ഉ​പ്പേ​രി പൊ​ള്ളും

പ​യ്യ​ന്നൂ​ർ: ഓ​ണ​സ​ദ്യ​ക്ക് പ്ര​ധാ​ന​മാ​ണ് വാ​ഴ​ക്ക ഉ​പ്പേ​രി. വാ​ഴ​യി​ല​യി​ൽ ആ​ദ്യം വി​ള​മ്പു​ന്ന വി​ഭ​വ​ങ്ങ​ളി​ൽ ഒ​ന്ന്. എ​ന്നാ​ൽ, ഇ​ക്കു​റി ഏ​ത്ത​ക്കാ​യ കൊ​ണ്ടു​ണ്ടാ​ക്കു​ന്ന വ​റു​ത്തു​പ്പേ​രി കൈ ​പൊ​ള്ളി​ക്കും. വി​ല​ക്ക​യ​റ്റ​മാ​ണ് വി​ല്ല​ൻ.

ഉ​പ്പേ​രി​ക്ക് പ്ര​ധാ​ന​മാ​യും വെ​ളി​ച്ചെ​ണ്ണ​യും ഏ​ത്ത​ക്കാ​യ​യു​മാ​ണ് ആ​വ​ശ്യം. ര​ണ്ടി​നും തീ​വി​ല​യാ​ണ്. ഒ​രു ലി​റ്റ​ർ വെ​ളി​ച്ചെ​ണ്ണ വാ​ങ്ങാ​ൻ ഇ​ക്കു​റി രൂ​പ 400 വേ​ണം. ഏ​ത്ത​ക്കാ​യ​യു​ടെ വി​ല കി​ലോ​ക്ക് 60 രൂ​പ​യാ​ണ്.

ക​ഴി​ഞ്ഞ ഓ​ണ​ത്തി​ന് വെ​ളി​ച്ചെ​ണ്ണ വി​ല 200ൽ ​താ​ഴെ​യാ​യി​രു​ന്നു. ഇ​പ്പോ​ഴ​ത് ര​ണ്ടി​ര​ട്ടി​യാ​യി. ക​ഴി​ഞ്ഞ​വ​ർ​ഷം ഏ​ത്ത​ക്കാ​യ​യു​ടെ വി​ല​യും 40ൽ ​താ​ഴെ​യാ​യി​രു​ന്നു. മി​ക്ക​വാ​റും എ​ല്ലാ സാ​ധ​ന​ങ്ങ​ൾ​ക്കും തീ​വി​ല​യാ​ണ്. സ​ർ​ക്കാ​ർ ഇ​ട​പെ​ട​ൽ ഒ​രു പ​രി​ധി​വ​രെ ആ​ശ്വാ​സ​മാ​യി​ട്ടു​ണ്ട്.

ഏ​ത്ത​ക്കാ​യ​കൊ​ണ്ട് ര​ണ്ടു​ത​രം ഉ​പ്പേ​രി​യാ​ണ് പ​തി​വ്. ചെ​റു​താ​യി അ​രി​ഞ്ഞ് മ​ഞ്ഞ​ൾ​പ്പൊ​ടി കൂ​ട്ടി വ​റു​ത്തെ​ടു​ക്കു​ന്ന മ​ധു​ര​മി​ല്ലാ​ത്ത​താ​ണ് ഒ​ന്ന്. കു​റ​ച്ച് വ​ലു​പ്പം കൂ​ട്ടി ശ​ർ​ക്ക​ര പാ​വി​ൽ കു​ഴ​ച്ച് വ​റു​ത്തെ​ടു​ക്കു​ന്ന ശ​ർ​ക്ക​ര ഉ​പ്പേ​രി​യാ​ണ് ര​ണ്ടാ​മ​ത്തേ​ത്. ര​ണ്ടും വെ​ളി​ച്ചെ​ണ്ണ​യി​ൽ വ​റു​ത്തെ​ടു​ക്കു​ന്ന​തു​ത​ന്നെ. വി​പ​ണി​യി​ൽ ഏ​ത്ത​പ്പ​ഴ​ത്തി​ന്‍റെ വി​ല 70 വ​രെ​യു​ണ്ട്. സോ​ദ​രി​പ്പ​ഴം ഇ​തി​നെ​യും ക​ട​ത്തി​വെ​ട്ടി സെ​ഞ്ച്വ​റി​യി​ലെ​ത്തി. വെ​ളി​ച്ചെ​ണ്ണ​ക്കും പ​ഴ​ങ്ങ​ൾ​ക്കും പു​റ​മെ സ​ദ്യ​വ​ട്ട​മൊ​രു​ക്കാ​ൻ അ​വ​ശ്യം വേ​ണ്ട തേ​ങ്ങ വി​ല​യും ഏ​റെ മു​ക​ളി​ലാ​ണ്.