ബൈ ബൈ 2023...

ക​ണ്ണൂരിന് മ​റ​ക്കാ​നാ​വാ​ത്ത നി​മി​ഷ​ങ്ങ​ൾ സ​മ്മാ​നി​ച്ച് 2023 ക​ല​ണ്ട​ർ താ​ളു​ക​ളി​ൽ​നി​ന്ന് മ​റ​യു​ക​യാ​ണ്. നേ​ട്ട​ങ്ങ​ളും ദു​ര​ന്ത​ങ്ങ​ളും വി​യോ​ഗ​ങ്ങ​ളും ഏ​റെ​യാ​ണ്. ഈ ​വ​ർ​ഷം അ​വ​സാ​നി​ക്കു​മ്പോ​ൾ ക​ഴി​ഞ്ഞു​പോ​യ പ്ര​ധാ​ന​ ദി​വ​സ​ങ്ങ​ളും സം​ഭ​വ​ങ്ങ​ളും ഒ​ന്നു​കൂ​ടി ഓ​ർ​ത്തെ​ടു​ക്കാം..

‘പൊ​ളി’ ​സ്റ്റേ​ഷ​ൻ

സം​സ്ഥാ​ന​ത്തെ മി​ക​ച്ച ര​ണ്ടാ​മ​ത്തെ പൊ​ലീ​സ് സ്റ്റേ​ഷ​നാ​യി ക​ണ്ണൂ​ര്‍ ടൗ​ണ്‍ സ്റ്റേ​ഷ​ൻ തി​ര​ഞ്ഞെ​ടു​ക്ക​പ്പെ​ട്ട​ത് പ്ര​വ​ർ​ത്ത​ന മി​ക​വി​നു​ള്ള അം​ഗീ​കാ​രം. കു​റ്റാ​ന്വേ​ഷ​ണ​ത്തി​ലെ കാ​ര്യ​ക്ഷ​മ​ത​ക്കും സാ​മൂ​ഹി​ക പ്ര​തി​ബ​ന്ധ​ത​ക്കു​മു​ള്ള നേ​ട്ടം.

ഹാ​ട്രി​ക് ക​ണ്ണൂ​ർ

ഉ​യ​ർ​ന്ന വി​ജ​യ​ശ​ത​മാ​നം സം​സ്ഥാ​ന​ത​ല​ത്തി​ൽ കു​ത്ത​ക​യാ​ക്കി എ​സ്.​എ​സ്.​എ​ൽ.​സി പ​രീ​ക്ഷ​യി​ൽ തു​ട​ർ​ച്ച​യാ​യ മൂ​ന്നാം​വ​ർ​ഷ​വും ക​ണ്ണൂ​രി​ന്റെ വി​ജ​യ​ഗാ​ഥ. 99.94 ശ​ത​മാ​നം വി​ജ​യ​വു​മാ​യാ​ണ് ഇ​ത്ത​വ​ണ സം​സ്ഥാ​ന​ത്ത് ഒ​ന്നാ​മ​താ​യ​ത്. മു​ഴു​വ​ൻ വി​ഷ​യ​ത്തിലും 6,803 പേ​ർ എ ​പ്ല​സ്​ നേ​ടി. 195 സ്കൂ​ളു​ക​ൾ​ക്ക് നൂ​റു​മേ​നി.

ആ​ഗോ​ള​നി​ക്ഷേ​പ​ക സം​ഗ​മം

ക​ണ്ണൂ​രി​ന്റെ വ്യ​വ​സാ​യ കു​തി​പ്പി​ന് ക​രു​ത്ത് പ​ക​രാ​നു​ള​ള ശ്ര​മ​ത്തി​ന്റെ ഭാ​ഗ​മാ​യി ജി​ല്ല പ​ഞ്ചാ​യ​ത്തും ജി​ല്ല വ്യ​വ​സാ​യ കേ​ന്ദ്ര​വും സം​ഘ​ടി​പ്പി​ച്ച ആ​ഗോ​ള​നി​ക്ഷേ​പ​ക സം​ഗ​മം ശ്ര​ദ്ധേ​യ​മാ​യി. ഒ​ക്‌​ടോ​ബ​ര്‍ 30, 31 തീ​യ​തി​ക​ളി​ൽ ക​ണ്ണൂ​ര്‍ നാ​യ​നാ​ര്‍ അ​ക്കാ​ദ​മി​യി​ല്‍ ന​ട​ന്ന സം​ഗ​മ​ത്തി​ൽ ലോ​ക​ത്തി​ന്റെ വി​വി​ധ​ഭാ​ഗ​ങ്ങ​ളി​ല്‍ സം​ര​ഭ​ങ്ങ​ള്‍ക്ക് നേ​തൃ​ത്വം ന​ല്‍കു​ന്ന ഇ​രു​ന്നൂ​റോ​ളം പ്ര​വാ​സി നി​ക്ഷേ​പ​ക​ര്‍ പ​ങ്കെ​ടു​ത്തു.

