ഓടിക്കൊണ്ടിരിക്കെ കെ.എസ്.ആർ.ടി.സി ബസ്​ നിന്നു; കണ്ണൂർ - തലശ്ശേരി ദേശീയപാതയിൽ ഗതാഗതക്കുരുക്ക്​

മുഴപ്പിലങ്ങാട്: യന്ത്രത്തകരാർ മൂലം ​നടുറോഡിൽ കെ.എസ്​.ആർ.ടി.സി റോഡ്​ നിന്നുപോയതോടെ കണ്ണൂർ - തലശ്ശേരി ദേശീയപാതയിൽ ഗതാഗതക്കുരുക്ക്​. മുഴപ്പിലങ്ങാട് - മാഹി ബൈപ്പാസ് നിർമാണം നടക്കുന്ന സർവീസ് റോഡിലൂടെ കണ്ണൂരിൽ നിന്നും കോഴിക്കോട് ഭാഗത്തേക്ക് പോകുന്ന കെ.എസ്.ആർ.ടി.സി ബസാണ്​ വഴിയിൽ കിടന്നത്​.

ബുധനാഴ്ച ഉച്ച ഒന്ന​രയോടെയായിരുന്നു സംഭവം. ഡിപ്പോയിൽ നിന്നും മെക്കാനിക്കുകാർ സ്ഥലത്തേക്ക് പുറപ്പെട്ടതായി തലശ്ശേരി ഡിപ്പോയിൽ നിന്നും അറിയിച്ചു.

കഴിഞ്ഞ ദിവസം ഇതിനടുത്ത് തന്നെ ചരക്ക് ലോറി റോഡിലെ കുഴിയിൽ വീണതിനെ തുടർന്ന് ഗതാഗതം തടസ്സപ്പൊട്ടിരുന്നു. സംഭവം നാട്ടുകാർ എടക്കാട് പൊലീസിന്‍റെ ശ്രദ്ധയിൽ പെടുത്തി.