മന്ത്രി കടന്നപ്പള്ളിയുടെ കോവിഡ് പരിശോധന ഫലം നെഗറ്റിവ്

കണ്ണൂർ: തുറമുഖ പുരാവസ്തു മന്ത്രി രാമചന്ദ്രന്‍ കടന്നപ്പള്ളിയുടെ കോവിഡ് പരിശോധനാ ഫലം നെഗറ്റിവ്.

മന്ത്രിയോടൊപ്പം നിരീക്ഷണത്തിലായിരുന്ന പേഴ്‌സനല്‍ സ്​റ്റാഫ് അംഗങ്ങളുടെയും പരിശോധനാ ഫലം നെഗറ്റിവാണ്. അഡീഷനല്‍ പ്രൈവറ്റ് സെക്രട്ടറിക്ക് കോവിഡ് സ്ഥിരീകരിച്ചതിനെ തുടര്‍ന്നാണ് മന്ത്രി സ്വയം നിരീക്ഷണത്തില്‍ പോയത്.

പരിശോധനാ ഫലം നെഗറ്റിവായെങ്കിലും നിരീക്ഷണ കാലാവധി പൂര്‍ത്തിയാക്കുന്നതുവരെ മന്ത്രി ഔദ്യോഗിക വസതിയില്‍ നിന്നും ചുമതലകള്‍ നിര്‍വഹിക്കും.