Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightMattannurchevron_rightമട്ടന്നൂര്‍ മഹാദേവ...

മട്ടന്നൂര്‍ മഹാദേവ ക്ഷേത്രം ദേവസ്വം ബോര്‍ഡ് ഏറ്റെടുത്തു

text_fields
bookmark_border
മട്ടന്നൂര്‍ മഹാദേവ ക്ഷേത്രം ദേവസ്വം ബോര്‍ഡ് ഏറ്റെടുത്തു
cancel
camera_alt

മ​ട്ട​ന്നൂ​ര്‍ മ​ഹാ​ദേ​വ ക്ഷേ​ത്രം


മ​ട്ട​ന്നൂ​ര്‍: വ​ര്‍ഷ​ങ്ങ​ള്‍ നീ​ണ്ട ശ്ര​മ​ത്തി​നൊ​ടു​വി​ല്‍ മ​ട്ട​ന്നൂ​ര്‍ മ​ഹാ​ദേ​വ​ക്ഷേ​ത്രം മ​ല​ബാ​ര്‍ ദേ​വ​സ്വം ബോ​ര്‍ഡ് ഏ​റ്റെ​ടു​ത്തു. ബു​ധ​നാ​ഴ്ച പു​ല​ര്‍ച്ച മു​ത​ല്‍ മ​ണി​ക്കൂ​റു​ക​ള്‍ നീ​ണ്ട ഉ​ദ്വേ​ഗ​ത്തി​നൊ​ടു​വി​ലാ​ണ് ക്ഷേ​ത്രം, ബോ​ര്‍ഡ് ഏ​റ്റെ​ടു​ത്ത​ത്. ക്ഷേ​ത്രം ഏ​റ്റെ​ടു​ക്കാ​ൻ ദേ​വ​സ്വം ബോ​ര്‍ഡ് അ​ധി​കൃ​ത​ര്‍ എ​ത്തി​യേ​ക്കു​മെ​ന്ന വി​വ​ര​ത്തെ​ത്തു​ട​ര്‍ന്ന് പ്ര​തി​രോ​ധി​ക്കാ​ന്‍ ഭ​ക്ത​രും ക്ഷേ​ത്ര​സ​മി​തി ഭാ​ര​വാ​ഹി​ക​ളും ന​ന്നേ​കാ​ല​ത്തു​ത​ന്നെ ക്ഷേ​ത്ര​മു​റ്റ​ത്ത് ത​മ്പ​ടി​ച്ച് തി​രു​മു​റ്റ​ത്തു​നി​ന്ന് ഗേ​റ്റും പ്ര​ധാ​ന​വാ​തി​ലും താ​ഴി​ട്ടു​പൂ​ട്ടി​യി​രു​ന്നു. വ​ന്‍ പൊ​ലീ​സ്‌ സം​ഘ​വും ഉ​ദ്യോ​ഗ​സ്ഥ​രും ക്ഷേ​ത്ര പ​രി​സ​ര​ത്ത് നി​ല​യു​റ​പ്പി​ച്ച​തോ​ടെ ഭ​ക്ത​ര്‍ തി​രു​മു​റ്റ​ത്തു​നി​ന്ന് പ​ഞ്ചാ​ക്ഷ​രീ​മ​ന്ത്രം ഉ​രു​വി​ട്ടു.

