പെട്രോൾ പമ്പുകളിൽ തലങ്ങും വിലങ്ങും വാഹനങ്ങൾ: മാഹിയിൽ ദുരിതം

മാ​ഹി: പെ​ട്രോ​ൾ പ​മ്പി​ലെ​ത്തു​ന്ന​വ​ർ ത​ല​ങ്ങും വി​ല​ങ്ങും വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​ത് യാ​ത്ര​ക്കാ​ർ​ക്കും പൊ​തു​ജ​ന​ങ്ങ​ൾ​ക്കും ദു​രി​ത​മാ​കു​ന്നു. ര​ണ്ടു വാ​ഹ​ന​ങ്ങ​ൾ​ക്ക് ക​ഷ്ടി​ച്ച് ക​ട​ന്ന് പോ​കാ​ൻ ക​ഴി​യു​ന്ന ദേ​ശീ​യ പാ​ത​യി​ലാ​ണ് ഇ​ന്ധ​നം നി​റ​ക്കാ​ൻ വാ​ഹ​ന​ങ്ങ​ൾ നി​ർ​ത്തി​യി​ടു​ന്ന​ത് മൂ​ലം പ്ര​യാ​സ​മ​നു​ഭ​വപ്പെ​ടു​ന്ന​ത്. ഗ​താ​ഗ​തക്കുരു​ക്കി​ന് പ​രി​ഹാ​രം കാ​ണാ​ൻ അ​ധി​കൃ​ത​ർ തയാ​റാ​വു​ന്നി​ല്ലെ​ന്നാ​ണ് ആ​ക്ഷേ​പം. ഗ​താ​ഗ​ത​ക്കു​രു​ക്ക് വ്യാ​പാ​രി​ക​ളെ​യാ​ണ് ഏ​റെ പ്ര​യാ​സ​ത്തി​ലാ​ക്കു​ന്ന​ത്.

വാ​ഹ​ന​ങ്ങ​ൾ നി​യ​ന്ത്രി​ക്കാ​ൻ പൊ​ലീ​സ് സം​വി​ധാ​ന​മി​ല്ലെ​ങ്കി​ൽ പ​മ്പു​കാ​രു​ടെ ഉ​ത്ത​ര​വാ​ദി​ത്വ​ത്തി​ൽ സ്വ​കാ​ര്യ സെ​ക്യൂ​രി​റ്റി സം​വി​ധാ​ന​മൊ​രു​ക്ക​ണ​മെ​ന്നാ​ണ് ആ​വ​ശ്യം. യാ​ത്ര​ക്കാ​രു​മാ​യി പൊ​തു വാ​ഹ​ന​ങ്ങ​ൾ പെ​ട്രോ​ൾ പ​മ്പു​ക​ളി​ൽ ചെ​ന്ന് ഇ​ന്ധ​നം നി​റ​ക്കു​ന്ന​ത് നി​യ​മ ലം​ഘ​ന​മാ​ണ്. ആ​റു പെ​ട്രോ​ൾ പ​മ്പു​ക​ളാ​ണ് മാ​ഹി​യി​ലെ ഒ​ന്ന​ര കി​ലോ​മീ​റ്റ​ർ ദൂ​ര​ത്തി​ലു​ള്ള​ത്. ത​ല​ശേ​രി ഭാ​ഗ​ത്ത് നി​ന്ന് വ​രു​ന്ന വാ​ഹ​ന​ങ്ങ​ൾ വ​ൺ​വേ​യി​ൽ പോ​വു​മ്പോ​ൾ ക​യ​റ്റ​ത്തി​ലു​ള്ള ര​ണ്ട് പ​മ്പു​ക​ളി​ൽ എ​ത്തു​ന്ന വാ​ഹ​ന​ങ്ങ​ൾ പ​കു​തി റോ​ഡി​ലും പ​കു​തി പ​മ്പി​ലു​മാ​ണ് നി​ർ​ത്തു​ന്ന​ത്. ഇ​താ​ണ് ഗ​താ​ഗ​ത കു​രു​ക്കി​ന് പ്ര​ധാ​ന കാ​ര​ണം. ഒ​ന്നി​ലേ​റെ വ​ലി​യ വാ​ഹ​ന​ങ്ങ​ൾ പ​മ്പ് അ​ങ്ക​ണ​ത്തി​ൽ കി​ട​ക്കു​ന്ന​ത് പി​റ​കെ​യെ​ത്തു​ന്ന വാ​ഹ​ന​ങ്ങ​ൾ​ക്ക് ബു​ദ്ധി​മു​ട്ട് സൃ​ഷ്ടി​ക്കു​ന്ന​താ​യി നാ​ട്ടു​കാ​ർ പ​റ​ഞ്ഞു.

