Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightPappinisserichevron_rightപുതിയതെരു -കൊറ്റാളി...

പുതിയതെരു -കൊറ്റാളി മിനി ബൈപാസ്: സർവേ കല്ലിടലിൽ വ്യാപക പ്രതിഷേധം

text_fields
bookmark_border
mini bypass
cancel
camera_alt

മിനി ബൈപാസ് റോഡ് സർവേ ​​പ്രവൃത്തിക്ക്​ സംരക്ഷണമൊരുക്കാൻ പൊലീസ് സംഘമെത്തിയപ്പോൾ

പാ​പ്പി​നി​ശ്ശേ​രി: പു​തി​യ​തെ​രു -കൊ​റ്റാ​ളി മി​നി ബൈ​പാ​സ് സ​ർ​വേ​യു​മാ​യി ബ​ന്ധ​പ്പെ​ട്ട് ക​ല്ലി​ടാ​നെ​ത്തി​യ അ​ധി​കൃ​ത​രെ നാ​ട്ടു​കാ​ർ ത​ട​ഞ്ഞു. മു​ന്ന​റി​യി​പ്പി​ല്ലാ​തെ വീ​ട്ടു​പ​റ​മ്പി​ൽ ക​യ​റി സ​ർ​വേ ന​ട​ത്തി​യ​താ​ണ്​ നാ​ട്ടു​കാ​ർ ചോ​ദ്യം ചെ​യ്ത​ത്. ഭൂ​മി ഏ​റ്റെ​ടു​ക്കു​ന്ന പ്ര​ദേ​ശ​ത്തെ മു​ഴു​വ​ൻ പേ​ർ​ക്കും നോ​ട്ടീ​സ് ന​ൽ​കാ​തെ പ​റ​മ്പി​ൽ അ​തി​ക്ര​മി​ച്ചു​ക​യ​റി ക​ല്ലി​ടു​ന്ന ന​ട​പ​ടി​യാ​ണ് അ​ധി​കൃ​ത​ർ ന​ട​ത്തു​ന്ന​തെ​ന്ന് ആ​ക്​​ഷ​ൻ ക​മ്മി​റ്റി ഭാ​ര​വാ​ഹി​ക​ൾ കു​റ്റ​പ്പെ​ടു​ത്തി.

ര​ണ്ടു​മാ​സം മു​മ്പ്​ ഇ​തേ പ്ര​ശ്ന​വു​മാ​യി ബ​ന്ധ​പ്പെ​ട്ട്​ ജി​ല്ല ക​ല​ക്ട​ർ വി​ളി​ച്ച യോ​ഗ​ത്തി​ൽ നൂ​റോ​ളം പേ​ർ പ​ങ്കെ​ടു​ത്തി​രു​ന്നു. എ​ന്നാ​ൽ, അ​തി​ൽ ആ​റു​പേ​ർ​ക്ക്​ മാ​ത്ര​മാ​ണ് സം​സാ​രി​ക്കാ​ൻ ക​ല​ക്ട​ര്‍ അ​നു​മ​തി ന​ൽ​കി​യ​ത്. ഒ​ടു​വി​ൽ സം​സാ​രി​ച്ച​വ​ർ​ക്ക് മാ​ത്ര​മാ​ണ് പ്ര​തി​ഷേ​ധം എ​ന്ന നി​ല​പാ​ടി​ലാ​ണ് ജി​ല്ല ക​ല​ക്ട​ർ എ​ത്തി​യ​തെ​ന്നും പ്ര​ദേ​ശ​വാ​സി​ക​ൾ പ​റ​യു​ന്നു.

