അറ്റകുറ്റപ്പണിക്ക് പണമില്ല: പൊലീസ് വാഹനങ്ങൾക്ക് ദുരിതകാലം

ക​ണ്ണൂ​ർ: അ​റ്റ​കു​റ്റ​പ്പ​ണി​ക്ക് പ​ണ​മി​ല്ലാ​ത്ത​തി​നാ​ൽ പൊ​ലീ​സ് വാ​ഹ​ന​ങ്ങ​ൾ പ​ല​തും ദ​യ​നീ​യാ​വ​സ്ഥ​യി​ൽ. തി​ങ്ക​ളാ​ഴ്ച രാ​വി​ലെ കാ​ൽടെ​ക്സ് ജ​ങ്ഷ​നി​ലെ പെ​ട്രോ​ൾ പ​മ്പി​ലേ​ക്ക് ഇ​ടി​ച്ചു​ക​യ​റി​യ ജീ​പ്പ് 11 വ​ർ​​ഷ​ത്തോ​ളം പ​ഴ​ക്ക​മു​ള്ള​താ​ണ്. മൂ​ന്നു ല​ക്ഷ​ത്തോ​ളം കി​ലോ​മീ​റ്റ​ർ ഓ​ടി​യ വാ​ഹ​ന​മാ​ണി​ത്. ​കെ.​എ​ൽ 01 ബി.​ജി 2249 ന​മ്പ​ർ ജീ​പ്പി​ന്റെ ഇ​ൻ​ഷു​റ​ൻ​സ് കാ​ലാ​വ​ധി ഒ​ക്ടോ​ബ​ർ ഏ​ഴി​ന് തീ​ർ​ന്ന​താ​യി മോ​ട്ടോ​ർ വാ​ഹ​ന​വ​കു​പ്പി​ന്റെ ആ​പ്പി​ൽ കാ​ണി​ക്കു​ന്ന​ത്. എ​ന്നാ​ൽ, ഇ​ൻ​ഷുറ​ൻ​സ് അ​ട​ച്ച​താ​യാ​ണ് പൊ​ലീ​സി​ന്റെ വി​ശ​ദീ​ക​ര​ണം.

ടൗ​ൺ പൊ​ലീ​സ് സ്റ്റേ​ഷ​നി​ൽ ഉ​പ​യോ​ഗി​ച്ചി​രു​ന്ന വാ​ഹ​നം അ​ടു​ത്ത കാ​ല​ത്താ​ണ് എ.​ആ​ർ ക്യാ​മ്പി​ലേ​ക്ക് ന​ൽ​കി​യ​ത്. ഇ​വി​ടെ ഭ​ക്ഷ​ണ​ശാ​ല​യി​ലേ​ക്ക് സാ​ധ​ന​ങ്ങ​ൾ വാ​ങ്ങാ​നും മ​റ്റു​മാ​ണ് ഇ​പ്പോ​ൾ ഉ​പ​യോ​ഗി​ക്കു​ന്ന​ത്. സ​ർ​ക്കാ​റിന്റെ സാ​മ്പ​ത്തി​ക പ്ര​തി​സ​ന്ധി​യാ​ണ് പൊ​ലീ​സ് വാ​ഹ​ന​ങ്ങ​ളു​ടെ ദ​യ​നീ​യാ​വ​സ്ഥ​ക്ക് കാ​ര​ണം. വാ​ഹ​ന​ങ്ങ​ളു​ടെ സ്‌​പെ​യ​ർ പാ​ർ​ട്‌​സ് വാ​ങ്ങു​ന്ന ക​ട​ക​ളി​ൽ പോ​ലും പൊ​ലീ​സ് പ​ണം ന​ൽ​കാ​നു​ണ്ട്.

ഒ​ട്ടേ​റെ വാ​ഹ​ന​ങ്ങ​ൾ ന​ന്നാ​ക്കാ​തെ ക​ട്ട​പ്പു​റ​ത്താ​ണ്. ക​ണ്ണൂ​ർ ടൗ​ൺ പോ​ലീ​സ് സ്റ്റേ​ഷ​നി​ലെ വാ​ഹ​ന​ത്തി​ന്റെ ഒ​രു​ഭാ​ഗം ഇ​ള​കി​ത്തൂ​ങ്ങി​യ​തി​നെ തു​ട​ർ​ന്ന് ക​യ​ർ ഉ​പ​യോ​ഗി​ച്ച് കെ​ട്ടി​വെ​ച്ചാ​ണ് ഉ​പ​യോ​ഗി​ക്കു​ന്ന​ത്. പൊ​ലീ​സ് വാ​ഹ​ന​ങ്ങ​ൾ​ക്ക് ഇ​ന്ധ​നം ന​ൽ​കി​യ വ​ക​യി​ലും പെ​ട്രോ​ൾ പ​മ്പു​ക​ൾ​ക്ക് ജി​ല്ല​യി​ൽ മാ​ത്രം 50 ല​ക്ഷ​ത്തി​ല​ധി​കം രൂ​പ പൊ​ലീ​സ് ന​ൽ​കാ​നു​ണ്ട്. മി​ക്ക പ​മ്പു​ക​ളി​ലും വ​ലി​യ തു​ക ക​ട​മു​ള്ള​തി​നാ​ൽ പ​മ്പു​ട​മ​ക​ൾ പൊ​ലീ​സി​ന് ഇ​ന്ധ​നം ന​ൽ​കാ​ൻ മ​ടി​ക്കു​ന്ന അ​വ​സ്ഥ​യു​മു​ണ്ട്. എ​ന്നാ​ൽ, ഇ​ന്ധ​ന​മി​ല്ലെ​ന്ന​തി​ന്റെ പേ​രി​ൽ ഡ്യൂ​ട്ടി​ക്ക് ത​ട​സ്സ​മു​ണ്ടാ​വ​രു​തെ​ന്ന് ഉ​യ​ർ​ന്ന ഉ​ദ്യോ​ഗ​സ്ഥ​രു​ടെ നി​​ർ​ദേ​ശ​വു​മു​ണ്ട്. സ്റ്റേ​ഷ​ന്റെ ചു​മ​ത​ല വ​ഹി​ക്കു​ന്ന ഉ​ദ്യോ​ഗ​സ്ഥ​രും പൊ​ലീ​സ് ഡ്രൈ​വ​ർ​മാ​രു​മാ​ണ് ഇ​തി​നി​ട​യി​ൽ കി​ട​ന്ന് ബു​ദ്ധി​മു​ട്ടു​ന്ന​ത്.