ദ്രോ​ണാ​ചാ​ര്യ പു​ര​സ്കാ​രം

ഉ​ത്ത​ര​മ​ല​ബാ​റി​ൽ​നി​ന്ന് ഉ​ത്ത​രേ​ന്ത്യ​ൻ ക​ബ​ഡി​യു​മാ​യി ക​ളി​ക്ക​ള​ത്തി​ലെ​ത്തി​യ ക​രി​വ​ള്ളൂ​ര്‍ കൊ​ട​ക്കാ​ട് സ്വ​ദേ​ശി ഇ. ​ഭാ​സ്‌​ക​ര​നെ തേ​ടി ദ്രോ​ണാ​ചാ​ര്യ പു​ര​സ്കാ​രം.

കണ്ണൂരിന്റെ ക​ണ്ണീ​രോ​ർ​മ​യാ​യി ക​ർ​ഷ​ക ആ​ത്മ​ഹ​ത്യ

പേ​​രാ​​വൂ​​രി​​ന​​ടു​​ത്തു​ള്ള ക​​ണി​​ച്ചാ​​ർ പ​​ഞ്ചാ​​യ​​ത്തി​​ലെ കൊ​​ള​​ക്കാ​​ട് ക്ഷീ​​ര​​​ക​​ർ​​ഷ​​ക​​നാ​​യ എം.​​ആ​​ർ. ആ​​ൽ​​ബ​​ർ​​ട്ടി​​നെ ന​വം​ബ​ർ 27ന് ​പു​ല​ർ​ച്ച​യാ​ണ് വീ​ട്ടി​ൽ മ​രി​ച്ച​നി​ല​യി​ൽ ക​ണ്ടെ​ത്തി​യ​ത്. കേ​ര​ള ബാ​ങ്ക് ശാ​ഖ​യി​ല്‍നി​ന്ന് ജ​പ്തി നോ​ട്ടീ​സ് ല​ഭി​ച്ചി​രു​ന്നു.

വ​​ന്യ​​മൃ​​ഗ​​ശ​​ല്യം രൂ​​ക്ഷ​​മാ​​യ​​തി​​നാ​​ൽ ര​​ണ്ടേ​​ക്ക​​ർ കൃ​​ഷി​​യി​​ട​​വും വീ​​ടും ഉ​​പേ​​ക്ഷി​​ക്കേ​​ണ്ടി​​വ​​ന്ന​​തി​​ൽ മ​​നം​​നൊ​​ന്താ​​ണ് ഇ​​രി​​ട്ടി​​ക്ക​​ടു​​ത്ത് അ​​യ്യ​​ൻ​​കു​​ന്ന് പ​​ഞ്ചാ​​യ​​ത്തി​​ലെ മു​​ടി​​ക്ക​​യ​​ത്ത് ന​​ടു​​വ​​ത്ത് സു​​ബ്ര​​ഹ്മ​​ണ്യ​​ന്‍ ന​​വം​​ബ​​ർ 15ന് ​​ജീ​​വ​​നൊ​​ടു​​ക്കി​​യ​​ത്. 22ന് ​​ന​​വ​​കേ​​ര​​ള യാ​​ത്ര പേ​​രാ​​വൂ​​ർ മ​​ണ്ഡ​​ല​​ത്തി​​ലെ​​ത്തു​​മ്പോ​​ൾ മു​​ഖ്യ​​മ​​ന്ത്രി​​ക്ക് ന​​ൽ​​കാ​​ൻ ദീ​​ർ​​ഘ​​മാ​​യ കു​​റി​​പ്പ് എ​​ഴു​​തി​​വെ​​ച്ചി​​രു​​ന്നു.

