Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightPappinisserichevron_rightപാ​പ്പി​നി​ശ്ശേ​രി...

പാ​പ്പി​നി​ശ്ശേ​രി മേഖലയിൽ ദുരിതമായി ആഫ്രിക്കന്‍ ഒച്ച്

text_fields
bookmark_border
പാ​പ്പി​നി​ശ്ശേ​രി മേഖലയിൽ ദുരിതമായി ആഫ്രിക്കന്‍ ഒച്ച്
cancel

പാ​പ്പി​നി​ശ്ശേ​രി: പാ​പ്പി​നി​ശ്ശേ​രി മേഖലയിൽ ആ​ഫ്രി​ക്ക​ന്‍ ഒ​ച്ചു​ക​ളു​ടെ ഭീ​ഷ​ണി. പാ​പ്പി​നി​ശേ​രി പ​ഞ്ചാ​യ​ത്ത്, ഐ​ക്ക​ൽ, തു​രു​ത്തി, റെ​യി​ൽ​വേ ഗേ​റ്റ് മേ​ഖ​ല​ക​ളി​ൽ ഒ​ച്ചു​ശ​ല്യ​മു​ണ്ട്.

മൂ​ന്നു വ​ര്‍ഷ​ത്തോ​ള​മാ​യി മ​ഴ​ക്കാ​ല​മാ​യാ​ല്‍ വ​ള​പ​ട്ട​ണം പു​ഴ​യോ​ര​ത്ത് ഒ​ച്ചു​ക​ളു​ടെ ശ​ല്യം ഉ​ണ്ടാ​കാ​റു​ണ്ട്.

എ​ല്ലാ കൃ​ഷി​ക​ളും തി​ന്നു​ന​ശി​പ്പി​ക്കു​ന്ന ഒ​ച്ച്‌ തെ​ങ്ങു​ക​ളെ​പ്പോ​ലും ആ​ക്ര​മി​ക്കു​ന്നു. വീ​ട്ടി​ല്‍ ഭ​ക്ഷ​ണ​പ​ദാ​ർ​ഥ​ങ്ങ​ളി​ലും ക​യ​റി​പ്പ​റ്റു​ന്ന​തി​നാ​ല്‍ നാ​ട്ടു​കാ​ര്‍ ഏ​റെ വി​ഷ​മ​ത്തി​ലാ​ണ്. ആ​രോ​ഗ്യ​കേ​ന്ദ്ര​ങ്ങ​ള്‍ മു​ത​ല്‍ പ​ഞ്ചാ​യ​ത്ത് ഓ​ഫി​സി​ല്‍വ​രെ പ​രാ​തി ന​ല്‍കി​യി​ട്ടും അ​ധി​കൃ​ത​ര്‍ ന​ട​പ​ടി കൈ​ക്കൊ​ണ്ടി​ട്ടി​ല്ലെ​ന്ന്​ നാ​ട്ടു​കാ​ർ പ​രാ​തി​പ്പെ​ട്ടു.

ച​ക്ക​ര​ക്ക​ല്ല്: മ​ഴ ക​ന​ത്ത​തോ​ടെ മു​ണ്ടേ​രി പ​ഞ്ചാ​യ​ത്തി​ലെ ത​ല​മു​ണ്ട മേ​ഖ​ല​യി​ലെ നി​ര​വ​ധി വീ​ട്ടു​കാ​ർ ആ​ഫ്രി​ക്ക​ൻ ഒ​ച്ചി​െൻറ ശ​ല്യ​ത്തി​ൽ ദു​രി​തം പേ​റു​ന്നു. ഇ​തി​നെ തു​ട​ർ​ന്ന് പ​ഞ്ചാ​യ​ത്ത് പ്ര​സി​ഡ​ൻ​റി​െൻറ നേ​തൃ​ത്വ​ത്തി​ലു​ള്ള സം​ഘം സ്ഥ​ല​സ​ന്ദ​ർ​ശി​ച്ചു. ആ​ഫ്രി​ക്ക​ൻ ഒ​ച്ചി​നെ പൂ​ർ​ണ​മാ​യും ന​ശി​പ്പി​ക്കു​ന്ന​തി​ന്ന് ദ്രു​ത​ക​ർ​മ പ​രി​പാ​ടി സം​ഘ​ടി​പ്പി​ക്കു​മെ​ന്ന് സെ​ക്ട​ർ മ​ജി​സ്ട്രേ​റ്റ്​ കൂ​ടി​യാ​യ കൃ​ഷി ഓ​ഫി​സ​ർ കൃ​ഷ്ണ​പ്ര​സാ​ദ് പ​റ​ഞ്ഞു.

