പാപ്പിനിശ്ശേരി മേൽപാലത്തിലെ കുഴി; വഴിമുട്ടി യാത്രക്കാർ

പാ​പ്പി​നി​ശ്ശേ​രി: റെ​യി​ൽ​വേ മേ​ൽ​പാ​ല​ത്തി​ൽ രൂ​പ​പ്പെ​ടു​ന്ന വ​ലി​യ കു​ഴി​ക​ൾ യാ​ത്ര​ക്കാ​ർ​ക്ക് ദു​രി​ത​മാ​കു​ന്നു. അ​ധി​കൃ​ത​ർ കു​ഴി​ക​ള​ട​ക്കുംതോ​റും അ​തി​ലും വ​ലി​യ കു​ഴി​ക​ൾ രൂ​പ​പ്പെ​ടു​ക​യാ​ണ്. പാ​ലം പൊ​തു​മ​രാ​മ​ത്ത് വ​കു​പ്പ് ഏ​റ്റെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. 2018ൽ ​വാ​ഹ​ന​ഗ​താ​ഗ​ത​ത്തി​ന് തു​റ​ന്നുകൊ​ടു​ത്ത പാ​ല​ത്തി​ൽ തൊ​ട്ട​ടു​ത്ത വ​ർ​ഷം മു​ത​ൽ കു​ഴി​ക​ൾ രൂ​പ​പ്പെ​ടാ​ൻ തു​ട​ങ്ങി. നാ​ടി​ന്റെ വി​വി​ധ കോ​ണു​ക​ളി​ൽ നി​ന്നും പ​രാ​തി ഉ​യ​ർ​ന്നി​ട്ടും എ​ൻ​ജി​നീ​യ​റി​ങ് വി​ഭാ​ഗം അ​ന​ങ്ങാ​പ്പാ​റ ന​യ​മാ​ണ് സ്വീ​ക​രി​ച്ച​ത്.

ഒ​രു വ​ർ​ഷം മു​മ്പേ പാ​ല​ത്തി​ലെ ഉ​പ​രി​ത​ല​ത്തി​ൽ നി​റ​യെ കു​ഴി​ക​ളാ​യ​തി​നാ​ൽ ഒ​രു മാ​സം പാ​ല​മ​ട​ച്ച് ഗ​താ​ഗ​തം നി​ർ​ത്തി ആ​ധു​നി​ക സം​വി​ധാ​ന​ത്തോ​ടെ കു​ഴി​ക​ള​ട​ച്ച് സ​ഞ്ചാ​ര​യോ​ഗ്യ​മാ​ക്കി​യി​രു​ന്നു. എ​ന്നാ​ൽ, ഒ​ട്ടും താ​മ​സി​യാ​തെ​ത​ന്നെ പാ​ല​ത്തി​ലെ ഉ​പ​രി​ത​ല​ത്തി​ൽ വീ​ണ്ടും കു​ഴി​ക​ൾ രൂ​പ​പ്പെ​ട്ടു. ഇ​രു​ച​ക്ര വാ​ഹ​ന​ങ്ങ​ള​ട​ക്കം നി​ര​വ​ധി വാ​ഹ​ന​ങ്ങ​ള്‍ കു​ഴി​യി​ല്‍ വീ​ഴു​ന്ന​ത് പ​തി​വാ​ണ്. ഏ​താ​നും ദി​വ​സം മു​മ്പ് ഇ​രു​ച​ക്ര വാ​ഹ​ന​യാ​ത്ര​ക്കാ​ര​ന്‍ കു​ഴി​യി​ല്‍ വീ​ണ് ഗു​രു​ത​ര പ​രി​ക്കേ​റ്റ് ചി​കി​ല്‍സ​യി​ലാ​ണ്. ര​ണ്ടു മാ​സ​ത്തി​നി​ടെ ര​ണ്ടു​ത​വ​ണ കു​ഴി​കള​ട​ച്ചെ​ങ്കി​ലും താ​മ​സി​യാ​തെ വീ​ണ്ടും പെ​രും​കു​ഴി​ക​ളാ​യി രൂ​പ​പ്പെ​ട്ടു. ചി​ല വാ​ഹ​ന​ങ്ങ​ൾ പാ​ലം ക​ട​ക്കു​ന്ന​ത് ഒ​ഴി​വാ​ക്കാ​നാ​യി അ​ടി​പ്പാ​ത​യി​ലൂ​ടെ ക​ട​ന്നു​പോ​കു​ന്നു​ണ്ട്. നി​ല​വി​ൽ പാ​ല​ത്തി​ന്റെ ഉ​പ​രി​ത​ല​ത്തി​ൽ പ​ത്തി​ല​ധി​കം കു​ഴി​ക​ളു​ണ്ട്.

കെ.​എ​സ്.​ടി.​പി.​യു​ടെ നേ​തൃ​ത്വ​ത്തി​ൽ ന​ട​ത്തി​യ പാ​ലം നി​ർ​മാ​ണം ക​ഴി​ഞ്ഞ് ഒ​രു വ​ർ​ഷ​ത്തി​ന​കം പൊ​തു​മ​രാ​മ​ത്ത് വ​കു​പ്പി​ന് പാ​ലം വി​ട്ടു​കൊ​ടു​ക്ക​ണ​മെ​ന്നാ​ണ് വ്യ​വ​സ്ഥ. എ​ന്നാ​ൽ, പൊ​തു​മ​രാ​മ​ത്ത് വ​കു​പ്പ് പാ​ലം ഏ​റ്റെ​ടു​ക്കാ​ൻ നി​ര​വ​ധി ത​വ​ണ കെ.​എ​സ്.​ടി.​പി​യു​മാ​യി യോ​ജി​ച്ച് പ​രി​ശോ​ധ​ന ന​ട​ത്തി​ക്ക​ഴി​ഞ്ഞു. പാ​ല​ത്തി​ന്റെ അ​പാ​ക​ത ചൂ​ണ്ടി​ക്കാ​ണി​ച്ച് പൊ​തു​മരാ​മ​ത്ത് വ​കു​പ്പ് ഏ​റ്റെ​ടു​ക്കാ​ൻ ത​യാ​റി​ല്ല. കെ.​എ​സ്.​ടി.​പി​ക്ക് പാ​ല​ത്തി​ന്റെ കേ​ടു​പാ​ടു​തീ​ർ​ക്കാ​ൻ പ​ണ​വു​മി​ല്ല. ഇ​നി സ​ർ​ക്കാ​ർ ഇ​ട​പെ​ട്ട് പൊ​തു​മ​രാ​മ​ത്ത് വ​കു​പ്പി​ന് വി​ട്ടു​കൊ​ടു​ത്താ​ൽ പാ​ലം മു​ഴു​വ​ൻ മെ​ക്കാ​ടം ടാ​റി​ങ് ന​ട​ത്തി മെ​ച്ച​പ്പെ​ടു​ത്തു​മെ​ന്നാ​ണ് അ​റി​യു​ന്ന​ത്. ഇ​തി​ന് ആ​രു മു​ൻ​കൈ​യെ​ടു​ക്കു​മെ​ന്നാ​ണ് ചോ​ദ്യം.