത​യാ​ണെ​ന്ന് ജീ​വ​ന​ക്കാ​ര്‍ പ​റ​യു​ന്നു.

ക​ടം വാ​ങ്ങി​യും പ​ണ​യം വെ​ച്ചും എ​ത്ര​കാ​ലം മു​ന്നോ​ട്ടു​പോ​കു​മെ​ന്ന് അ​റി​യാ​ത്ത അ​വ​സ്ഥ​യി​ലാ​ണ് ത​ങ്ങ​ളെ​ന്നാ​ണ് ജീ​വ​ന​ക്കാ​രു​ടെ പ​രി​ദേ​വ​നം. കു​ട്ടി​ക​ള്‍ മു​ത​ല്‍ ര​ക്ഷി​താ​ക്ക​ള്‍ വ​രെ ഭ​ക്ഷ​ണ​വും മ​രു​ന്നും മ​റ്റ് ഉ​പ​ജീ​വ​ന മാ​ര്‍ഗ​ങ്ങ​ളു​മി​ല്ലാ​തെ വ​ല​യു​ന്നു-​എ​ന്‍.​ജി.​ഒ അ​സോ​സി​യേ​ഷ​ന്‍ മെ​ഡി​ക്ക​ല്‍ കോ​ള​ജ് യൂ​നി​റ്റ് പ്ര​സി​ഡ​ന്റ് പി.​ഐ. ശ്രീ​ധ​ര​നും ജ​ന. സെ​ക്ര​ട്ട​റി യു.​കെ. മ​നോ​ഹ​ര​നും പ​റ​യു​ന്നു.