പ​യ്യാ​വൂ​ർ ചീ​ത്ത​പ്പാ​റ​യി​ലെ ക​ർ​ഷ​ക​നാ​യ വ്യാ​പാ​രി ക​ട​ബാ​ധ്യ​ത​മൂ​ലം ജീ​വ​നൊ​ടു​ക്കി​യ​ത് ഡി​സം​ബ​ർ ര​ണ്ടി​ന്. മി​ക​ച്ച ക്ഷീ​ര​ക​ർ​ഷ​ക​നു​ള്ള അ​വാ​ർ​ഡ് നേ​ടി​യ മ​റ്റ​ത്തി​ൽ ജോ​സ​ഫി​നെ​യാ​ണ് വീ​ടി​നു​ സ​മീ​പ​ത്തെ പ​റ​മ്പി​ലു​ള്ള മ​ര​ക്കൊ​മ്പി​ൽ തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

വാ​ഹ​നം ക​ത്തി​യ​മ​ർ​ന്ന് മ​ര​ണ​ങ്ങ​ൾ

ഓ​ട്ട​ത്തി​നി​ടെ വാ​ഹ​നം ക​ത്തി​യ​മ​ർ​ന്ന് ഈ ​വ​ർ​ഷം ജി​ല്ല​യി​ൽ മ​രി​ച്ച​ത് നാ​ലു​പേ​ർ. ക​ണ്ണൂ​ർ ജി​ല്ല ആ​ശു​പ​ത്രി​ക്ക് സ​മീ​പം കാ​ർ ക​ത്തി ഗ​ർ​ഭി​ണി​യും ഭ​ർ​ത്താ​വും വെ​ന്തു​മ​രി​ച്ച​ത് ഫെ​ബ്രു​വ​രി ഒ​ന്നി​ന്. പ്ര​സ​വ​വേ​ദ​ന​യെ തു​ട​ർ​ന്ന് കാ​റി​ൽ ആ​ശു​പ​ത്രി​യി​ലേ​ക്ക് പോ​കു​ക​യാ​യി​രു​ന്ന കു​റ്റി​യാ​ട്ടൂ​ർ സ്വ​ദേ​ശി റീ​ഷ​യും ഭ​ർ​ത്താ​വ് പ്ര​ജി​ത്തു​മാ​ണ് മ​രി​ച്ച​ത്.

ആ​റാം​മൈ​ലി​ൽ സ്വ​കാ​ര്യ ബ​സു​മാ​യി കൂ​ട്ടി​യി​ടി​ച്ച് മ​റി​ഞ്ഞ ഓ​ട്ടോ​റി​ക്ഷ അ​ഗ്നി​ഗോ​ള​മാ​യ​ത് ഒ​ക്ടോ​ബ​ർ 13ന്. ​വ​ണ്ടി​യി​ലു​ണ്ടാ​യി​രു​ന്ന പാ​റാ​ട് സ്വ​ദേ​ശി​ക​ളാ​യ ഓ​ട്ടോ​റി​ക്ഷ ഡ്രൈ​വ​ർ അ​ഭി​ലാ​ഷ്, സു​ഹൃ​ത്ത് സ​ജീ​ഷ് (36) എ​ന്നി​വ​ർ നി​മി​ഷ​ങ്ങ​ൾ​ക്ക​കം ക​ത്തി​യ​മ​ർ​ന്നു. സ​ജീ​ഷി​ന്റെ ആ​റാം മൈ​ലി​ലെ സ​ഹോ​ദ​രി​യു​ടെ വീ​ട്ടി​ൽ പോ​കു​ന്ന​തി​നി​ട​യി​ലാ​ണ് അ​പ​ക​ടം.

മാ​വോ​വാദി ഭീ​തി

ന​വം​ബ​ർ 13ന് ​അ​യ്യ​ൻ​കു​ന്ന് പ​ഞ്ചാ​യ​ത്തി​ലെ ഉ​രു​പ്പും​കു​റ്റി ഞെ​ട്ടി​ത്തോ​ട് വ​ന​മേ​ഖ​ല​യി​യി​ലു​ണ്ടാ​യ ഏ​റ്റു​മു​ട്ട​ലി​ൽ മാ​വോ​വാ​ദി ക​വി​ത കൊ​ല്ല​പ്പെ​ട്ട​താ​യി വ​യ​നാ​ട് തി​രു​നെ​ല്ലി​യി​ൽ പോ​സ്റ്റ​റു​ക​ൾ പ​തി​ച്ച​തോ​ടെ മ​ല​യോ​രം ഞെ​ട്ട​ലി​ൽ. 13ന് ​രാ​വി​ലെ 9.30 ഓ​ടെ മാ​വോ​വാ​ദി​ക​ളും പൊ​ലീ​സും ത​മ്മി​ൽ ആ​രം​ഭി​ച്ച ഏ​റ്റു​മു​ട്ട​ൽ ര​ണ്ടു​ദി​വ​സം നീ​ണ്ടു​നി​ന്നി​രു​ന്നു.

