നഗരത്തിൽ ഒമ്പതിടങ്ങളിൽ ഹൈമാസ്റ്റ് -മിനി ഹൈമാസ്റ്റ് ലൈറ്റുകൾക്ക് അനുമതി

ക​ണ്ണൂ​ർ: ന​ഗ​ര​സ​ഭ​യി​ൽ ഒ​മ്പ​തി​ട​ങ്ങ​ളി​ൽ ഹൈ​മാ​സ്റ്റ്, മി​നി ഹൈ​മാ​സ്റ്റ് ലൈ​റ്റു​ക​ൾ സ്ഥാ​പി​ക്കാ​ൻ അ​നു​മ​തി ന​ൽ​കാ​ൻ കോ​ർ​പ​റേ​ഷ​ൻ കൗ​ൺ​സി​ൽ യോ​ഗം തീ​രു​മാ​നി​ച്ചു. കെ. ​സു​ധാ​ക​ര​ൻ എം.​പി​യു​ടെ പ്രാ​ദേ​ശി​ക വി​ക​സ​ന ഫ​ണ്ട് ഉ​പ​യോ​ഗി​ച്ച് 11 ഇ​ട​ങ്ങ​ളി​ൽ ലൈ​റ്റു​ക​ൾ സ്ഥാ​പി​ക്കു​ന്ന​തി​ന് അ​നു​മ​തി ആ​വ​ശ്യ​പ്പെ​ട്ടി​രു​ന്നു. ഇ​തി​ൽ കോ​ർ​പ​റേ​ഷ​ൻ സ്ഥി​രം സ​മി​തി ഒ​മ്പ​ത് സ്ഥ​ല​ങ്ങ​ൾ ലൈ​റ്റ് സ്ഥാ​പി​ക്കാ​ൻ അ​നു​യോ​ജ്യ​മാ​ണെ​ന്ന് ക​ണ്ടെ​ത്തി.

എ​സ്.​എ​ൻ പാ​ർ​ക്ക് പ​രി​സ​ര​ത്ത് ഹൈ​മാ​സ്റ്റ് ലൈ​റ്റും ത​ക്കാ​ളിപ്പീ​ടി​ക പ​രി​സ​രം, പാ​മ്പ​ൻ മാ​ധ​വ​ൻ റോ​ഡ് ജ​ങ്ഷ​ൻ, ശ്രീ ​കു​റു​മ്പ ഭ​ഗ​വ​തി ക്ഷേ​ത്ര​ത്തി​ന് മു​ൻ​വ​ശം, എ​ട​ക്കാ​ട് മ​ഹാ​വി​ഷ്ണു ക്ഷേ​ത്ര​ത്തി​ന് മു​ൻ​വ​ശം, മു​ള്ള​ൻ​ക​ണ്ടി പാ​ലം ബീ​ച്ച്, ഊ​ർ​പ്പ​ഴ​ശ്ശി​കാ​വി​ന് മു​ൻ​വ​ശം, മു​ന​മ്പ് ബ​ത്ത​മു​ക്ക് ഡി​വി​ഷ​ൻ, കു​റ്റി​ക്ക​കം മു​ന​മ്പ് എ​ന്നി​വി​ട​ങ്ങ​ളി​ൽ മി​നി ഹൈ​മാ​സ്റ്റ് ലൈ​റ്റു​ക​ൾ സ്ഥാ​പി​ക്കാ​നു​മാ​ണ് അ​നു​മ​തി. എം.​പി നി​ർ​ദേ​ശി​ച്ച പ​ട്ടി​ക​യി​ൽ പെ​ട്ട കാ​പ്പാ​ട് സി.​പി സ്റ്റോ​ർ പ​രി​സ​രം, എ​രു​മ​ക്കു​ടി അ​ര​യാ​ലി​ന് സ​മീ​പ​വും ലൈ​റ്റ് സ്ഥാ​പി​ക്കാ​ൻ അ​നു​യോ​ജ്യ​മ​​ല്ലെ​ന്ന് ക​ണ്ടെ​ത്തി.

