പരാതി പരിഹാരത്തിനെത്തിയവർ പൊലീസ്​ സ്​റ്റേഷനിൽ ഏറ്റുമുട്ടി; മൂ​ന്നു​പേ​ർ അ​റ​സ്​​റ്റി​ൽ

പ​യ്യ​ന്നൂ​ർ: പ​രാ​തി പ​രി​ഹ​രി​ക്കു​ന്ന​തി​ന്​ വി​ളി​ച്ചു​വ​രു​ത്തി​യ​വ​ര്‍ പൊ​ലീ​സ് സ്‌​റ്റേ​ഷ​നി​ല്‍ എ​സ്.​ഐ​യു​ടെ മു​ന്നി​ല്‍വെ​ച്ച് ഏ​റ്റു​മു​ട്ടി. തി​ങ്ക​ളാ​ഴ്​​ച രാ​വി​ലെ പ​ത്തോ​ടെ പ​രി​യാ​രം മെ​ഡി​ക്ക​ൽ കോ​ള​ജ് പൊ​ലീ​സ് സ്‌​റ്റേ​ഷ​നി​ലാ​യി​രു​ന്നു സം​ഭ​വം. ഇ​വ​രെ പി​ടി​ച്ചു​മാ​റ്റാ​നെ​ത്തി​യ ജി.​ഡി ചാ​ര്‍ജ് പ്ര​മോ​ദി​നും മ​ർ​ദ​ന​മേ​റ്റു.

ഏ​റ്റു​മു​ട്ടി​യ മൂ​ന്നു​പേ​രെ​യും പൊ​ലീ​സ് ജാ​മ്യ​മി​ല്ല വ​കു​പ്പു​ക​ള്‍ പ്ര​കാ​രം അ​റ​സ്​​റ്റ്​ ചെ​യ്തു. മ​ണ്ടൂ​രി​ലെ മ​ന്ദ്യ​ത്ത് വീ​ട്ടി​ല്‍ കെ.​വി. ശ​ര​ത്ത് (24), സി.​എം ന​ഗ​റി​ലെ ക​ള​ത്തി​ല്‍ വ​ള​പ്പി​ല്‍ കെ.​വി. വി​ന്ദ്യേ​ഷ് (24), പി​ലാ​ത്ത​റ ക​ള​ത്തി​ല്‍ വ​ള​പ്പി​ല്‍ വി​നീ​ത് (34) എ​ന്നി​വ​രെ​യാ​ണ് പ്രി​ന്‍സി​പ്പ​ല്‍ എ​സ്.​ഐ എം.​പി. ഷാ​ജി അ​റ​സ്​​റ്റ്​ ചെ​യ്ത​ത്.

മ​ര്‍ദ​ന​ത്തി​ല്‍ പ​രി​ക്കേ​റ്റ പൊ​ലീ​സു​കാ​ര​ന്‍ പ്ര​മോ​ദി​നെ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. പ​ത്തു​മി​നി​റ്റോ​ളം സ്‌​റ്റേ​ഷ​ന​ക​ത്ത് ഭീ​ക​രാ​ന്ത​രീ​ക്ഷം സൃ​ഷ്​​ടി​ച്ച ഇ​വ​രെ പൊ​ലീ​സു​കാ​ര്‍ ഏ​റെ പ​ണി​പ്പെ​ട്ടാ​ണ് കീ​ഴ്‌​പ്പെ​ടു​ത്തി​യ​ത്. ഔ​ദ്യോ​ഗി​ക കൃ​ത്യ​നി​ര്‍വ​ഹ​ണം ത​ട​സ്സ​പ്പെ​ടു​ത്തി​യ​തി​നും ഡ്യൂ​ട്ടി​യി​ലു​ണ്ടാ​യി​രു​ന്ന പൊ​ലീ​സു​കാ​ര​നെ മ​ര്‍ദി​ച്ച​തി​നും ഉ​ള്‍പ്പെ​ടെ വി​വി​ധ വ​കു​പ്പു​ക​ള്‍ പ്ര​കാ​ര​മാ​ണ് കേ​സ്.

വി​വാ​ഹം സം​ബ​ന്ധി​ച്ചു​ണ്ടാ​യ ചി​ല പ്ര​ശ്‌​ന​ങ്ങ​ളെ​ച്ചൊ​ല്ലി ല​ഭി​ച്ച പ​രാ​തി​ക​ള്‍ പ്ര​കാ​ര​മാ​ണ് മൂ​വ​രെ​യും പൊ​ലീ​സ് സ്‌​റ്റേ​ഷ​നി​ലേ​ക്ക് വി​ളി​ച്ചു​വ​രു​ത്തി​യ​ത്. സം​സാ​രി​ച്ചു​കൊ​ണ്ടി​രി​ക്കെ ഇ​വ​ര്‍ പ​ര​സ്പ​രം തെ​റി​വി​ളി​ച്ചു​കൊ​ണ്ട് ത​മ്മി​ല​ടി​ക്കു​ക​യാ​യി​രു​ന്നു.