ദേശീയപാത: മണ്ണിട്ട് ഉറപ്പിക്കുന്നത്​ വീടുകൾക്ക് ഭീഷണിയാകുന്നു

ക​ണ്ണൂ​ർ: ദേ​ശീ​യ​പാ​ത​യി​ൽ സോ​യി​ൽ കോം​പാ​ക്ട് യ​ന്ത്രം ഉ​പ​യോ​ഗി​ച്ച് മ​ണ്ണി​ട്ട് ഉ​റ​പ്പി​ക്കു​ന്ന പ്ര​വൃ​ത്തി സ​മീ​പ​ത്തെ വീ​ടു​ക​ൾ​ക്ക് ഭീ​ഷ​ണി​യാ​കു​ന്ന​താ​യി പ​രാ​തി. ഇ​തി​ന്റെ ശ​ക്തി​യി​ൽ പ​ല വീ​ടു​ക​ളി​ലും നാ​ശം ഉ​ണ്ടാ​കു​ന്ന​താ​യാ​ണ് സ​മീ​പ​വാ​സി​ക​ൾ പ​രാ​തി​പ്പെ​ടു​ന്ന​ത്. കിഴുത്ത​ള്ളി ബൈ​പാ​സി​നും മു​ട്ടോ​ളം​പാ​റ റോ​ഡി​നും ഇ​ട​യി​ൽ നി​ര​വ​ധി വീ​ടു​ക​ളി​ൽ പ്ര​ശ്ന​മു​ണ്ട്. നി​യ​മം പാ​ലി​ക്കാ​തെ​യാ​ണ് നി​ർ​മാ​ണ ക​മ്പ​നി സോ​യി​ൽ കോം​പാ​ക്ട് യ​ന്ത്രം ഉ​പ​യോ​ഗി​ച്ച് മ​ണ്ണി​ട്ട് ഉ​റ​പ്പി​ക്കു​ന്ന​തെ​ന്നാ​ണ് ആ​ക്ഷേ​പം. യ​ന്ത്ര​ത്തി​ന്റെ ശ​ക്തി​യി​ൽ വീ​ടു​ക​ളു​ടെ ചു​മ​രി​ൽ വി​ള്ള​ൽ ഉ​ണ്ടാ​കു​ന്നു.

ഓ​ടു​ക​ൾ​ക്കും ജ​ന​ലു​ക​ൾ​ക്കും വാ​തി​ലു​ക​ൾ​ക്കും കേ​ടു​പാ​ട് സം​ഭ​വി​ക്കു​ന്ന​താ​യും നാ​ട്ടു​കാ​ർ പ​റ​യു​ന്നു. ദേ​ശീ​യ​പാ​ത​ക്ക് ഏ​റ്റ​വും അ​ടു​ത്ത് സ്ഥി​തി​ചെ​യ്യു​ന്ന വീ​ടു​ക​ൾ​ക്കാ​ണ് പ്ര​ധാ​ന​മാ​യും നാ​ശ​മു​ണ്ടാ​കു​ന്ന​ത്. പ​രാ​തി​പ്പെ​ട്ടാ​ൽ നി​ർ​മാ​ണ ക​മ്പ​നി​യു​ടെ പ്ര​തി​നി​ധി​ക​ൾ മാ​ത്ര​മാ​ണ് സ്ഥ​ലം സ​ന്ദ​ർ​ശി​ക്കു​ന്ന​ത്. മ​റ്റ് ഉ​ദ്യോ​ഗ​സ്ഥ​ർ പ​രാ​തി അ​ന്വേ​ഷി​ക്കാ​നെ​ത്തു​ന്നി​ല്ല. ഇ​തേ​ത്തു​ട​ർ​ന്ന് സോ​യി​ൽ കോം​പാ​ക്ട് യ​ന്ത്രം ഉ​പ​യോ​ഗി​ച്ച് മ​ണ്ണി​ട്ട് ഉ​റ​പ്പി​ക്കു​ന്ന​ത് നി​ർ​ത്തി​വെ​പ്പി​ക്കു​ന്ന​തി​ന് കോ​ട​തി​യെ സ​മീ​പി​ക്കാ​ൻ ഒ​രു​ങ്ങു​ക​യാ​ണ് ചി​ല വീ​ട്ടു​കാ​ർ. ജി​ല്ല ക​ല​ക്ട​ർ​ക്കും പ​രാ​തി ന​ൽ​കി​യി​ട്ടു​ണ്ട്.

വീ​ടു​ക​ൾ​ക്കും ദേ​ശീ​യ​പാ​ത​ക്കും ഇ​ട​യി​ൽ ചെ​ങ്ക​ല്ല് ആ​ഴ​ത്തി​ൽ മു​റി​ച്ചു മാ​റ്റി ബ​ന്ധം വി​ച്ഛേ​ദി​ച്ചാ​ൽ പ്ര​ശ്ന​ത്തി​ന് പ​രി​ഹാ​ര​മാ​കു​മെ​ന്നാ​ണ് വി​ദ​ഗ്​​ധ​ർ പ​റ​യു​ന്ന​ത്. ഇ​ങ്ങ​നെ ചെ​യ്താ​ൽ വീ​ടു​ക​ളി​ലു​ണ്ടാ​കു​ന്ന പ്ര​ക​മ്പ​നം ഇ​ല്ലാ​താ​കും. അ​പ്പോ​ൾ വീ​ടു​ക​ൾ​ക്ക്​ നാ​ശം ഉ​ണ്ടാ​കാ​തെ സു​ര​ക്ഷി​ത​മാ​കു​ക​യും ചെ​യ്യു​മെ​ന്നാ​ണ്​ നാ​ട്ടു​കാ​രു​ടെ അ​ഭി​പ്രാ​യം.