ഇ​തി​ന് പ​ക​രം ക​ണ്ണൂ​ർ പ​ഴ​യ ബ​സ് സ്റ്റാ​ൻ​ഡ് പ​രി​സ​രം, ജ​വ​ഹ​ർ സ്റ്റേ​ഡി​യം, മ​ൾ​ട്ടി ലെ​വ​ൽ കാ​ർ പാ​ർ​ക്കി​ങ്ങി​ന് സ​മീ​പം, കാ​ൾ​ടെ​ക്സ് ഗാ​ന്ധി സ്ക്വ​യ​ർ എ​ന്നി​വി​ട​ങ്ങ​ളി​ൽ ലൈ​റ്റ് സ്ഥാ​പി​ക്കു​ന്ന​തി​ന് എം.​പി​യോ​ട് ആ​വ​ശ്യ​പ്പെ​ടാ​മെ​ന്നും കൗ​ൺ​സി​ൽ തീ​രു​മാ​നി​ച്ചു.

അ​മൃ​ത് പ​ദ്ധ​തി​യി​ൽ ഉ​ൾ​പ്പെ​ടു​ത്തി നി​ർ​മി​ക്കാ​ൻ ഉ​ദ്ദേ​ശി​ച്ച പാ​റ​ക്ക​ണ്ടി പാ​ർ​ക്കി​ന്റെ ​പ്ര​വൃ​ത്തി​ക്ക് 60 ല​ക്ഷം രൂ​പ​യു​ടെ എ​സ്റ്റി​​മേ​റ്റി​ന് അം​ഗീ​കാ​രം ന​ൽ​കി. ടെ​ലി​കോം ക​മ്പ​നി​ക​ളു​ടെ ഒ​പ്റ്റി​ക്ക​ൽ ഫൈ​ബ​ർ കേ​ബി​ളു​ക​ളി​ടാ​ൻ ന​ഗ​ര​സ​ഭ​യു​ടെ റോ​ഡ് വെ​ട്ടി​ക്കീ​റു​ന്ന​ത് ത​ട​യാ​ൻ മു​മ്പ് കോ​ർ​പ​റേ​ഷ​ന്റെ നേ​തൃ​ത്വ​ത്തി​ൽ സ​ർ​വ​ക​ക്ഷി​യോ​ഗം ചേ​ർ​ന്ന് തീ​രു​മാ​നി​ച്ചി​രു​ന്നു.

ധ​ന​കാ​ര്യ ക​മീ​ഷ​ൻ ഗ്രാ​ന്റ് ഉ​പ​യോ​ഗി​ച്ച് ആ​രോ​ഗ്യ കേ​​ന്ദ്ര​ങ്ങ​ളി​ൽ ഉ​പ​​ക​ര​ണ​ങ്ങ​ൾ വാ​ങ്ങാ​ൻ 1.08 കോ​ടി രൂ​പ​യു​ടെ പ​ദ്ധ​തി​ക്കും അം​ഗീ​കാ​രം ​ന​ൽ​കി. ഹൈ​മാ​സ്റ്റ് ലൈ​റ്റു​ക​ൾ സ്ഥാ​പി​ക്കു​ന്ന​തി​ൽ കോ​ർ​പ​റേ​ഷ​ൻ രാ​ഷ്ട്രീ​യം ക​ല​ർ​ത്തു​ന്ന​താ​യി പ്ര​തി​പ​ക്ഷ കൗ​ൺ​സി​ല​ർ എ​ൻ. സു​ക​ന്യ ആ​രോ​പി​ച്ചു. കെ.​വി. സു​മേ​ഷ്, രാ​മ​ച​ന്ദ്ര​ൻ ക​ട​ന്ന​പ്പ​ള്ളി എം.​എ​ൽ.​എ​മാ​രു​ടെ ലൈ​റ്റ് സ്ഥാ​പി​ക്കാ​നു​ള്ള നി​ർ​ദേ​ശം പ​രി​ഗ​ണി​ച്ചി​ല്ലെ​ന്നും അ​വ​ർ ആ​രോ​പി​ച്ചു.മേ​യ​ർ അ​ഡ്വ. ടി.​ഒ. മോ​ഹ​ന​ൻ, പി.​കെ. രാ​ഗേ​ഷ്, സു​രേ​ഷ് ബാ​ബു എ​ള​യാ​വു​ർ, ടി. ​ര​വീ​ന്ദ്ര​ൻ, അ​ഡ്വ. പി. ​ഇ​ന്ദി​ര തു​ട​ങ്ങി​യ​വ​ർ സം​സാ​രി​ച്ചു.