പാപ്പിനിശ്ശേരി മേൽപാലം പ്രവൃത്തി അവസാനഘട്ടത്തിൽ

പാ​പ്പി​നി​ശ്ശേ​രി: പാ​പ്പി​നി​ശ്ശേ​രി -പി​ലാ​ത്ത​റ കെ.​എ​സ്.​ടി.​പി റോ​ഡി​ലെ അ​റ്റ​കു​റ്റ​പ്പ​ണി​ക്കാ​യി അ​ട​ച്ച പാ​പ്പി​നി​ശ്ശേ​രി, താ​വം മേ​ൽ​പാ​ല​ങ്ങ​ളി​ലെ ന​വീ​ക​ര​ണ​പ്ര​വൃ​ത്തി അ​വ​സാ​ന​ഘ​ട്ട​ത്തി​ൽ. പാ​ല​ങ്ങ​ൾ നി​ശ്ച​യി​ച്ച ദി​വ​സ​ത്തി​നു​മു​മ്പ് തു​റ​ക്കാ​നാ​വു​മെ​ന്നാ​ണ് പ്ര​തീ​ക്ഷ. ഇ​രു​മേ​ൽ​പാ​ല​ങ്ങ​ളും ഡി​സം​ബ​ർ 20 മു​ത​ലാ​ണ് ഒ​രു​മാ​സ​ത്തേ​ക്ക് അ​ട​ച്ച​ത്.

ഇ​രു​മേ​ൽ​പാ​ല​ങ്ങ​ളും അ​ട​ച്ചി​ട്ട​തോ​ടെ യാ​ത്രാ​ക്ലേ​ശം രൂ​ക്ഷ​മാ​ണ്. ഫ​ല​പ്ര​ദ​മാ​യ ബ​ദ​ൽ യാ​ത്രാ​സൗ​ക​ര്യം ഇ​ല്ലാ​ത്ത​താ​ണ് ദു​രി​ത​ത്തി​ന് കാ​ര​ണം. പാ​പ്പി​നി​ശ്ശേ​രി മേ​ൽ​പാ​ലം നേ​ര​ത്തേ നി​ശ്ച​യി​ച്ച തീ​യ​തി​ക്ക് ഒ​രാ​ഴ്ച മു​മ്പെ​ങ്കി​ലും തു​റ​ന്നു കൊ​ടു​ക്കാ​നാ​കു​മെ​ന്ന് എം.​എ​ൽ.​എ​മാ​രാ​യ കെ.​വി. സു​മേ​ഷും എം. ​വി​ജി​നും വ്യ​ക്ത​മാ​ക്കി. പ​ര​മാ​വ​ധി നേ​ര​ത്തേ പ​ണി പൂ​ർ​ത്തി​യാ​ക്കി തു​റ​ന്നു​കൊ​ടു​ക്കാ​നു​ള്ള ശ്ര​മം ന​ട​ക്കു​ന്ന​താ​യി കെ.​എ​സ്.​ടി.​പി എ​ക്സി​ക്യൂ​ട്ടി​വ് എ​ൻ​ജി​നീ​യ​റും അ​റി​യി​ച്ചു.

പാ​പ്പി​നി​ശ്ശേ​രി മേ​ൽ​പാ​ലം പ​ണി പ​ഴ​യ ക​രാ​റു​കാ​രാ​യ ആ​ർ.​ഡി.​എ​സും താ​വ​ത്ത് എ​റ​ണാ​കു​ള​ത്തെ പ​ത്മ​ജ സ്പെ​ഷാ​ലി​റ്റീ​സു​മാ​ണ് ന​ട​ത്തു​ന്ന​ത്. പാ​പ്പി​നി​ശ്ശേ​രി​യി​ൽ കു​ഴി​ക​ൾ രൂ​പ​പ്പെ​ട്ട ഭാ​ഗ​ത്തെ ടാ​റി​ങ്ങും കോ​ൺ​ക്രീ​റ്റി​​ന്‍റെ മേ​ൽ പാ​ളി​യും നീ​ക്കം ചെ​യ്ത് ക​മ്പി​ക​ളി​ൽ രാ​സ മി​ശ്രി​തം ചേ​ർ​ത്ത് വീ​ണ്ടും കോ​ൺ​ക്രീ​റ്റ് ചെ​യ്തു. എ​ക്സ്പാ​ൻ​ഷ​ൻ ജോ​യ​ന്‍റു​ക​ളി​ൽ വെ​ള്ളം ആ​ഴ്ന്നി​റ​ങ്ങാ​തി​രി​ക്കാ​ൻ പ്ര​ത്യേ​ക സു​ര​ക്ഷാ​ഷീ​റ്റ് ചൂ​ടാ​ക്കി വി​രി​ക്കു​ന്ന പ്ര​വൃ​ത്തി​യും പു​രോ​ഗ​മി​ക്കു​ക​യാ​ണ്. കോ​ൺ​ക്രീ​റ്റ് ചെ​യ്ത ഭാ​ഗ​ത്തെ ക്യൂ​റി​ങ് സ​മ​യം ക​ഴി​ഞ്ഞാ​ൽ അ​വി​ടെ​യും സു​ര​ക്ഷാ​ഷീ​റ്റ് ചൂ​ടാ​ക്കി​വി​രി​ച്ച് ബ​ല​പ്പെ​ടു​ത്തും. അ​തി​നു​ശേ​ഷ​മാ​ണ് ഉ​പ​രി​ത​ല ടാ​റി​ങ് ന​ട​ത്തു​ക. ടാ​റി​ങ് പ്ര​വൃ​ത്തി ക​ഴി​ഞ്ഞാ​ല്‍ പാ​ലം തു​റ​ന്നു​കൊ​ടു​ക്കും.

താ​വ​ത്ത് എ​ക്സ്പാ​ൻ​ഷ​ൻ ജോ​യ​ന്‍റു​ക​ൾ മാ​റ്റി​സ്ഥാ​പി​ച്ച് കോ​ൺ​ക്രീ​റ്റ് പ്ര​വൃ​ത്തി പൂ​ർ​ത്തി​യാ​ക്കി. ക്യൂ​റി​ങ് സ​മ​യം ക​ഴി​യു​ന്ന​തോ​ടെ നി​ല​വി​ൽ ല​ക്ഷ്യ​മി​ട്ട അ​റ്റ​കു​റ്റ​പ്പ​ണി പൂ​ർ​ത്തി​യാ​കു​മെ​ന്ന് അ​ധി​കൃ​ത​ർ അ​റി​യി​ച്ചു.