രാത്രികാല മദ്യവിരുന്ന്: മൂന്നുപേർക്കെതിരെ കേ​െസടുത്തു

ബദിയടുക്ക: രാത്രികാല മദ്യവിരുന്ന്​ നടത്തുന്ന മൂന്നുപേരെ പൊലീസ് പിടികൂടി. കാസർകോട് കൃഷ്ണ നഗറിലെ ശോഭിത്ത് (30), ചെന്നി കരയിലെ പ്രശാന്ത് (28), കൊളുത്തൂരിലെ അഭിലാഷ്​ (32) എന്നിവരെയാണ് ബദിയടുക്ക എസ്.ഐ കെ.പി. വിനോദ്കുമാർ പിടികൂടിയത്.

വെള്ളിയാഴ്ച പുലർച്ച 1.30നാണ് സംഭവം. ബദിയടുക്ക അപ്പർ ബസാറിലാണ് മദ്യവിരുന്ന് നടന്നത്.

മറ്റു ചിലർ ഓടിരക്ഷപ്പെട്ടതായി പറയുന്നു. ടൗൺ കേന്ദ്രീകരിച്ച് വ്യാപകമായി രാത്രിസമയം മദ്യവും കഞ്ചാവുവിരുന്നും നടക്കുന്നതായി 'മാധ്യമം' വ്യാഴാഴ്ച വാർത്ത നൽകിയിരുന്നു.