വെ​ടി​യേ​റ്റ ക​വി​ത​യെ ര​ക്ഷ​പ്പെ​ടു​ത്തി ചി​കി​ത്സ ന​ൽ​കി​യെ​ന്നും പ​ശ്ചി​മ​ഘ​ട്ട​ത്തി​ൽ പൂ​ർ​ണ ബ​ഹു​മ​തി​ക​ളോ​ടെ സം​സ്ക​രി​ച്ചെന്നും മാ​വോ​വാ​ദി പ​ത്ര​ക്കു​റി​പ്പി​ൽ പ​റ​യു​ന്നു. തി​രി​ച്ച​ടി​ക്കാ​നു​ള്ള ഇ​വ​രു​ടെ ആ​ഹ്വാ​നം ക​ണ​ക്കി​ലെ​ടു​ത്ത് ക​ന​ത്ത​ സു​ര​ക്ഷ​യാ​ണ് മ​ല​യോ​ര​ത്ത് ഒ​രു​ക്കി​യി​രി​ക്കു​ന്ന​ത്.

നോ​വാ​യി നി​ഹാ​ൽ

ജൂ​ൺ 12 മു​ഴ​പ്പി​ല​ങ്ങാ​ട് സം​സാ​ര​ശേ​ഷി​യി​ല്ലാ​ത്ത 11 കാ​ര​നെ തെ​രു​വു​നാ​യ് ക​ടി​ച്ചു​കൊ​ന്ന​ത് നോ​വു​ന്ന ഓ​ർ​മ​യാ​യി. മു​ഴ​പ്പി​ല​ങ്ങാ​ട് കെ​ട്ടി​ന​കം പ​ള്ളി​ക്ക​ടു​ത്ത് ദാ​റു​ൽ റ​ഹ്മാ​നി​ൽ നൗ​ഷാ​ദി​ന്റെ മ​ക​ൻ നി​ഹാ​ലാ​ണ് മ​രി​ച്ച​ത്. വൈ​കീ​ട്ട് മു​ത​ൽ കാ​ണാ​താ​യ കു​ട്ടി​ക്കാ​യി തി​ര​ച്ചി​ൽ ന​ട​ത്തു​ന്ന​തി​നി​ട​യി​ലാ​ണ് സ​മീ​പ​ത്തെ പ​റ​മ്പി​ൽ മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

കാ​ട്ടാ​ന​ക്ക​ലി

ഏ​പ്രി​ൽ 12ന് ​ചെ​റു​പു​ഴ രാ​ജ​ഗി​രി​യി​ല്‍ കാ​ട്ടാ​ന ആ​ക്ര​മ​ണ​ത്തി​ല്‍ യു​വാ​വ് മ​രി​ച്ചു. വാ​ഴ​ക്കു​ണ്ടം സ്വ​ദേ​ശി എ​ബി​ന്‍ സെ​ബാ​സ്റ്റ്യ​നാ​ണ് (21) മ​രി​ച്ച​ത്. ഒ​ക്ടോ​ബ​ർ 11ന് ​ഇ​രി​ട്ടി ഉ​ളി​ക്ക​ലി​ൽ ഇ​റ​ങ്ങി​യ കാ​ട്ടാ​ന അ​തൃ​ശ്ശേ​രി ജോ​സി​നെ ച​വി​ട്ടി​ക്കൊ​ന്നു. ആ​ന ഓ​ടി​യ വ​ഴി​യി​ൽ ജോ​സി​ന്റെ മൃ​ത​ദേ​ഹം ക​ണ്ടെ​ത്തു​ക​യാ​യി​രു​ന്നു.

ട്രെ​യി​നു​ക​ൾ​ക്ക് നേ​രെ തീ​ക്ക​ളി

ട്രെ​യി​നു​ക​ൾ​ക്ക് നേ​രെ ഏ​റ്റ​വും കൂ​ടു​ത​ൽ ആ​ക്ര​മ​ണം ന​ട​ന്ന വ​ർ​ഷ​മാ​ണ് ക​ട​ന്നു​പോ​കു​ന്ന​ത്. ഏ​പ്രി​ൽ ര​ണ്ടി​ന് ആ​ല​പ്പു​ഴ​യി​ല്‍നി​ന്ന് ക​ണ്ണൂ​രി​ലേ​ക്ക് പു​റ​പ്പെ​ട്ട എ​ക്‌​സി​ക്യൂ​ട്ടി​വ് എ​ക്‌​സ്പ്ര​സി​ല്‍ ന്യൂ​​ഡ​​ൽ​​ഹി ഷ​​ഹീ​​ൻ​​ബാ​​ഗ്​ സ്വ​​ദേ​​ശി ഷാ​​രൂ​​ഖ്​ സൈ​​ഫി (27) യാ​ത്ര​ക്കാ​ര്‍ക്ക് നേ​രേ പെ​ട്രോ​ളൊ​ഴി​ച്ച് തീ​കൊ​ളു​ത്തി. സം​ഭ​വ​ത്തി​ല്‍ മൂ​ന്നു​പേ​ര്‍ മ​രി​ക്കു​ക​യും ഒ​മ്പ​ത് പേ​ര്‍ക്ക് പ​രി​ക്കേ​ല്‍ക്കു​ക​യും ചെ​യ്തു. ട്രെ​യി​നി​ല്‍ യാ​ത്ര ചെ​യ്‌​ത പാ​പ്പി​നി​ശ്ശേ​രി സ്വ​ദേ​ശി റ​ഹ്മ​ത്ത്, സ​ഹോ​ദ​രി​യു​ടെ മ​ക​ള്‍ സു​ഹ​റ, മ​ട്ട​ന്നൂ​ർ സ്വ​ദേ​ശി നൗ​ഫി​ക് എ​ന്നി​വ​രാ​ണ് മ​രി​ച്ച​ത്.

