വളപട്ടണം പുഴയോരത്ത് മണലൂറ്റ് വ്യാപകം

പാ​പ്പി​നി​ശ്ശേ​രി: വ​ള​പ​ട്ട​ണം പു​ഴ​യി​ൽ ഇ​രു​ട്ടി​ന്റെ മ​റ​വി​ൽ അ​ന​ധി​കൃ​ത മ​ണ​ലൂ​റ്റ് സം​ഘം സ​ജീ​വം. പു​ഴ​യു​ടെ പ​ല ഭാ​ഗ​ത്തും നി​ര​വ​ധി തോ​ണി​ക​ളി​ലാ​യാ​ണ് മ​ണ​ലൂ​റ്റ് ന​ട​ത്തി രാ​ത്രി​കാ​ല​ത്ത് വ​ൻ​വി​ല​യി​ൽ മ​റി​ച്ച് വി​ൽ​ക്കു​ന്ന​ത്. മ​ണ​ലൂ​റ്റ് സം​ഘ​ത്തെ പി​ടി​കൂ​ടാ​ൻ പൊ​ലീ​സു​കാ​ർ എ​ത്തി​യാ​ലും മ​ണ​ൽ എ​ടു​ക്കു​ന്ന​വ​രെ പി​ടി​കൂ​ടാ​ൻ സാ​ധി​ക്കാ​റി​ല്ല.

ക​ഴി​ഞ്ഞ ദി​വ​സം രാ​ത്രി വ​ള​പ​ട്ട​ണം പു​ഴ​യു​ടെ ഭാ​ഗ​മാ​യ പാ​പ്പി​നി​ശ്ശേ​രി പാ​റ​ക്ക​ൽ ഭാ​ഗ​ത്ത് മാ​ത്രം പ​ത്തി​ല​ധി​കം തോ​ണി​ക​ളാ​ണ് പ​തി​വു​പോ​ലെ മ​ണ​ലൂ​റ്റി​ൽ ഏ​ർ​പ്പെ​ട്ട​ത്. വ​ള​പ​ട്ട​ണം പൊ​ലീ​സ് സ്ഥ​ല​ത്തെ​ത്തി​യെ​ങ്കി​ലും പു​ഴ​യി​ലി​റ​ങ്ങി മാ​ഫി​യ​ക്കാ​രെ പി​ടി​കൂ​ടാ​ൻ ഒരു സം​വി​ധാ​ന​വും ഇ​ല്ലാ​തെ തി​രി​ച്ചുപോ​യെ​ന്ന് സ​മീ​പ​വാ​സി​ക​ൾ പ​റ​യു​ന്നു. പ്ര​ദേ​ശ​വാ​സി​ക​ൾ ഇ​വ​രു​ടെ അ​ക്ര​മം ഭ​യ​ന്ന് മി​ണ്ടാ​റി​ല്ല.

മു​ൻ​കാ​ല​ത്ത് തീ​ര​ദേ​ശ പൊ​ലീ​സി​ന്റെ സ്പീ​ഡ് ബോ​ട്ട് ഉ​പ​യോ​ഗി​ച്ച് പു​ഴ​യി​ലെ അ​ന​ധി​കൃ​ത മ​ണ​ലൂ​റ്റു​കാ​രെ പി​ടി​കൂ​ടാ​ൻ ശ്ര​മം ന​ട​ത്താ​റു​ണ്ടാ​യി​രു​ന്നു. നി​ല​വി​ൽ അ​ത്ത​രം സം​വി​ധാ​ന​വും ഇ​ല്ലാ​ത്ത​തി​നാ​ൽ വ​ള​പ​ട്ട​ണം പു​ഴ​യു​ടെ പ​ല​ഭാ​ഗ​ത്തും മ​ണ​ലെ​ടു​പ്പ് സം​ഘ​ങ്ങ​ൾ സ​ജീ​വ​മാ​ണ്. വ​ള​പ​ട്ട​ണം പു​ഴ​യി​ൽ പ​റ​ശ്ശി​നി​ക്കും പാ​പ്പി​നി​ശ്ശേ​രി​ക്കും ഇ​ട​യി​ൽ ചെ​റു​ദ്വീ​പു​ക​ളും മ​ണ​ൽ തി​ട്ട​ക​ൾ നി​റ​ഞ്ഞ നി​ര​വ​ധി​യു​ള്ള മേ​ഖ​ല​യാ​ണ്. എ​ളു​പ്പ​ത്തി​ൽ ന​ല്ല മ​ണ​ൽ ശേ​ഖ​രി​ക്കാ​ൻ സാ​ധി​ക്കു​ന്ന​തി​നാ​ൽ അ​ത്ത​രം സ്ഥ​ല​ങ്ങ​ളി​ലാ​ണ് മി​ക്ക​പ്പോ​ഴും ഇ​വ​ർ​ താ​വ​ള​മാ​ക്കു​ന്ന​ത്. ഇ​തി​ന്റെ ഫ​ല​മാ​യി ജൈ​വ വൈ​വി​ധ്യം നി​റ​ഞ്ഞ​തും മ​നോ​ഹ​ര​വു​മാ​യ ചെ​റു​തു​രു​ത്തു​ക​ൾ ഭീ​ഷ​ണി നേ​രി​ടു​ന്നു. പ​ല മ​ണ​ൽ​ത്തി​ട്ട​ക​ളും ഇ​തി​ന​കം പു​ഴ​യി​ൽ അ​മ​ർ​ന്നു ക​ഴി​ഞ്ഞു.

രാ​ത്രി കാ​ല​ത്ത് അ​ന​ധി​കൃ​ത​മാ​യി ശേ​ഖ​രി​ക്കു​ന്ന മ​ണ​ൽ സൂ​ക്ഷി​ക്കാ​നും ക​ട​ത്താ​നും പു​ഴ​യോ​ര​ങ്ങ​ളി​ൽ ത​ന്നെ നി​ര​വ​ധി ഒ​ളി​ത്താ​വ​ള​ങ്ങ​ളു​ണ്ട്.

പു​ല​ർ​ച്ച നാ​ലി​ന് മു​മ്പ് ത​ന്നെ ഏ​ജ​ന്റു​മാ​ർ മു​ഖേ​ന അ​ന​ധി​കൃ​ത​മാ​യി ശേ​ഖ​രി​ക്കു​ന്ന മ​ണ​ൽ ആ​വ​ശ്യ​ക്കാ​ർ​ക്ക് എ​ത്തി​ച്ചു​ന​ൽ​കും. ഇ​ത് ത​ട​യാ​ൻ ഫ​ല​പ്ര​ദ​മാ​യ ഒ​രു സം​വി​ധാ​നം പൊ​ലീ​സി​നും മ​റ്റു​മി​ല്ലാ​ത്ത​തി​ൽ അ​ധി​കൃ​ത​ർ​ക്ക് അ​ന​ക്ക​മി​ല്ല.