പാട്യം കുടുംബാരോഗ്യ കേന്ദ്രത്തിന് വീണ്ടും എൻ.ക്യു.എ.എസ് അംഗീകാരം

ക​ണ്ണൂ​ർ: ദേ​ശീ​യ ഗു​ണ​നി​ല​വാ​ര പ​രി​ശോ​ധ​ന​യി​ൽ വീ​ണ്ടും മി​ക​വ് തെ​ളി​യി​ച്ച് പാ​ട്യം കു​ടും​ബാ​രോ​ഗ്യ കേ​ന്ദ്രം. 97 ശ​ത​മാ​നം മാ​ർ​ക്കോ​ടെ എ​ൻ.​ക്യു.​എ.​എ​സ് (നാ​ഷ​ന​ൽ ക്വാ​ളി​റ്റി അ​ഷു​റ​ൻ​സ് സ്റ്റാ​ൻ​ഡേ​ർ​ഡ്) പു​ന​രം​ഗീ​കാ​രം. ഇ​തോ​ടെ എ​ൻ.​ക്യു.​എ.​എ​സ് ല​ഭി​ച്ച ജി​ല്ല​യി​ലെ സ്ഥാ​പ​ന​ങ്ങ​ളു​ടെ എ​ണ്ണം 27 ആ​യി. സം​സ്ഥാ​ന​ത്ത് ഏ​റ്റ​വും കൂ​ടു​ത​ൽ സ്ഥാ​പ​ന​ങ്ങ​ൾ​ക്ക് എ​ൻ.​ക്യു.​എ.​എ​സ് ല​ഭി​ച്ച ജി​ല്ല​യും ക​ണ്ണൂ​രാ​ണ്.

അം​ഗീ​കാ​രം ല​ഭി​ച്ച​തോ​ടെ പാ​ട്യം കു​ടും​ബാ​രോ​ഗ്യ കേ​ന്ദ്ര​ത്തി​ന് ര​ണ്ട് ല​ക്ഷം രൂ​പ വാ​ർ​ഷി​ക ഇ​ൻ​സെ​ന്റീ​വ് ല​ഭി​ക്കും. ആ​ശു​പ​ത്രി വി​ക​സ​ന​ത്തി​ന് ഇ​ത് കൂ​ടു​ത​ൽ സ​ഹാ​യി​ക്കും. എ​ൻ.​ക്യു.​എ.​എ​സ് അം​ഗീ​കാ​ര​ത്തി​ന് മൂ​ന്നു വ​ർ​ഷ കാ​ലാ​വ​ധി​യാ​ണു​ള്ള​ത്. ഇ​തി​നു​ശേ​ഷം ദേ​ശീ​യ​ത​ല സം​ഘ​ത്തി​ന്റെ പു​നഃ​പ​രി​ശോ​ധ​ന ഉ​ണ്ടാ​കും. കൂ​ടാ​തെ വ​ർ​ഷാ​വ​ർ​ഷം സം​സ്ഥാ​ന​ത​ല പ​രി​ശോ​ധ​ന​യു​മു​ണ്ടാ​കും.

ദേ​ശീ​യ ആ​രോ​ഗ്യ പ​രി​പാ​ടി, ജ​ന​റ​ൽ അ​ഡ്മി​നി​സ്‌​ട്രേ​ഷ​ൻ, ഒ.​പി, ലാ​ബ് എ​ന്നി​ങ്ങ​നെ എ​ട്ട് വി​ഭാ​ഗ​ങ്ങ​ളി​ലാ​ണ് പ​രി​ശോ​ധ​ന ന​ട​ന്ന​ത്. ഇ​തി​ൽ രോ​ഗി​ക​ൾ​ക്കു​ള്ള മി​ക​ച്ച സേ​വ​ന​ങ്ങ​ൾ, ഭൗ​തി​ക സാ​ഹ​ച​ര്യം, ജീ​വ​ന​ക്കാ​രു​ടെ കാ​ര്യ​ക്ഷ​മ​ത, മ​രു​ന്നു​ക​ളു​ടെ ല​ഭ്യ​ത​യും, വി​ത​ര​ണ​വും, ക്ലി​നി​ക്ക​ൽ സേ​വ​ന​ങ്ങ​ൾ, പ​ക​ർ​ച്ച​വ്യാ​ധി പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ, മാ​തൃ -ശി​ശു ആ​രോ​ഗ്യം, ജീ​വി​ത ശൈ​ലി രോ​ഗ നി​യ​ന്ത്ര​ണം, പ്ര​തി​രോ​ധ കു​ത്തി​വെ​പ്പ് സേ​വ​ന​ങ്ങ​ൾ തു​ട​ങ്ങി​യ വി​ഭാ​ഗ​ങ്ങ​ളെ അ​ടി​സ്ഥാ​ന​മാ​ക്കി 6,500 ഓ​ളം ചെ​ക്ക് പോ​യന്റു​ക​ൾ വി​ല​യി​രു​ത്തി​യാ​ണ് ദേ​ശീ​യ ഗു​ണ​മേ​ന്മ അം​ഗീ​കാ​രം ന​ൽ​കു​ന്ന​ത്.