ദേശീയ പാത നവീകരണം; പൊടിയും വെയിലുമേറ്റ് യാത്രക്കാരും പ്രദേശവാസികളും

ക​ല്യാ​ശ്ശേ​രി: ദേ​ശീ​യ പാ​ത ന​വീ​ക​ര​ണ​ത്തി​ന്റെ ഭാ​ഗ​മാ​യി പൊ​ടി​യി​ലും വെ​യി​ലി​ലും വ​ല​ഞ്ഞ് പ്ര​ദേ​ശ​വാ​സി​ക​ളും യാ​ത്ര​ക്കാ​രും. ബ​സ് കാ​ത്തി​രി​പ്പ് കേ​ന്ദ്ര​ങ്ങ​ൾ ഇ​ല്ലാ​ത്ത​തി​നാ​ൽ ന​വീ​ക​ര​ണ പ്ര​വൃ​ത്തി​യു​ടെ ഭാ​ഗ​മാ​യ പൊ​ടി ശ്വ​സി​ച്ചും വെ​യി​ലേ​റ്റും ബ​സ് കാ​ത്തി​രി​ക്കേ​ണ്ട അ​വ​സ്ഥ​യാ​ണ്. താ​ൽ​ക്കാ​ലി​ക ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളെ​ങ്കി​ലും ഒ​രു​ക്കു​ന്ന​തി​ന് ക​രാ​റു​കാ​ർ​ക്ക് ദേ​ശീ​യ പാ​ത അ​ധി​കൃ​ത​ർ നി​ർ​ദേ​ശം ന​ൽ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. ന​വീ​ക​ര​ണ​ത്തി​ന്റെ ഭാ​ഗ​മാ​യി ബ​സ് കാ​ത്തി​രി​പ്പ് കേ​ന്ദ്ര​ങ്ങ​ളും ത​ണ​ൽ ഒ​രു​ക്കി​യ വൃ​ക്ഷ​ങ്ങ​ളും മു​റി​ച്ചു നീ​ക്കി​യ​പ്പോ​ൾ ദേ​ശീ​യ പാ​ത​യി​ൽ പേ​രി​നു​പോ​ലും ത​ണ​ലി​ല്ലാ​താ​യി.

പു​തി​യ പാ​ത​യു​ടെ പ​ണി മ​ധ്യ​ഭാ​ഗ​ത്തും സ​ർ​വി​സ് റോ​ഡു​ക​ളു​ടെ പ​ണി ഇ​രു ഭാ​ഗ​ത്തും പു​രോ​ഗ​മി​ക്കു​മ്പോ​ൾ യാ​ത്ര​ക്കാ​ർ​ക്ക് ക​യ​റിനി​ൽ​ക്കാ​ൻപോ​ലും ഇ​ട​മി​ല്ല. സ​ർ​വി​സ് റോ​ഡു​ക​ൾ​ക്ക് അ​രി​കി​ൽ ഓ​വുചാ​ലു​ക​ൾ നി​ർ​മി​ച്ചെ​ങ്കി​ലും പ​ല സ്ഥ​ല​ത്തും അ​തി​ന് മൂ​ടി സ്ഥാ​പി​ക്കാ​ത്ത​തും യാ​ത്ര​ക്കാ​രെ ബു​ദ്ധി​മു​ട്ടി​ലാ​ക്കു​ന്നു. ക​ണ്ണൂ​ർ റീ​ച്ചി​ൽ ദേ​ശീ​യ പാ​ത പ്ര​വൃ​ത്തി ന​ട​ക്കു​ന്ന കു​റ്റി​ക്കോ​ൽ, ബ​ക്ക​ളം, ആ​ന്തൂ​ർ ന​ഗ​ര​സ​ഭ ആ​സ്ഥാ​ന മാ​യ ധ​ർ​മ​ശാ​ല, മാ​ങ്ങാ​ട്, ക​ല്യാ​ശ്ശേ​രി, കീ​ച്ചേ​രി, വേ​ളാ​പു​രം തു​ട​ങ്ങി​യ മി​ക്ക സ്ഥ​ല​ത്തും യാ​ത്ര​ക്കാ​ർ പൊ​രി​വെ​യി​ലി​ലാ​ണ് ബ​സ് കാ​ത്തി​രി​ക്കു​ന്ന​ത്.

നെ​ട്ടോ​ട്ടമോ​ടു​ന്ന ഓ​ട്ടോ​ക്കാ​ർ

പാ​ത ന​വീ​ക​ര​ണ​ത്തി​ന് ഇ​ട​യി​ൽ വ​ലി​യ ദു​രി​ത​ത്തി​ലാ​ണ് ഓ​ട്ടോ തൊ​ഴി​ലാ​ളി​ക​ൾ. നി​ർ​മാ​ണ പ്ര​വൃ​ത്തി​ക്കി​ട​യി​ൽ പാ​ർ​ക്ക് ചെ​യ്യാ​ൻ ഇ​ട​മി​ല്ലാ​തെ​യും പൊ​രി​വെ​യി​ലി​ൽ നി​ർത്തി​യും വ​ല​യു​ക​യാ​ണ്. പ​ണി പു​രോ​ഗ​മി​ക്കു​ന്ന​തി​ന​നു​സ​രി​ച്ച് പാ​ർ​ക്കി​ങ് ഇ​ട​ങ്ങ​ളും ഓ​ട്ടോ​ക്കാ​ർ നി​ത്യേ​ന മാ​റ്റേ​ണ്ട ഗ​തി​കേ​ടി​ലാ​ണ്. ദേ​ശീ​യ പാ​ത​ക്ക​രി​കി​ൽ കീ​ച്ചേ​രി​യി​ൽ ഓ​ട്ടോ പാ​ർ​ക്കി​ങ് നി​ർ​മാ​ണം തു​ട​ങ്ങി​യ​തി​ന് ശേ​ഷം എ​ട്ടി​ല​ധി​കം ത​വ​ണ മാ​റ്റേ​ണ്ടിവ​ന്നു. ഇ​ത് ഓ​ട്ടോ​റി​ക്ഷ​ക​ളെ ആ​ശ്ര​യി​ക്കു​ന്ന യാ​ത്ര​ക്കാ​രേ​യും വ​ല്ലാ​ത്തെ വ​ല​ക്കു​ന്നു​ണ്ട്.