ജൂ​ൺ ഒ​ന്നി​ന് ക​ണ്ണൂ​ർ റെ​യി​ൽ​വേ സ്റ്റേ​ഷ​നി​ൽ നി​ർ​ത്തി​യി​ട്ട ആ​ല​പ്പു​ഴ-​ക​ണ്ണൂ​ർ എ​ക്‌​സി​ക്യൂ​ട്ടി​വ് എ​ക്‌​സ്പ്ര​സി​ന്റെ ബോ​ഗി പൂ​ർ​ണ​മാ​യി ക​ത്തി​ന​ശി​ച്ചു. സം​ഭ​വ​ത്തി​ൽ ക​ൽ​ക​ത്ത നോ​ർ​ത്ത് ഫ​ർ​ഗാ​ന സ്വ​ദേ​ശി പ്ര​സൂ​ൺ​ജി​ത്ത് സി​ദ്ഗ​ർ അ​റ​സ്റ്റി​ലാ​യി.

ട്രെ​യി​നു​ക​ൾ​ക്ക് നേ​രെ ക​​ല്ലേ​റും വ്യാ​പ​കം. വ​ന്ദേ​ഭാ​ര​തി​നും നേ​ത്രാ​വ​തി​ക്കും ചെ​ന്നൈ സൂ​പ്പ​ർ ഫാ​സ്റ്റി​നും മാ​വേ​ലി എ​ക്സ്പ്ര​സി​നും​നേ​രെ ക​ല്ലേ​റു​ണ്ടാ​യി. ഒ​ഡി​ഷ ഖോ​ർ​ധ സ്വ​ദേ​ശി സ​ർ​വേ​ഷ്, ന്യൂ​മാ​ഹി സ്വ​ദേ​ശി സൈ​തീ​സ് ബാ​ബു തു​ട​ങ്ങി​യ​വ​ർ വി​വി​ധ സം​ഭ​വ​ങ്ങ​ളി​ൽ പി​ടി​യി​ലാ​യി. പാ​ള​ത്തി​ൽ ക​ല്ലും മ​ര​വും ക​യ​റ്റി​വെ​ച്ച സം​ഭ​വ​ങ്ങ​ളും നി​ര​വ​ധി.

ത​ട്ടി​പ്പ് @ഓ​ൺ​ലൈ​ൻ

ഏ​റ്റ​വും കൂ​ടു​ത​ൽ ഓ​ൺ​ലൈ​ൻ ത​ട്ടി​പ്പു​ക​ൾ ന​ട​ന്ന വ​ർ​ഷ​മാ​ണി​ത്. ഓ​ൺ​ലൈ​ൻ ത​ട്ടി​പ്പി​നി​ര​യാ​യ ജ്വ​ല്ല​റി ജീ​വ​ന​ക്കാ​രി ക​ട​ലി​ൽ​ചാ​ടി ജീ​വ​നൊ​ടു​ക്കി​യ സം​ഭ​വ​വു​മു​ണ്ടാ​യി. ആ​റു​മാ​സ​ത്തി​നി​ടെ ര​ജി​സ്റ്റ​ർ ചെ​യ്ത പാ​ർ​ട്‌ ടൈം ​ജോ​ലി വാ​ഗ്ദാ​നം ചെ​യ്തു​ള്ള ത​ട്ടി​പ്പു​കേ​സു​ക​ളി​ൽ മൂ​ന്നു​കോ​ടി രൂ​പ​യാ​ണ് ന​ഷ്ട​മാ​യ​ത്. ഒ.​എ​ൽ.​എ​ക്സ്, ആ​മ​സോ​ൺ, ഒ.​ടി.​പി തു​ട​ങ്ങി​യ​വ​യു​ടെ പേ​രി​ലെ​ല്ലാം ത​ട്ടി​പ്പാ​ണ്. ഒ.​എ​ൽ.​എ​ക്സി​ൽ പ​ര​സ്യം ക​ണ്ട് ഫ്ലാ​റ്റ് വാ​ങ്ങാ​നെ​ന്ന വ്യാ​ജേ​ന ഓ​ൺ​ലൈ​ൻ ത​ട്ടി​പ്പ് ന​ട​ത്തി​യ ജ​യ്പൂ​ർ സ്വ​ദേ​ശി അ​ക്ഷ​യ് ഖോ​ർ​വാ​ളി​നെ പ്ര​ത്യേ​ക അ​ന്വേ​ഷ​ണ സം​ഘം സാ​ഹ​സി​ക​മാ​യി പി​ടി​കൂ​ടി​യ​ത് നേ​ട്ട​മാ​യി.

