ഡോക്​ടർ വേണ്ട; രോ​ഗം എ​ന്താ​യാ​ലും ചി​കി​ത്സ ജപിച്ചൂതലും ഏലസ്സും

ക​ണ്ണൂ​ർ: ക​ണ്ണൂ​ർ സി​റ്റി​യി​ൽ വി​ദ്യാ​ർ​ഥി​നി ഫാ​ത്തി​മയുടെ മരണവുമായി ബന്ധപ്പെട്ട്​ പൊ​ലീ​സ് നടത്തിയ അ​ന്വേ​ഷ​ണ​ത്തി​ൽ വെ​ളി​പ്പെ​ട്ട​ത്​ മ​ന്ത്ര​വാ​ദ ചി​കി​ത്സ​യു​ടെ പേ​രി​ലു​ള്ള ത​ട്ടി​പ്പ്. സി​ദ്ധ​ൻ ച​മ​ഞ്ഞ്​ ചി​കി​ത്സ ന​ട​ത്തി​വ​ന്ന പ​ള്ളി ഇ​മാം പി​ന്തു​ട​ർ​ന്ന​ത്​ വെ​ള്ളം ജ​പി​ച്ചൂ​ത​ലും ഏ​ല​സ്സ്​ കെ​ട്ടി​യു​ള്ള ചി​കി​ത്സാ​രീ​തി​യു​ം. രോ​ഗം എ​ന്താ​യാ​ലും ചി​കി​ത്സ ഒ​ന്നു​ത​ന്നെ. ഇ​യാ​ളു​ടെ അ​രി​കി​ലെ​ത്തു​ന്ന​വ​രോ​ട്​ ഒ​രു രോ​ഗ​ത്തി​നും ആ​ശു​പ​ത്രി​യി​ൽ പോ​ക​രു​തെ​ന്നും മ​രു​ന്ന്​ ക​ഴി​ക്ക​രു​തെ​ന്നു​മാ​ണ്​ നി​ർ​ദേ​ശി​ക്കാ​റ്​്.

അ​ലോ​പ്പ​തി, ആ​യു​ർ​വേ​ദം അ​ട​ക്ക​മു​ള്ള ചി​കി​ത്സ​രീ​തി​ക​ൾ വി​ശ്വാ​സ​ത്തി​നും മ​ത​ത്തി​നും​ എ​തി​രാ​ണെ​ന്നും പ്ര​ച​രി​പ്പി​ച്ച​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി. ഇ​തേ​ത്തു​ട​ർ​ന്നാ​ണ്​ ഫാ​ത്തി​മ​യു​ടെ മ​ര​ണ​വു​മാ​യി ബ​ന്ധ​പ്പെ​ട്ട്​ ക​ണ്ണൂ​ർ സി​റ്റി കു​ഞ്ഞി​പ്പ​ള്ളി ഇ​മാം മു​ഹ​മ്മ​ദ് ഉ​വൈ​സ്​ അ​റ​സ്​​റ്റിലാവുന്നത്​. കോ​വി​ഡ്​ വാ​ക്​​സി​ൻ എ​ടു​ക്ക​രു​തെ​ന്നും ഉ​വൈ​സ്​ രോഗികളോട്​ നി​ർ​ദേ​ശി​ച്ചി​രു​ന്നു.

മൂ​ന്നു​ദി​വ​സം തു​ട​ർ​ച്ച​യാ​യി പ​നി​യും ശ്വാ​സം മു​ട്ട​ലും അ​നു​ഭ​വ​പ്പെ​ട്ട ഫാ​ത്തി​മ​യെ​ ഉ​വൈ​സി‍െൻറ നി​ർ​ദേ​ശ പ്ര​കാ​രം മാ​താ​പി​താ​ക്ക​ൾ ഡോ​ക്​​ട​റെ കാ​ണി​ച്ചി​ല്ല. ​ നി​ല ഗു​രു​ത​ര​മാ​വു​ക​യും കു​ട്ടി​യു​ടെ ബോ​ധം ന​ഷ്​​ട​പ്പെ​ടു​ക​യും ചെ​യ്​​ത​പ്പോ​ഴാ​ണ്​ വീ​ട്ടു​കാ​ർ ആ​ശു​പ​ത്രി​യി​ലെ​ത്തി​ച്ച​ത്. ഇവിടെവെച്ച്​ മരണം സംഭവിക്കുകയായിരുന്നു. സം​ഭ​വ​ത്തി​ൽ സം​ശ​യം തോ​ന്നി​യ ബ​ന്ധു​ക്ക​ൾ ന​ൽ​കി​യ പ​രാ​തി​യാ​ണ്​ മ​ന്ത്ര​വാ​ദ ചി​കി​ത്സ​ ത​ട്ടി​പ്പ്​ പു​റ​ത്തായത്.

35കാ​ര​നാ​യ ഉ​വൈ​സ്​ നേ​ര​ത്തേ ന​ട​ത്തി​യ ചി​കി​ത്സ സം​ബ​ന്ധി​ച്ച അ​ന്വേ​ഷ​ണ​വും പൊ​ലീ​സ്​ ഊ​ർ​ജി​ത​മാ​ക്കി​യി​ട്ടു​ണ്ട്. സി​റ്റി ആ​സാ​ദ് റോ​ഡി​ലെ പ​ടി​ക്ക​ല്‍ 79കാ​രി സ​ഫി​യ, മ​ക​ന്‍ അ​ഷ്റ​ഫ്, സ​ഹോ​ദ​രി ന​ഫീ​സ എ​ന്നി​വ​രു​ടെ മ​ര​ണ​ കാ​ര​ണ​മാ​ണ്​ അ​ന്വേ​ഷി​ക്കു​ന്ന​ത്. മൂ​വ​രും മ​രി​ച്ച ഫാ​ത്തി​മ​യു​ടെ ബന്ധുക്കളാ​ണ്. 2014, 2016, 2018 വ​ർ​ഷ​ങ്ങ​ളി​ലാ​യി​രു​ന്നു ഇ​വ​രു​ടെ മ​ര​ണം. മ​ന്ത്ര​വാ​ദ​ത്തി​െൻറ പേ​രി​ൽ ചി​കി​ത്സ ല​ഭി​ക്കാ​തെ​യാ​ണ്​ മൂ​ന്നു​പേ​രു​ടെ​യും മ​ര​ണ​മെ​ന്നാ​ണ്​ സ​ഫി​യ​യു​ടെ മ​ക​ൻ സി​റാ​ജ്​ പൊ​ലീ​സി​ന്​ ന​ൽ​കി​യ മൊ​ഴി. ഉ​വൈ​സ്​ ത​ന്നെ​യാ​ണ്​ മൂ​വ​രെ​യും ചി​കി​ത്സി​ച്ച​തെ​ന്നും സി​റാ​ജ്​ പ​റ​യു​ന്നു.