പണവും രുചിയും; മുറ്റ​ത്തൊരുക്കാം മീൻകുളം

ക​ണ്ണൂ​ർ: അ​ടു​ക്ക​ള​യി​ലേ​ക്ക് വി​ഷ​മി​ല്ലാ​ത്ത മ​ത്സ്യ​വും വ​രു​മാ​ന​വും ഉ​റ​പ്പാ​ക്കാ​ൻ 'മു​റ്റ​ത്തൊ​രു മീ​ൻ​തോ​ട്ടം' പ​ദ്ധ​തി​യൊ​രു​ങ്ങു​ന്നു. ഫി​ഷ​റീ​സ് വ​കു​പ്പും ത​ദ്ദേ​ശ സ്ഥാ​പ​ന​ങ്ങ​ളും ചേ​ർ​ന്നാ​ണ് പ​ദ്ധ​തി ന​ട​പ്പാ​ക്കു​ക. ഇ​തി​നാ​യി പ​ഞ്ചാ​യ​ത്തു​ക​ളു​ടെ വാ​ർ​ഷി​ക​പ​ദ്ധ​തി​യി​ൽ തു​ക ക​ണ്ടെ​ത്തി​യി​ട്ടു​ണ്ട്.

എ​ല്ലാ പ​ഞ്ചാ​യ​ത്തി​ലും പ​ദ്ധ​തി ന​ട​പ്പാ​ക്ക​ണ​മെ​ന്ന് നി​ർ​ദേ​ശ​മു​ള്ള​താ​യാ​ണ് വി​വ​രം. പ​ദ്ധ​തി​ക്കാ​യി കു​റ​ഞ്ഞ​ത് അ​ര സെ​ന്റ് സ്ഥ​ല​മെ​ങ്കി​ലും ആ​വ​ശ്യ​മാ​ണ്.

20,000 രൂ​പ​യാ​ണ് പ​ദ്ധ​തി​ച്ചെ​ല​വാ​യി ക​ണ​ക്കാ​ക്കു​ന്ന​ത്. ജ​ന​റ​ൽ വി​ഭാ​ഗ​ത്തി​ന് അ​ഞ്ച് ശ​ത​മാ​ന​വും എ​സ്.​സി-​എ​സ്.​ടി​ക്ക് മു​ഴു​വ​നും സ​ബ്സി​ഡി ല​ഭി​ക്കും. കു​ഴി​യൊ​രു​ക്ക​ൽ, പ​ടു​ത വി​രി​ക്ക​ൽ, ഓ​ക്സി​ജ​ൻ അ​ള​വ് നി​ല​നി​ർ​ത്താ​നാ​വ​ശ്യ​മാ​യ സം​വി​ധാ​നം എ​ന്നി​വ​ക്കാ​യി തു​ക വി​നി​യോ​ഗി​ക്കാം.

കു​ള​ത്തി​ൽ വ​ള​ർ​ത്താ​നു​ള്ള മീ​ൻ​കു​ഞ്ഞു​ങ്ങ​ളെ ഫി​ഷ​റീ​സ് സൗ​ജ​ന്യ​മാ​യി ന​ൽ​കും. പ​ദ്ധ​തി​ക്കാ​യി ഉ​ട​ൻ പ​ഞ്ചാ​യ​ത്തു​ക​ളി​ൽ അ​പേ​ക്ഷ ക്ഷ​ണി​ക്കും. ഏ​തു​ത​രം മീ​ൻ​കു​ഞ്ഞു​ങ്ങ​ളെ​യാ​ണ് വി​ത​ര​ണം ചെ​യ്യു​ക​യെ​ന്ന​ത് സം​ബ​ന്ധി​ച്ച് ഫി​ഷ​റീ​സ് വ​കു​പ്പ് ഇ​തു​വ​രെ തീ​രു​മാ​നി​ച്ചി​ട്ടി​ല്ല.

ജീ​വി​ത​രീ​തി, തീ​റ്റ​ക്ര​മം എ​ന്നി​വ കൃ​ത്യ​മാ​യി മ​ന​സ്സി​ലാ​ക്കി​വേ​ണം കു​ള​ങ്ങ​ളി​ലേ​ക്ക് മ​ത്സ്യ​ങ്ങ​ളെ തി​ര​ഞ്ഞെ​ടു​ക്കാ​ന്‍. പ​ദ്ധ​തി ന​ട​പ്പാ​ക്കു​ക​യാ​ണെ​ങ്കി​ൽ വീ​ട്ടാ​വ​ശ്യ​ത്തി​നു​ള്ള മ​ത്സ്യ​വും വി​ൽ​പ​ന​യി​ലൂ​ടെ ല​ഭി​ക്കു​ന്ന വ​രു​മാ​ന​വും സാ​ധാ​ര​ണ​ക്കാ​ർ​ക്ക് ആ​ശ്ര​യ​മാ​കും.

പ്ര​തി​രോ​ധ​ശേ​ഷി കൂ​ടി​യ​തും മാ​ർ​ക്ക​റ്റി​ൽ ആ​വ​ശ്യ​ക്കാ​ർ ഏ​റെ​യു​ള്ള​തു​മാ​യ ഇ​നം മ​ത്സ്യ​ക്കു​ഞ്ഞു​ങ്ങ​ളെ ന​ൽ​ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം. വി​വി​ധ പ​ഞ്ചാ​യ​ത്തു​ക​ൾ നീ​ക്കി​വെ​ച്ച തു​ക അ​നു​സ​രി​ച്ചാ​ണ് ഉ​പ​ഭോ​ക്താ​ക്ക​ളു​ടെ എ​ണ്ണം നി​ശ്ച​യി​ക്കു​ക. പ​ദ്ധ​തി​ക്കാ​യി തി​ര​ഞ്ഞെ​ടു​ക്ക​പ്പെ​ടു​ന്ന ഉ​പ​ഭോ​ക്താ​ക്ക​ൾ​ക്ക് പ​രി​ശീ​ല​ന​വും ആ​വ​ശ്യ​മാ​ണ്. ​