കു​ടും​ബ​ത്തി​ലെ അ​ഞ്ചു​പേ​ർ മ​രി​ച്ച​നി​ല​യി​ൽ

ക​ണ്ണൂ​ര്‍ ചെ​റു​പു​ഴ​യി​ല്‍ മൂ​ന്ന് കു​ട്ടി​ക​ൾ അ​ട​ക്കം ഒ​രു കു​ടും​ബ​ത്തി​ലെ അ​ഞ്ചു​പേ​രെ മ​രി​ച്ച​നി​ല​യി​ൽ ക​ണ്ടെ​ത്തി​യ​ത് മേ​യ് 24ന്. ​ചെ​റു​പു​ഴ​യി​ല്‍ മൂ​ള​പ്ര വീ​ട്ടി​ല്‍ ഷാ​ജി, സു​ഹൃ​ത്ത് ശ്രീ​ജ, മ​ക്ക​ളാ​യ സൂ​ര​ജ്, സു​ജി​ന്‍, സു​ര​ഭി എ​ന്നി​വ​രെ​യാ​ണ് മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. മൂ​ന്നു​കു​ട്ടി​ക​ളു​ടെ​യും ശ​രീ​ര​ത്തി​ല്‍ അ​മി​ത​മാ​യി ഉ​റ​ക്ക​ഗു​ളി​ക​ക​ള്‍ ന​ല്‍കി​യ​തി​ന്റെ തെ​ളി​വു​ക​ള്‍ ക​ണ്ടെ​ത്തി.

പൊ​ലീ​സി​ന് നേ​രെ വെ​ടി

ന​വം​ബ​ർ നാ​ലി​നാ​ണ് ചി​റ​ക്ക​ലി​ൽ പ​രാ​തി അ​ന്വേ​ഷി​ക്കാ​നെ​ത്തി​യ പൊ​ലീ​സു​കാ​ർ​ക്കു​നേ​രെ പ്ര​തി​യു​ടെ പി​താ​വി​ന്റെ വെ​ടി​വെ​പ്പു​ണ്ടാ​യ​ത്. വ​ള​പ​ട്ട​ണം എ​സ്.​ഐ​യും സം​ഘ​വും ത​ല​നാ​രി​ഴ​ക്ക് പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. ത​മി​ഴ്നാ​ട് സ്വ​ദേ​ശി​യ ആ​ക്ര​മി​ച്ച കേ​സി​ലെ പ്ര​തി റോ​ഷ​നെ പി​ടി​കൂ​ടാ​നെ​ത്തി​യ പൊ​ലീ​സി​നു​നേ​രെ പി​താ​വ് ഡോ. ​ബാ​ബു ഉ​മ്മ​ൻ റി​വോ​ൾ​വ​ർ ഉ​പ​യോ​ഗി​ച്ചു മൂ​ന്നു​ത​വ​ണ വെ​ടി​വെ​ക്കു​ക​യാ​യി​രു​ന്നു. ഇ​യാ​ൾ​ക്കെ​തി​രെ വ​ധ​ശ്ര​മ​ത്തി​ന് കേ​സെ​ടു​ത്തു.