മാ​ഹി വ​ഴി ക​ട​ന്ന് പോ​കു​ന്ന ഒ​ട്ടു​മി​ക്ക വാ​ഹ​ന​ങ്ങ​ളും ഇ​ന്ധ​ന വി​ല​യി​ലെ ഇ​ള​വ് പ്രാ​യോ​ജ​ന​പ്പെ​ടു​ത്താ​നാ​യി പ​മ്പി​ൽ ക​യ​റും. പ​മ്പു​ക​ളി​ൽ തി​ര​ക്ക് നി​യ​ന്ത്രി​ക്കാ​ൻ കു​റ​ച്ചു കാ​ലം പൊ​ലീ​സി​നെ വി​ന്യ​സി​ച്ചി​രു​ന്നെ​ങ്കി​ലും തു​ട​ർ​ന്നി​ല്ല. പു​തു​ച്ചേ​രി സ​ർ​ക്കാ​ന്റിന് നി​കു​തി​യി​ന​ത്തി​ൽ ഏ​റെ വ​രു​മാ​ന​മു​ണ്ടാ​കു​ന്നു​ണ്ടെ​ങ്കി​ലും മാ​ഹി ദേ​ശീ​യ പാ​ത​യി​ലെ ആ​റ് പെ​ട്രോ​ൾ പ​മ്പു​ക​ളി​ലും തി​ര​ക്ക് നി​യ​ന്ത്രി​ക്കാ​ൻ ഹോം​ഗാ​ർ​ഡി​നെ​പ്പോ​ലും നി​യ​മി​ച്ചി​ട്ടി​ല്ല. അ​ഴി​യൂ​ർ ചു​ങ്കം മു​ത​ൽ പ​രി​മ​ഠം വ​രെ മാ​ഹി​ക്കി​രു​വ​ശ​വും ഗ​താ​ഗ​തക്കുരു​ക്ക് ഉ​ണ്ടാ​കു​മ്പോ​ൾ ആം​ബു​ല​ൻ​സു​ക​ൾ ഉ​ൾ​പ്പെടെ കു​രു​ക്കി​ൽ അ​ക​പ്പെ​ടും. ചാ​ല​ക്ക​ര, പെ​രി​ങ്ങാ​ടി ഭാ​ഗ​ത്തു നി​ന്നു​ള്ള​വ​ർ​ക്ക് എ​ന്തെ​ങ്കി​ലും അ​സു​ഖം വ​ന്ന് മാ​ഹി ആ​ശു​പ​ത്രി​യി​ലേ​ക്ക് പോ​വാ​നും ക​ഴി​യാ​ത്ത അ​വ​സ്ഥ​യാ​ണ്. മാ​ഹി പാ​ല​ത്തി​ന് സ​മീ​പം ഗ​താ​ഗ​ത കു​രു​ക്കു​ണ്ടാ​കു​മ്പോ​ൾ ആ ​ഭാ​ഗ​ത്തെ ചെ​റു​പ്പ​ക്കാ​ർ മു​ന്നോ​ട്ട് വ​ന്ന് പ്ര​ശ്നം പ​രി​ഹ​രി​ക്കു​ന്ന​ത് പോ​ലെ മാ​ഹി​യി​ൽ കാ​ണു​ന്നി​ല്ലെ​ന്ന് സാ​മൂ​ഹി​ക പ്ര​വ​ർ​ത്ത​ക​ൻ സ​ലാം പ​റ​ഞ്ഞു.