വൈ​കീ​ട്ട്​ വീ​ട്ടു​മു​റ്റ​ത്തും മ​തി​ലു​ക​ളി​ലും ഇ​ഴ​ഞ്ഞു ന​ട​ക്കു​ന്ന ഒ​ച്ചു​ക​ൾ രാ​ത്രി ആ​കു​ന്ന​തോ​ടെ ചു​വ​രും വ​രാ​ന്ത​യും കൈ​യ​ട​ക്കു​ന്ന​തോ​ടെ പു​റ​ത്തി​റ​ങ്ങാ​നോ കി​ണ​റി​ൽ നി​ന്ന് വെ​ള്ളം​എ​ടു​ക്കാ​ൻ പോ​ലും പ​റ്റാ​ത്ത അ​വ​സ്ഥ​യാ​ണ്. തെ​ങ്ങ്, വാ​ഴ, ക​വു​ങ്ങ്, പ​ച്ച​ക്ക​റി​വി​ള​ക​ൾ തു​ട​ങ്ങി​യ​വ​യെ​ല്ലാം ഇ​വ ന​ശി​പ്പി​ക്കു​ന്നു. മ​ഴ​ക്കാ​ല​ത്ത് പ്ര​ജ​ന​ന കാ​ല​മാ​യ​തി​നാ​ൽ ഒ​രു ഒ​ച്ച് മാ​സ​ങ്ങ​ളു​ടെ വ്യ​ത്യാ​സ​ത്തി​ൽ ആ​യി​രം മു​ട്ട​ക​ളെ​ങ്കി​ലും ഇ​ടും. ഇ​ത് പെ​ട്ടെ​ന്ന് പെ​രു​കാ​ൻ കാ​ര​ണ​മാ​കു​ന്നു.

മു​ൻ​കാ​ല​ങ്ങ​ളി​ൽ പ​ഞ്ചാ​യ​ത്തി​ലും ആ​രോ​ഗ്യ വ​കു​പ്പി​ലും പ​രാ​തി ന​ൽ​കി​യ​പ്പോ​ൾ താ​ൽ​ക്കാ​ലി​ക ശ​മ​നം ഉ​ണ്ടാ​ക്കി എ​ന്ന​ല്ലാ​തെ ശാ​ശ്വ​ത പ​രി​ഹാ​രം ക​ണ്ടെ​ത്തി​യി​ല്ല. ഒ​ച്ചി​നെ ന​ശി​പ്പി​ക്കു​ന്ന​തി​ന് തൊ​ഴി​ലു​റ​പ്പ് തൊ​ഴി​ലാ​ളി​ക​ൾ, വാ​ർ​ഡ് ജാ​ഗ്ര​താ​സ​മി​തി അം​ഗ​ങ്ങ​ൾ, സ​ന്ന​ദ്ധ പ്ര​വ​ർ​ത്ത​ക​ർ തു​ട​ങ്ങി​യ​വ​രെ ഉ​ൾ​പ്പെ​ടു​ത്തി ഉ​ട​ൻ ശു​ചീ​ക​ര​ണ​വും മ​റ്റും ന​ട​ത്തു​മെ​ന്ന് പ​ഞ്ചാ​യ​ത്ത് പ്ര​സി​ഡ​ൻ​റ്​ എ. ​അ​നി​ഷ പ​റ​ഞ്ഞു കൃ​ഷി അ​സി. മി​നി, വാ​ർ​ഡ് മെം​ബ​ർ ചി​ത്ര, ബി​ന്ദു, പി.​വി. ധ​നേ​ഷ്, സീ​ത തു​ട​ങ്ങി​യ​വ​രും സ​ന്ദ​ർ​ശ​ക സം​ഘ​ത്തി​ൽ ഉ​ണ്ടാ​യി​രു​ന്നു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:African Snail
News Summary - african snails at pappinissery
Next Story