വ്യാ​ജ​ന്മാ​രെ തു​ര​ത്താ​ൻ ക​ണ്ണൂ​ർ സ​ർ​വ​ക​ലാ​ശാ​ല

വ്യാ​ജ​രേ​ഖ​ക​ൾ കൈ​യോ​ടെ പി​ടി​കൂ​ടാ​ൻ ക​ണ്ടു​പി​ടിത്ത​വു​മാ​യി ക​ണ്ണൂ​ർ സ​ർ​വ​ക​ലാ​ശാ​ല. ഫി​സി​ക്സ് വി​ഭാ​ഗം ഗ​വേ​ഷ​ക​രാ​ണ് അ​ന്താ​രാ​ഷ്ട്ര ശ്ര​ദ്ധ​യാ​ക​ർ​ഷി​ച്ച ക​ണ്ടു​പി​ടിത്ത​ത്തി​ന് പി​ന്നി​ൽ. എ​ൽ​സെ​വി​യ​ർ പ്ര​സി​ദ്ധീ​ക​രി​ക്കു​ന്ന അ​ന്താ​രാ​ഷ്ട്ര ശാ​സ്ത്ര ഗ​വേ​ഷ​ണ ജേ​ണ​ലാ​യ മെ​റ്റീ​രി​യ​ൽ​സ് ടു​ഡേ ക​മ്യൂ​ണി​ക്കേ​ഷ​നി​ൽ (എം.​ടി.​സി) സ​ർ​വ​ക​ലാ​ശാ​ല​യി​ലെ ഫി​സി​ക്സ് പ​ഠ​ന​വി​ഭാ​ഗം മേ​ധാ​വി​യും റി​സ​ർ​ച് ഗൈ​ഡു​മാ​യ ഡോ. ​കെ.​എം. നി​സാ​മു​ദ്ദീ​ൻ, ഗ​വേ​ഷ​ക​രാ​യ വി.​പി. വീ​ണ, സി.​കെ. ശി​ൽ​പ, എ​സ്.​വി. ജാ​സി​റ എ​ന്നി​വ​രു​ടെ പ്ര​ബ​ന്ധം പ്ര​സി​ദ്ധീ​ക​രി​ച്ചു.

കെ.​യു.​എ​ൽ.​എ​ഫ്

ക​ണ്ണൂ​ർ സ​ർ​വ​ക​ലാ​ശാ​ല യൂ​നി​യ​ന്‍റെ നേ​തൃ​ത്വ​ത്തി​ൽ സം​ഘ​ടി​പ്പി​ച്ച ക​ണ്ണൂ​ർ സ​ർ​വ​ക​ലാ​ശാ​ല ലി​റ്റ​റേ​ച​ർ ഫെ​സ്റ്റ് (കെ.​യു.​എ​ൽ.​എ​ഫ്) ശ്ര​ദ്ധേ​യ​മാ​യി. ത​മി​ഴ്നാ​ട് മ​ന്ത്രി​യും ന​ട​നു​മാ​യ ഉ​ദ​യ​നി​ധി സ്റ്റാ​ലി​ൻ, ടി. ​പ​ത്മ​നാ​ഭ​ൻ, സു​ഭാ​ഷ് ച​ന്ദ്ര​ൻ തു​ട​ങ്ങി​യ​വ​ർ സം​ബ​ന്ധി​ച്ചു.

പ്രി​യ വ​ർ​ഗീ​സി​ന് നി​യ​മ​നം

വി​വാ​ദ​ങ്ങ​ൾ​ക്കും ഹൈ​കോ​ട​തി ഇ​ട​പെ​ട​ലി​നു​മൊ​ടു​വി​ൽ ക​ണ്ണൂ​ർ സ​ർ​വ​ക​ലാ​ശാ​ല അ​സോ. പ്ര​ഫ​സ​റാ​യി പ്രി​യ വ​ർ​ഗീ​സ് ചു​മ​ത​ല​യേ​റ്റ​ത് ജൂ​ലൈ 12ന്. ​ക​ണ്ണൂ​ർ സ​ർ​വ​ക​ലാ​ശാ​ല ആ​സ്ഥാ​ന​ത്തെ​ത്തി​യാ​ണ് ചു​മ​ത​ല​യേ​റ്റ​ത്. നീ​ലേ​ശ്വ​രം കാ​മ്പ​സി​ലാ​ണ് അ​സോ. പ്ര​ഫ​സ​റാ​യി ജോ​ലി​യി​ൽ പ്ര​വേ​ശി​ച്ച​ത്.

വി.​സി പു​റ​ത്തേ​ക്ക്

ക​ണ്ണൂ​ർ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​റാ​യി പ്ര​ഫ. ഗോ​പി​നാ​ഥ് ര​വീ​ന്ദ്ര​നെ പു​ന​ർ​നി​യ​മി​ച്ച ന​ട​പ​ടി ന​വം​ബ​ർ 30ന് ​സു​പ്രീം കോ​ട​തി റ​ദ്ദാ​ക്കി. നി​യ​മി​ച്ച രീ​തി ച​ട്ട​വി​രു​ദ്ധ​മെ​ന്ന് സു​പ്രീം കോ​ട​തി ക​ണ്ടെ​ത്തി. ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഢും ജ​സ്റ്റി​സ് ജെ.​ബി. പ​ർ​ദി​വാ​ല​യും ജ​സ്റ്റി​സ് മ​നോ​ജ് മി​ശ്ര​യും അ​ട​ങ്ങി​യ ബെ​ഞ്ചാ​ണ് വി​ധി പ​റ​ഞ്ഞ​ത്.

