അമേരിക്കയിൽ മലയാളി പെൺകുട്ടിക്ക്​ ഒ​രുകോ​ടിയു​ടെ സ്കോ​ള​ർ​ഷി​പ്

ക​ണ്ണൂ​ർ: അ​മേ​രി​ക്ക​യി​ലെ അ​രി​സോ​ണ​യി​ൽ മ​ല​യാ​ളി പെ​ൺ​കു​ട്ടി​ക്ക് അ​പൂ​ർ​വ നേ​ട്ടം. ഒ​രു കോ​ടി രൂ​പ​യു​ടെ സ്കോ​ള​ർ​ഷി​പ്പാ​ണ് ഈ ​മി​ടു​ക്കി നേ​ടി​യ​ത്. അ​രി​സോ​ണ സം​സ്ഥാ​ന​ത്തെ ബേ​സ്​ സ്​​കൂ​ൾ ഓ​ഫ് ഫീ​നി​ക്​​സി​ൽ 12ാം ക്ലാ​സ് വി​ദ്യാ​ർ​ഥി​യാ​യ സു​ര​ഭി സ​ജി​ത്താ​ണ് ഉ​യ​ര്‍ന്ന നേ​ട്ടം കൈ​വ​രി​ച്ച​ത്.

1,20,000 അ​മേ​രി​ക്ക​ൻ ഡോ​ള​റാ​ണ് സ്കോ​ള​ർ​ഷി​പ്പാ​യി ല​ഭി​ച്ച​ത്. (93 ല​ക്ഷം ഇ​ന്ത്യ​ൻ രൂ​പ). അ​രി​സോ​ണ​യി​ലെ ഫ്ലി​ൻ ഫൗ​ണ്ടേ​ഷ​െൻറ 2021ലെ ​അ​ക്കാ​ദ​മി​ക് എ​ക്​​സ​ല​ൻ​സാ​ണ് അ​വാ​ർ​ഡ് ന​ൽ​കി​യ​ത്. വി​ദ്യാ​ർ​ഥി​ക​ളു​ടെ പ​ഠ​ന​മി​ക​വും സാ​മൂ​ഹി​ക പ്ര​വ​ർ​ത്ത​ന​ത്തി​നു​ള്ള പ്രാ​വീ​ണ്യ​വു​മാ​ണ്​ അ​വാ​ർ​ഡി​നു പ​രി​ഗ​ണി​ച്ച​ത്. അ​ടു​ത്ത നാ​ലു​വ​ർ​ഷ​ത്തെ കോ​ള​ജ് പ​ഠ​നം പൂ​ർ​ണ​മാ​യി ഫ്ലി​ൻ ഫൗ​ണ്ടേ​ഷ​ൻ ഏ​റ്റെ​ടു​ക്കും. ഇ​തോ​ടൊ​പ്പം വി​ദേ​ശ​രാ​ജ്യ​ങ്ങ​ൾ സ​ന്ദ​ർ​ശി​ക്കാ​നു​ള്ള മു​ഴു​വ​ൻ ചെ​ല​വു​ക​ളും ഫ്ലി​ൻ ജേ​താ​ക്ക​ൾ​ക്ക് ല​ഭി​ക്കും. മ​ല​യാ​ളി​ക​ൾ​ക്ക്​ അ​പൂ​ർ​വ​മാ​യാ​ണ് ഇ​ത്ത​രം നേ​ട്ടം കൈ​വ​രി​ക്കാ​ൻ സാ​ധി​ച്ചി​ട്ടു​ള്ള​ത്.

ക​ഴി​ഞ്ഞ വ​ർ​ഷം പ​ഠ​ന​കാ​ല​ത്ത് സ​ന്ന​ദ്ധ​പ്ര​വ​ർ​ത്ത​ന​ങ്ങ​ളി​ലൂ​ടെ സു​ര​ഭി സ​മാ​ഹ​രി​ച്ച 3,000 ഡോ​ള​ർ കേ​ര​ള മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് സം​ഭാ​വ​ന ചെ​യ്​​തി​രു​ന്നു. സോ​ഷ്യ​ൽ സ​ർ​വി​സ്, ന​ർ​ത്ത​കി, പ്ര​സം​ഗം എ​ന്നീ മേ​ഖ​ല​യി​ലും നി​ര​വ​ധി സ​മ്മാ​ന​ങ്ങ​ൾ നേ​ടി​യി​ട്ടു​ണ്ട്. ഏ​റെ​ക്കാ​ല​മാ​യി അ​മേ​രി​ക്ക​യി​ൽ ജോ​ലി ചെ​യ്യു​ന്ന നീ​ലേ​ശ്വ​രം പ​ടി​ഞ്ഞാ​റ്റം കൊ​വ്വ​ൽ ദേ​വി​ശ്രീ​യി​ലെ സ​ജി​ത്ത് തൈ​വ​ള​പ്പി​െൻറ​യും നി​ർ​മ​ല​യു​ടെ​യും മ​ക​ളാ​ണ് സു​ര​ഭി. സ​ഹോ​ദ​രി ശ്രു​തി ഏ​ഴാം ക്ലാ​സ് വി​ദ്യാ​ർ​ഥി​നി​യാ​ണ്. നീ​ലേ​ശ്വ​ര​ത്തെ ശി​വ​ൻ നാ​യ​രു​ടെ​യും സ​ര​സ്വ​തി ടീ​ച്ച​റു​ടെ​യും ചെ​റു​മ​ക​ളാ​ണ്.