മത്സ്യത്തൊഴിലാളികൾക്ക് കിസാൻ ക്രെഡിറ്റ് കാർഡ് –കേന്ദ്ര മന്ത്രി

മാ​ഹി: മാ​ഹി മേ​ഖ​ല​യി​ലെ മ​ത്സ്യ​ത്തൊ​ഴി​ലാ​ളി​ക​ൾ​ക്ക് കി​സാ​ൻ ക്രെ​ഡി​റ്റ് കാ​ർ​ഡ് ഉ​ൾ​പ്പ​ടെ​യു​ള്ള കേ​ന്ദ്ര സ​ർ​ക്കാ​റി​ന്റെ ക്ഷേ​മ പ​ദ്ധ​തി​ക​ളു​ടെ ആ​നു​കൂ​ല്യ​ങ്ങ​ള​ത്ര​യും കാ​ല​താ​മ​സ​മി​ല്ലാ​തെ ല​ഭ്യ​മാ​ക്കു​മെ​ന്ന് കേ​ന്ദ്ര ഫി​ഷ​റീ​സ് മ​ന്ത്രി പ​ർ​ഷോ​ത്തം രൂ​പാല ​അ​റി​യി​ച്ചു. മാ​ഹി സി​വി​ൽ സ്റ്റേ​ഷ​ൻ ഓ​ഡി​റ്റോ​റി​യ​ത്തി​ൽ സാ​ഗ​ർ പ​രി​ക്ര​മ പ​ദ്ധ​തി​യു​ടെ ഭാ​ഗ​മാ​യെ​ത്തി​യ​താ​യി​രു​ന്നു മ​ന്ത്രി. കേ​ന്ദ്ര ഫി​ഷ​റീ​സ് സ​ഹ​മ​ന്ത്രി ഡോ.​ എ​ൽ. മു​രു​ക​ൻ അ​ധ്യ​ക്ഷ​ത വ​ഹി​ച്ചു.

മ​ത്സ്യ​ത്തൊ​ഴി​ലാ​ളി​ക​ളു​മാ​യി മ​ന്ത്രി​മാ​ർ കൂടി​ക്കാ​ഴ്ച ന​ട​ത്തി. പാ​തി​വ​ഴി​യി​ലാ​യ മാ​ഹി മ​ത്സ്യ​ബ​ന്ധ​ന തു​റ​മു​ഖ​ത്തി​ന്റെ നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്നും പെ​ട്രോ​ൾ ഉ​പ​യോ​ഗി​ച്ച് പ്ര​വ​ർ​ത്തി​ക്കു​ന്ന ചെ​റു​കി​ട മ​ത്സ്യ​ബ​ന്ധ​ന ബോ​ട്ടു​ക​ൾ​ക്കും സ​ബ്സി​ഡി അ​നു​വ​ദി​ക്ക​ണ​മെ​ന്നും എം.​ബി.​സി പ​ട്ടി​ക​യി​ൽ ഉ​ൾ​പ്പെ​ട്ടി​ട്ടും മാ​ഹി​യി​ൽ മാ​ത്രം മ​ത്സ്യത്തൊ​ഴി​ലാ​ളി കു​ടും​ബ​ങ്ങ​ൾ​ക്ക് സം​വ​ര​ണാ​നു​കൂ​ല്യം വെ​ട്ടി​ച്ചു​രു​ക്കി​യ​ത് പു​ന:​പ​രി​ശോ​ധി​ക്ക​ണ​മെ​ന്നും സ​മ്പ​ർ​ക്ക പ​രി​പാ​ടി​യി​ൽ സം​സാ​രി​ച്ച ചു​വാ​ർ കൃ​ഷ്ണ​ൻ, പി.​പി. ആ​ശാ​ല​ത, ദി​നേ​ശ​ൻ എ​ന്നി​വ​ർ ആ​വ​ശ്യ​പ്പെ​ട്ടു. 63 മ​ത്സ്യ ത്തൊഴി​ലാ​ളി​ക​ൾ​ക്ക് പു​തു​താ​യി വാ​ർ​ധ​ക്യ പെ​ൻ​ഷ​ൻ വി​ത​ര​ണം ചെ​യ്തു. സം​സ്ഥാ​ന ഫി​ഷ​റീ​സ് - പൊ​തു​മ​രാ​മ​ത്ത് മ​ന്ത്രി കെ. ​ല​ക്ഷ്മി നാ​രാ​യ​ണ​ൻ സ്വാ​ഗ​ത​വും റീ​ജ​ന​ൽ അ​ഡ്മി​നി​സ്ട്രേ​റ്റ​ർ ശി​വ് രാ​ജ് മീ​ണ ന​ന്ദി​യും പ​റ​ഞ്ഞു.