പയ്യന്നൂർ കിരീടത്തിലേക്ക്

ക​ണ്ണൂ​ർ: സർവകലാശാല കലോത്സവത്തിൽ 260 പോയന്റുമായി പയ്യന്നൂർ കോളജ് കിരീടം ഉറപ്പിച്ചു. 236 പോയന്റുമായി ആതിഥേയരായ കണ്ണൂർ എസ്.എൻ കോളജാണ് രണ്ടാം സ്ഥാനത്ത്. 220 പോയന്റുമായി ഗവ. ബ്രണ്ണൻ കോളജ് മൂന്നാംസ്ഥാനത്തുണ്ട്. വെള്ളിയാഴ്ച വൈകി തുടങ്ങിയ മത്സരങ്ങൾ രാത്രിയും പുരോഗമിക്കുകയാണ്.

സർവകലാശാല കലോത്സവത്തിൽ 23 തവണയും പയ്യന്നൂർ കോളജാണ് കിരീടം നേടിയത്. 2003, 2008, 2011 വർഷങ്ങളിലാണ് പയ്യന്നൂരിന് കിരീടം നഷ്ടമായത്. രാവിലെ 9.30ന് എസ്.എൻ ബസ്‍സ്റ്റോപ്പിന് സമീപം തുടങ്ങേണ്ടിയിരുന്ന തെരുവുനാടകമത്സരം കനത്ത ചൂടിനെ തുടർന്ന് വേദി മാറ്റി നാലുമണിക്കൂറോളം വൈകി ക്യാമ്പസിനുള്ളിലാണ് നടത്തിയത്. ഗ്ലാമർ ഇനമായി ഒപ്പനയും തിരുവാതിരയും തുടങ്ങാൻ വൈകി. ഒപ്പനക്കും നാടൻപാട്ടിനും തെരുവുനാടകത്തിനും നിറഞ്ഞ സദസായിരുന്നു.

ആ​ളെ​ക്കൂ​ട്ടി തെ​രു​വു​നാ​ട​ക​ങ്ങ​ൾ

ലിം​ഗ അ​സ​മ​ത്വ​വും ജാ​തീ​യ​ത​യും നി​ല​നി​ൽ​ക്കു​ന്ന ഇ​രു​ണ്ട​കാ​ല​ത്തി​ന് നേ​രെ വി​ര​ൽ​ചൂ​ണ്ടി തെ​രു​വു​നാ​ട​ക​ങ്ങ​ൾ നി​റ​ഞ്ഞ സ​ദ​സ്സി​ൽ കൈ​യ​ടി നേ​ടി. ചോ​ദ്യ​ങ്ങ​ളു​മാ​യി പ്രേ​ക്ഷ​ക​ർ​ക്കി​ട​യി​ൽ​നി​ന്ന് ക​യ​റി​വ​ന്ന ക​ഥാ​പാ​ത്ര​ങ്ങ​ൾ അ​വ​രു​ടെ ഹൃ​ദ​യ​വും ചി​ന്ത​യു​മാ​യി സം​വ​ദി​ച്ചു. നോ​ക്കു​കു​ത്തി​യാ​കു​ന്ന നി​യ​മ​ങ്ങ​ൾ തെ​രു​വി​ൽ വി​ചാ​ര​ണ ചെ​യ്യ​പ്പെ​ട്ടു. സ​മ​കാ​ലി​ക വി​ഷ​യ​ങ്ങ​ൾ ഗൗ​ര​വ​മാ​യി ച​ർ​ച്ച ചെ​യ്യാ​ൻ പാ​ക​ത്തി​ന് ക​ന​ലൊ​രു​ക്കി​യാ​ണ് പു​തു​ത​ല​മു​റ തെ​രു​വു​നാ​ട​കം ക​ളി​ച്ച​വ​സാ​നി​പ്പി​ച്ച​ത്. തെ​യ്യ​മാ​യും തീ​പ്പന്ത​മാ​യും അ​വ​ർ ആ​ഞ്ഞു​റ​ഞ്ഞു. സ​ഫ്‌​ദ​ർ ഹാ​ഷ്മി വേ​ദി​യി​ൽ അ​ര​ങ്ങേ​റി​യ ഏ​ഴ് നാ​ട​ക​ങ്ങ​ളും എ ​ഗ്രേ​ഡ് നേ​ടി. ഉ​ട​ലാ​ചാ​ര​ങ്ങ​ൾ​ക്ക​പ്പു​റം ന​മു​ക്ക് മ​നു​ഷ്യ​നാ​വാ​മെ​ന്ന സ​ന്ദേ​ശ​വു​മാ​യി ക​ണ്ണൂ​ർ എ​സ്.​എ​ൻ കോ​ള​ജ് അ​വ​ത​രി​പ്പി​ച്ച ചു​ഴി മി​ക​ച്ച നാ​ട​ക​മാ​യി ഒ​ന്നാം സ്ഥാ​നം നേ​ടി. കോ​ഴി​ക്കോ​ട് സ്വ​ദേ​ശി ആ​ദ​ർ​ശ് എ​ഴു​തി ബി​ച്ചു ചി​ല​ങ്ക​യാ​ണ്‌ നാ​ട​കം സം​വി​ധാ​നം ചെ​യ്ത​ത്.