പ്രവാസി സഹായ പദ്ധതി വായ്പകള്ക്ക് അപേക്ഷിക്കാം
text_fieldsകണ്ണൂർ: നോര്ക്ക പ്രവാസി സംരംഭകത്വ സഹായ പദ്ധതിയായ നോര്ക്ക പ്രോജക്ട് ഫോര് റിട്ടേണ്ഡ് എമിഗ്രന്റ്സ് വഴി 30 ലക്ഷം വരെയുള്ള വായ്പകള്ക്ക് അപേക്ഷിക്കാം. 15 ശതമാനം മൂലധന സബ്സിഡിയും (പരമാവധി മൂന്നു ലക്ഷം രൂപ) മൂന്നു ശതമാനം പലിശ സബ്സിഡിയും നല്കും. രണ്ട് വര്ഷത്തിലധികം വിദേശത്ത് ജോലിചെയ്ത ശേഷം മടങ്ങിയെത്തി നാട്ടില് സ്ഥിര താമസമാക്കിയവര്ക്ക് അപേക്ഷിക്കാം. വായ്പക്കൊപ്പം സംരംഭകത്വ പിന്തുണയും നോര്ക്ക റൂട്ട്സ് നല്കും. സംസ്ഥാനത്തെ 16 ധനകാര്യ സ്ഥാപനങ്ങളുടെ ആറായിരത്തോളം ശാഖകള് വഴി വായ്പ ലഭിക്കാന് അവസരമൊരുക്കിയിട്ടുണ്ട്. അപേക്ഷ സമര്പ്പിക്കാന് www.norkaroots.org എന്ന വെബ്സൈറ്റ് സന്ദര്ശിക്കാം. കൂടുതല് വിവരങ്ങള്ക്ക് 1800 425 3939 എന്ന ടോള് ഫ്രീ നമ്പരിലും ബന്ധപ്പെടാം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.