മി​നി ബൈ​പാ​സ് റോ​ഡ് ആ​രം​ഭി​ക്കു​ന്ന​ത് പു​തി​യ​തെ​രു സ്റ്റൈ​ലോ ജ​ങ്​​ഷ​നി​ൽ നി​ന്നാ​ണ്. ഇ​വി​ടെ നി​ന്ന്​ പു​റ​പ്പെ​ടു​ന്ന റോ​ഡി​ലെ എ​സ് ആ​കൃ​തി​യി​ലു​ള്ള വ​ള​വ് നി​വ​ർ​ത്താ​തെ നി​ർ​മാ​ണം ന​ട​ത്തു​ന്ന ന​ട​പ​ടി​യി​ലും പ്ര​തി​ഷേ​ധ​മു​ണ്ട്.

സ​ർ​വേ ത​ട​ഞ്ഞ​തി​നെ തു​ട​ർ​ന്ന്​ വ​ള​പ​ട്ട​ണം പൊ​ലീ​സി​ന്‍റെ നേ​തൃ​ത്വ​ത്തി​ൽ സ​മ​ര​ക്കാ​രെ പി​രി​ച്ചു​വി​ടു​ക​യും സ​ർ​വേ ന​ട​പ​ടി പു​ന​രാ​രം​ഭി​ക്കു​ക​യും ചെ​യ്തു. ആ​ക്​​ഷ​ൻ ക​മ്മി​റ്റി ഭാ​ര​വാ​ഹി​ക​ളാ​യ ഹം​സ ഹ​മീ​ദ് ഹാ​ജി, സെ​ക്ര​ട്ട​റി ബൈ​ജു, പ​ത്മ​രാ​ജ​ൻ, സം​ഗീ​ത ടീ​ച്ച​ർ എ​ന്നി​വ​ർ അ​ന​ധി​കൃ​ത ക​ല്ലി​ട​ല്‍ ന​ട​പ​ടി​യി​ൽ പ്ര​തി​ഷേ​ധി​ച്ചു.

പു​തി​യ​തെ​രു സ്റ്റൈ​ലോ ജ​ങ്ഷ​ൻ മു​ത​ൽ കൊ​റ്റാ​ളി, കു​ഞ്ഞി​പ്പ​ള്ളി, ക​ക്കാ​ട്, ധ​ന​ല​ക്ഷ്മി ജ​ങ്​​ഷ​ൻ വ​ഴി താ​ണ വ​രെ 7.04 കി​ലോ​മീ​റ്റ​ർ നീ​ള​ത്തി​ലാ​ണ് ക​ല്ലു​ക​ൾ സ്ഥാ​പി​ക്കു​ന്ന​ത്.

കു​റ​ഞ്ഞ​ത് 14 മീ​റ്റ​ർ വീ​തി​യി​ലാ​ണ് സ്ഥ​ലം ഏ​റ്റെ​ടു​ക്കു​ന്ന​ത്. വ​ള​വു​ക​ളി​ലും മ​റ്റ്​ റോ​ഡു​ക​ൾ ചേ​രു​ന്ന സ്ഥ​ല​ങ്ങ​ളി​ലും ബ​സ് കാ​ത്തി​രി​പ്പ് കേ​ന്ദ്ര​ത്തി​ന് ആ​വ​ശ്യ​മാ​യ വീ​തി​യി​ലു​മാ​ണ് സ്ഥ​ലം ഏ​റ്റെ​ടു​ക്കു​ന്ന​ത്. ആ​ർ.​ആ​ർ.​എ​ഫ്.​ബി അ​സി. പ്രോ​ജ​ക്ട്​ മാ​നേ​ജ​ർ മു​ഹ​മ്മ​ദ് നി​സാ​ൻ, ഓ​വ​ർ​സി​യ​ർ പ്ര​കാ​ശ​ൻ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് ക​ല്ലി​ട​ൽ പ്ര​വൃ​ത്തി ന​ട​ക്കു​ന്ന​ത്. പ്ര​വൃ​ത്തി ഇ​ന്നും തു​ട​രും.

Show Full Article
TAGS:puthiyatheru mini bypass 
News Summary - protest over puthiyatheru mini bypass
Next Story