ജെ​മി​നി ശ​ങ്ക​ര​ൻ ത​​മ്പൊ​ഴി​ഞ്ഞു

സ​ർ​ക്ക​സ്​ ഇ​തി​ഹാ​സം ജെ​മി​നി ശ​ങ്ക​ര​ൻ (99) 2023ന്റെ ​പ്ര​ധാ​ന ന​ഷ്ട​മാ​ണ്. എ​പ്രി​ൽ 23നാ​ണ് അ​ദ്ദേ​ഹം വി​ട​പ​റ​ഞ്ഞ​ത്. ജം​ബോ, ജെ​മി​നി സ​ർ​ക്ക​സു​ക​ളു​ടെ ഉ​ട​മ​യാ​യി​രു​ന്നു.

ത​ല​ശ്ശേ​രി ക​വ​ള​ശ്ശേ​രി രാ​മ​​ന്റെ​യും മൂ​ർ​ക്കോ​ത്ത്​ ക​ല്യാ​ണി​യു​ടെ​യും ഏ​ഴു​മ​ക്ക​ളി​ൽ അ​ഞ്ചാ​മ​നാ​യാ​ണ് മൂ​ർ​ക്കോ​ത്ത്​ വ​ലി​യ​വീ​ട്ടി​ൽ ശ​ങ്ക​ര​ൻ എ​ന്ന ജെ​മ​നി ശ​ങ്ക​ര​ന്റെ ജ​ന​നം. ത​​ന്റെ ന​ക്ഷ​ത്ര​ത്തെ അ​നു​സ്‌​മ​രി​ച്ച് ആ​ദ്യ സ​ർ​ക്ക​സ് സം​രം​ഭ​ത്തി​ന് ജെ​മി​നി​യെ​ന്ന പേ​ര്​ ന​ൽ​കി​യ​തോ​ടെ​യാ​ണ് ജെ​മി​നി ശ​ങ്ക​ര​നെ​ന്ന് അ​റി​യ​പ്പെ​ടാ​ൻ തു​ട​ങ്ങി​യ​ത്. സ​ർ​ക്ക​സി​​ന്റെ കു​ല​പ​തി കീ​ലേ​രി കു​ഞ്ഞി​ക്ക​ണ്ണ​ൻ ടീ​ച്ച​റു​ടെ ശി​ഷ്യ​നാ​യാ​ണ്​ സ​ർ​ക്ക​സി​​ലെ​ത്തു​ന്ന​ത്.

പി.​പി. മു​കു​ന്ദ​ന്റെ വി​യോ​ഗം

സം​ഘ്പ​രി​വാ​ര്‍ നേ​താ​വും ബി.​ജെ.​പി മു​ന്‍ സം​ഘ​ട​ന ജ​ന​റ​ല്‍ സെ​ക്ര​ട്ട​റി​യു​മാ​യ പി.​പി. മു​കു​ന്ദ​ന്‍ (77) സെ​പ്റ്റം​ബ​ർ13​ന് നി​ര്യാ​ത​നാ​യി. ക​ണ്ണൂ​ര്‍ കൊ​ട്ടി​യൂ​ര്‍ മ​ണ​ത്ത​ണ കൊ​ള​ങ്ങ​ര​യ​ത്ത് പ​രേ​ത​രാ​യ കൃ​ഷ്ണ​ന്‍ നാ​യ​ര്‍-​ക​ല്യാ​ണി​യ​മ്മ എ​ന്നി​വ​രു​ടെ മ​ക​നാ​ണ്. ദീ​ര്‍ഘ​കാ​ലം ബി.​ജെ.​പി ദേ​ശീ​യ എ​ക്‌​സി​ക്യൂ​ട്ടി​വ് അം​ഗ​മാ​യി​രു​ന്നു. മ​ണ​ത്ത​ല യു.​പി സ്‌​കൂ​ള്‍, പേ​രാ​വൂ​ര്‍ സെ​ന്റ് ജോ​സ​ഫ് ഹൈ​സ്‌​കൂ​ള്‍ എ​ന്നി​വി​ട​ങ്ങ​ളി​ലാ​യി​രു​ന്നു വി​ദ്യാ​ഭ്യാ​സം.