നി​പ: ക​ണ്ണൂ​രി​ലും ജാ​ഗ്ര​ത

ക​ണ്ണൂ​ർ: മ​ല​പ്പു​റം വ​ണ്ടൂ​ര്‍ ന​ടു​വ​ത്ത് ക​ഴി​ഞ്ഞ​യാ​ഴ്ച യു​വാ​വ് മ​രി​ച്ച​ത് നി​പ ബാ​ധ​യെ തു​ട​ര്‍ന്നാ​ണെ​ന്ന് സ്ഥി​രീ​ക​രി​ച്ച​തോ​ടെ ജി​ല്ല​യി​ലും ജാ​ഗ്ര​ത. ബെം​ഗ​ളൂ​രു​വി​ല്‍ എം.​എ​സ‌് സി​ക്ക് പ​ഠി​ക്കു​ന്ന 23കാ​ര​ന്‍ ക​ഴി​ഞ്ഞ​യാ​ഴ്ച പെ​രി​ന്ത​ല്‍മ​ണ്ണ​യി​ലെ സ്വ​കാ​ര്യാ​ശു​പ​ത്രി​ലാ​ണ് മ​രി​ച്ച​ത്. മ​ര​ണാ​ന​ന്ത​ര​ച്ച​ട​ങ്ങി​ൽ സ​ഹ​പാ​ഠി​ക​ള​ട​ക്കം നി​ര​വ​ധി​പേ​ർ പ​​ങ്കെ​ടു​ത്തി​രു​ന്നു.

യു​വാ​വു​മാ​യി സ​മ്പ​ർ​ക്ക​മു​ണ്ടാ​യ​വ​രു​ടെ പ​ട്ടി​ക താ​യാ​റാ​ക്കി വ​രി​ക​യാ​ണ്. ക​ണ്ണൂ​ർ ജി​ല്ല​യി​ൽ ഉ​ൾ​പ്പെ​ട്ട​വ​രു​മാ​യി ബെം​ഗ​ളൂ​രു​വി​ൽ​നി​ന്നോ ആ​ശു​പ​ത്രി​യി​ൽ​നി​ന്നോ സ​മ്പ​ർ​ക്ക​മു​ണ്ടാ​യി​ട്ടു​​ണ്ടോ എ​ന്ന കാ​ര്യ​വും അ​റി​യേ​ണ്ട​തു​ണ്ട്. നി​പ രോ​ഗി​യു​മാ​യോ അ​വ​രു​ടെ സ​മ്പ​ര്‍ക്ക​ത്തി​ല്‍ വ​ന്ന വ്യ​ക്തി​ക​ളു​മാ​യോ ക​ണ്ണൂ​ർ ജി​ല്ല​യി​ലെ ആ​രെ​ങ്കി​ലും സ​മ്പ​ര്‍ക്ക​മു​ണ്ടാ​യി​ട്ടു​ണ്ടോ എ​ന്ന കാ​ര്യം ആ​രോ​ഗ്യ​വ​കു​പ്പ് പ​രി​ശോ​ധി​ച്ചു​വ​രി​ക​യാ​ണ്. നി​ല​വി​ൽ ഇ​തു​വ​രെ​യാ​യി ജി​ല്ല​യി​ൽ നി​പ രോ​ഗം റി​പ്പോ​ർ​ട്ട് ചെ​യ്തി​ട്ടി​ല്ലെ​ങ്കി​ലും സ​മീ​പ ജി​ല്ല​ക​ളി​ൽ രോ​ഗ​ബാ​ധ​യും സ​മ്പ​ർ​ക്ക​വും റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ലാ​ണ് ആ​രോ​ഗ്യ​വ​കു​പ്പ് പ്ര​തി​രോ​ധ മു​ന്നൊ​രു​ക്ക​ത്തി​ന് ഒ​രു​ങ്ങു​ന്ന​ത്.

നി​ല​വി​ൽ നി​പ രോ​ഗി​യു​ടെ സ​മ്പ​ർ​ക്ക​ത്തി​ല്‍ ക​ണ്ണൂ​ർ സ്വ​ദേ​ശി​ക​ൾ ഉ​ൾ​പ്പെ​ട്ട​താ​യി വി​വ​രം ല​ഭി​ച്ചി​ട്ടി​ല്ല. എ​ങ്കി​ലും സ​മീ​പ​ജി​ല്ല​ക​ളി​ൽ ഇ​ത്ത​ര​ത്തി​ലു​ള്ള കേ​സു​ക​ൾ റി​പ്പോ​ർ​ട്ട് ചെ​യ്ത​തി​നെ തു​ട​ർ​ന്ന് പ്ര​തി​രോ​ധ പ്ര​വ​ർ​ത്ത​ന​ങ്ങ​ൾ ശ​ക്തി​പ്പെ​ടു​ത്തേ​ണ്ട​തു​ണ്ട്. മ​ല​പ്പു​റ​ത്ത് മാ​സ്ക് നി​ർ​ബ​ന്ധ​മാ​ക്കി​യി​ട്ടു​ണ്ടെ​ങ്കി​ലും ജി​ല്ല​യി​ൽ ഇ​ത്ത​രം നി​ർ​ദേ​ശ​ങ്ങ​ളൊ​ന്നു​മി​ല്ല.

