വിവിധ ഭാഷകളില്‍ സ്‌കൂള്‍ അസംബ്ലി; ഭാഷാ മികവിന് വേ​റി​ട്ട മാ​തൃ​കയുമായി വിളക്കോട് സ്‌കൂള്‍

ഇ​രി​ട്ടി: വി​ദ്യാ​ര്‍ഥി​ക​ളു​ടെ ക​ഴി​വു​ക​ള്‍ വ​ള​ര്‍ത്തു​ന്ന​തി​നൊ​പ്പം ഭാ​ഷാ​പ​ര​മാ​യ മി​ക​വി​നും പ്രാ​ധാ​ന്യം ന​ല്‍കി വേ​റി​ട്ട മാ​തൃ​ക തീ​ര്‍ക്കു​ക​യാ​ണ് വി​ള​ക്കോ​ട് ഗ​വ. യു.​പി സ്‌​കൂ​ള്‍. എ​ല്ലാ തി​ങ്ക​ളാ​ഴ്ച​ക​ളി​ലും രാ​വി​ലെ പ​ത്തു​മ​ണി​യോ​ടെ​യു​ള​ള സ്‌​കൂ​ള്‍ അ​സം​ബ്ലി വ്യ​ത്യ​സ്ത ഭാ​ഷ​ക​ളി​ലാ​ണ്.

ഇം​ഗ്ലീ​ഷ്, സം​സ്‌​കൃ​തം, അ​റ​ബി​ക്, ഹി​ന്ദി, മ​ല​യാ​ളം തു​ട​ങ്ങി ഓ​രോ ആ​ഴ്ച​യും വി​വി​ധ ഭാ​ഷ​ക​ളി​ലാ​ണ് അ​സം​ബ്ലി ന​ട​ക്കു​ന്ന​ത്. ഭാ​ഷാ​ശു​ദ്ധി​യോ​ടെ​യും ആ​ത്മ​വി​ശ്വാ​സ​ത്തോ​ടെ​യു​മാ​ണ് അ​ധ്യാ​പ​ക​രും വി​ദ്യാ​ര്‍ഥി​ക​ളും ഓ​രോ ഭാ​ഷ​യും കൈ​കാ​ര്യം ചെ​യ്യു​ന്ന​ത്.

പ​ഠ​ന നി​ല​വാ​ര​ത്തി​ലും മി​ക​ച്ച മു​ന്നേ​റ്റം ന​ട​ത്തു​ന്ന സ്‌​കൂ​ളി​ല്‍ വി​ദ്യാ​ര്‍ഥി​ക​ളു​ടെ എ​ണ്ണ​ത്തി​ലും വ​ലി​യ വ​ര്‍ധ​ന​വാ​ണ് ഉ​ണ്ടാ​യി​രി​ക്കു​ന്ന​ത്.നി​ല​വി​ല്‍ നാ​നൂ​റോ​ളം വി​ദ്യാ​ര്‍ഥി​ക​ള്‍ ഇ​വി​ടെ പ​ഠി​ക്കു​ന്നു​ണ്ട്. ഒ​ന്ന് മു​ത​ല്‍ അ​ഞ്ചു വ​രെ ഡി​വി​ഷ​നു​ക​ളു​ണ്ട്. വ്യ​ത്യ​സ്ത​മാ​യ പ​ഠ​ന​രീ​തി​ക​ളും കു​ട്ടി​ക​ളു​ടെ ക​ഴി​വു​ക​ള്‍ ക​ണ്ടെ​ത്തി പ്രോ​ത്സാ​ഹി​പ്പി​ക്കു​ന്ന പ്ര​വ​ര്‍ത്ത​ന​ങ്ങ​ളു​മാ​ണ് വി​ള​ക്കോ​ട് ഗ​വ. യു.​പി സ്‌​കൂ​ളി​ലേ​ക്ക് കൂ​ടു​ത​ല്‍ വി​ദ്യാ​ര്‍ഥി​ക​ളെ ആ​ക​ര്‍ഷി​ക്കു​ന്ന​ത്.