ഇ​തി​നി​ടെ, ക്ഷേ​ത്ര​ത്തി​നു​പു​റ​ത്ത് ദേ​വ​സ്വം ബോ​ര്‍ഡി​നെ അ​നു​കൂ​ലി​ക്കു​ന്ന​വ​രും പ്ര​തി​കൂ​ലി​ക്കു​ന്ന​വ​രും ത​മ്മി​ല്‍ ചെ​റി​യ തോ​തി​ല്‍ സം​ഘ​ര്‍ഷം രൂ​പ​പ്പെ​ട്ട​തോ​ടെ ഏ​താ​നും​പേ​രെ പൊ​ലീ​സ് ക​സ്​​റ്റ​ഡി​യി​ലെ​ടു​ത്തു. മു​ന്‍വ​ശ​ത്തെ പ്ര​ധാ​ന ഗേ​റ്റി‍െൻറ താ​ഴ് പൊ​ളി​ച്ച് അ​ധി​കൃ​ത​ര്‍ തി​രു​മു​റ്റ​ത്ത് പ്ര​വേ​ശി​ക്കു​ക​യാ​യി​രു​ന്നു. മ​ല​ബാ​ര്‍ ദേ​വ​സ്വം ബോ​ര്‍ഡ് പ്ര​സി​ഡ​ൻ​റ്​ എം.​ആ​ര്‍. മു​ര​ളി​യും മ​റ്റ് ഉ​ദ്യോ​ഗ​സ്ഥ​രും ഓ​ഫി​സി​ലെ​ത്തി. പി​ന്നീ​ട് എ​ക്‌​സി​ക്യൂ​ട്ടി​വ് ഓ​ഫി​സ​റാ​യി പി. ​ശ്രീ​കു​മാ​ര്‍ ചു​മ​ത​ല​യേ​റ്റു. ക്ഷേ​ത്രം ഏ​റ്റെ​ടു​ക്കാ​ൻ വ​ര്‍ഷ​ങ്ങ​ളാ​യി ദേ​വ​സ്വം ബോ​ര്‍ഡ് ശ്ര​മി​ച്ച​പ്പോ​ഴൊ​ക്കെ ക്ഷേ​ത്ര​സ​മി​തി ഭ​ക്ത​ജ​ന കൂ​ട്ടാ​യ്മ ഉ​ണ്ടാ​ക്കി പ്ര​തി​രോ​ധം തീ​ര്‍ക്കു​ക​യാ​യി​രു​ന്നു.

മ​ട്ട​ന്നൂ​രി​ലെ ജ​ന്മി​യാ​യി​രു​ന്ന മ​ട്ട​ന്നൂ​ര്‍ മ​ധു​സൂ​ദ​ന​ന്‍ ത​ങ്ങ​ളു​ടെ കീ​ഴി​ലാ​യി​രു​ന്ന മ​ട്ട​ന്നൂ​ര്‍ മ​ഹാ​ദേ​വ​ക്ഷേ​ത്രം 1971ലാ​ണ് ജ​ന​കീ​യ​സ​മി​തി ഏ​റ്റെ​ടു​ത്ത​ത്. തു​ട​ര്‍ന്ന് സി.​എം. ബാ​ല​കൃ​ഷ്ണ​ന്‍ ന​മ്പ്യാ​ര്‍ ക്ഷേ​ത്ര​സ​മി​തി പ്ര​സി​ഡ​ൻ​റാ​യി. മ​ര​ണം​വ​രെ​യും അ​ദ്ദേ​ഹം ത​ന്നെ​യാ​യി​രു​ന്നു സ​മി​തി പ്ര​സി​ഡ​ൻ​റ്. 48 വ​ര്‍ഷം അ​ദ്ദേ​ഹം തു​ട​ര്‍ന്നു. പി​ന്നീ​ട് ന​ടു​ക്ക​ണ്ടി പ​വി​ത്ര​ന്‍ പ്ര​സി​ഡ​ൻ​റാ​യി. ഇ​പ്പോ​ള്‍ സി.​എം. ബാ​ല​കൃ​ഷ്ണ​ന്‍ ന​മ്പ്യാ​രു​ടെ മ​ക​ന്‍ സി.​എ​ച്ച്. മോ​ഹ​ന്‍ദാ​സാ​ണ് പ്ര​സി​ഡ​ൻ​റ്.



Show Full Article
TAGS:Mattannur Mahadeva Temple Devaswom Board 
News Summary - Mattannur Mahadeva Temple was taken over by the Devaswom Board
Next Story