മ​ല​പ്പു​റ​ത്ത് വീ​ണ്ടും നി​പ റി​പ്പോ​ർ​ട്ട് ചെ​യ്ത സാ​ഹ​ച​ര്യ​ത്തി​ൽ ട്രെ​യി​ൻ, ബ​സ് യാ​ത്ര​യി​ൽ ജി​ല്ല​യി​ലും ആ​ളു​ക​ൾ മാ​സ്ക് ധ​രി​ച്ചു​തു​ട​ങ്ങി. ജൂ​ലൈ​യി​ൽ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ നി​പ ബാ​ധി​ച്ച് മ​ല​പ്പു​റം സ്വ​ദേ​ശി​യാ​യ 14കാ​ര​ൻ മ​രി​ച്ച സാ​ഹ​ച​ര്യ​ത്തി​ൽ മു​ന്നൊ​രു​ക്ക​ത്തി​ന്റെ ഭാ​ഗ​മാ​യി ജി​ല​യി​ലെ പ്ര​ധാ​ന ആ​ശു​പ​ത്രി​ക​ളി​ല്‍ ഐ​സൊ​ലേ​ഷ​ൻ വാ​ർ​ഡ് സ​ജ്ജീ​ക​രി​ക്കാ​ൻ ആ​രോ​ഗ്യ​വ​കു​പ്പ് നി​ര്‍ദേ​ശം ന​ല്‍കി​യി​രു​ന്നു.

പ​ഴ​വ​ര്‍ഗ​ങ്ങ​ള്‍ ഭ​ക്ഷി​ക്കു​ന്ന റ്റെ​റോ​പ​സ് വി​ഭാ​ഗ​ത്തി​ല്‍പെ​ട്ട വ​വ്വാ​ലു​ക​ളാ​ണ് നി​പ വൈ​റ​സി​ന്റെ പ്ര​കൃ​തി​ദ​ത്ത വാ​ഹ​ക​ര്‍. വീ​ണു കി​ട​ക്കു​ന്ന​തും പ​ക്ഷി​ക​ൾ ക​ടി​ച്ചെ​ന്ന് സം​ശ​യി​ക്കു​ന്ന​തു​മാ​യ പ​ഴ​ങ്ങ​ൾ ക​ഴി​ക്കു​ന്ന​തും ഒ​ഴി​വാ​ക്ക​ണം. പ​ഴ​ങ്ങ​ൾ ക​ഴു​കി വൃ​ത്തി​യാ​ക്കി മാ​ത്രം ക​ഴി​ക്കു​ക. ആ​ശു​പ​ത്രി​ക​ള്‍ സ​ന്ദ​ര്‍ശി​ക്കു​ന്ന​വ​രും ആ​ള്‍കൂ​ട്ട​ങ്ങ​ളി​ലേ​ക്ക് പോ​കു​ന്ന​വ​രും മാ​സ്ക് ധ​രി​ച്ചി​രി​ക്കു​ന്ന​താ​ണ് അ​ഭി​കാ​മ്യം. രോ​ഗ​ല​ക്ഷ​ണ​ങ്ങ​ളു​ള്ള​വ​ർ പൊ​തു​സ്ഥ​ല​ങ്ങ​ൾ സ​ന്ദ​ർ​ശി​ക്കു​ന്ന​തും ഒ​ഴി​വാ​ക്ക​ണം. പ്രാ​യ​മാ​യ​വ​ർ, കു​ട്ടി​ക​ൾ, ഗ​ർ​ഭി​ണി​ക​ൾ, ജീ​വി​ത ശൈ​ലി രോ​ഗ​ങ്ങ​ൾ എ​ന്നി​വ​യു​ള്ള​വ​ർ കൂ​ടു​ത​ൽ ജാ​ഗ്ര​ത പാ​ലി​ക്ക​ണം. നി​പ രോ​ഗ​ബാ​ധ​യോ രോ​ഗി​ക​ളു​മാ​യി സ​മ്പ​ർ​ക്ക​മു​ണ്ടാ​യ​താ​യോ സം​ശ​യി​ക്കു​ന്നു​ണ്ടെ​ങ്കി​ൽ ആ​രോ​ഗ്യ​വ​കു​പ്പ് പ്ര​വ​ർ​ത്ത​ക​രു​മാ​യി ബ​ന്ധ​പ്പെ​ട​ണം.