മാഹിയിൽ കന്നാസിൽ ഇന്ധനം നൽകുന്നതിന് നിരോധനം

മാ​ഹി: മാ​ഹി​യു​ൾ​പ്പെ​ടെ പു​തു​ച്ചേ​രി സം​സ്ഥാ​ന​ത്ത് ഏ​പ്രി​ൽ 19ന് ​തെ​ര​ഞ്ഞെ​ടു​പ്പ് ന​ട​ക്കാ​നി​രി​ക്കെ മേ​ഖ​ല​യി​ലെ പെ​ട്രോ​ൾ പ​മ്പു​ക​ളി​ൽ​നി​ന്ന് ക​ന്നാ​സു​ക​ളി​ലും കു​പ്പി​യി​ലും ഉ​പ​ഭോ​ക്താ​ക്ക​ൾ​ക്ക് ഇ​ന്ധ​നം ന​ൽ​കു​ന്ന​തി​ൽ വി​ല​ക്ക് ഏ​ർ​പ്പെ​ടു​ത്തി തെ​ര​ഞ്ഞെ​ടു​പ്പ് ഉ​ദ്യോ​ഗ​സ്ഥ​ർ. സു​ര​ക്ഷ​യു​ടെ ഭാ​ഗ​മാ​യാ​ണി​ത്. ഇ​തു​കാ​ര​ണം കാ​ർ​ഷി​ക ആ​വ​ശ്യ​ത്തി​ന് മോ​ട്ടോ​ർ പ്ര​വ​ർ​ത്തി​പ്പി​ക്കു​വാ​നും കാ​ട് വെ​ട്ട് തൊ​ഴി​ലാ​ളി​ക​ൾ​ക്കും ക​ന്നാ​സി​ൽ വി​ല​ക്കു​റ​വി​ൽ പെ​ട്രോ​ൾ കി​ട്ടാ​താ​യി.

നി​ര​വ​ധി പേ​ർ മാ​ഹി​യി​ലെ പ​മ്പു​ക​ളി​ൽ ക​ന്നാ​സു​മാ​യി എ​ത്തു​ന്നു​ണ്ടെ​ങ്കി​ലും ഇ​ന്ധ​നം ന​ൽ​കു​ന്നി​ല്ല. ഇ​ത്ത​രം ഉ​പ​ഭോ​ക്താ​ക്ക​ൾ ത​ല​ശ്ശേ​രി, പാ​നൂ​ർ പ​ട്ട​ണ​ത്തി​ലേ​ക്ക് ക​ന്നാ​സു​മാ​യി ബ​സി​ൽ ക​യ​റി ലി​റ്റ​റി​ന് 13 രൂ​പ അ​ധി​കം കൊ​ടു​ത്ത് ഇ​ന്ധ​നം വാ​ങ്ങു​ക​യാ​ണ്.

പെ​ട്രോ​ൾ പ​മ്പി​ലേ​ക്ക് കാ​ട് വെ​ട്ട് തൊ​ഴി​ലാ​ളി ത​ന്റെ യ​ന്ത്ര​വു​മാ​യി നേ​രി​ട്ടെ​ത്തി ടാ​ങ്കി​ൽ പെ​ട്രോ​ൾ നി​റ​ച്ച് യ​ന്ത്രം ചു​മ​ന്ന് കൊ​ണ്ടു​പോ​യ​ത് കൗ​തു​ക​മാ​യി.

മാ​ഹി മേ​ഖ​ല​യി​ൽ തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച ഉ​ട​ൻ അ​തി​ർ​ത്തി പ്ര​ദേ​ശ​ങ്ങ​ളി​ൽ താ​ൽ​ക്കാ​ലി​ക ചെ​ക്ക് പോ​സ്റ്റ് സ്ഥാ​പി​ച്ച് വാ​ഹ​ന പ​രി​ശോ​ധ​ന ക​ർ​ശ​ന​മാ​ക്കി​യി​ട്ടു​ണ്ട്. മാ​ഹി ടൗ​ണി​ൽ പൂ​ഴി​ത്ത​ല, മാ​ഹി​പ്പാ​ലം, പ​ള്ളൂ​രി​ൽ ചൊ​ക്ലി, പാ​റാ​ൽ, പ​ന്ത​ക്ക​ലി​ൽ കോ​പ്പാ​ലം, മാ​ക്കു​നി എ​ന്നി​വി​ട​ങ്ങ​ളി​ലാ​ണ് താ​ൽ​ക്കാ​ലി​ക ചെ​ക്ക് പോ​സ്റ്റു​ക​ൾ സ്ഥാ​പി​ച്ചി​ട്ടു​ള്ള​ത്. കേ​ന്ദ്ര​സേ​ന​യും തെ​ര​ഞ്ഞെ​ടു​പ്പ് ഡ്യൂ​ട്ടി​ക്ക് എ​ത്തി​യി​ട്ടു​ണ്ട്.