വാർഡിൽ ചോർച്ച; തലശ്ശേരി ജനറൽ ആശുപത്രിയിലെ കുട്ടികളുടെ തീവ്രപരിചരണ വിഭാഗം അടച്ചു

ത​ല​ശ്ശേ​രി: ജ​ന​റ​ൽ ആ​ശു​പ​ത്രി​യി​ലെ കു​ട്ടി​ക​ളു​ടെ വാ​ർ​ഡി​ൽ ചോ​ർ​ച്ച. ഗ​ത്യ​ന്ത​ര​മി​ല്ലാ​താ​യ​തോ​ടെ ഇ​വി​ട​ത്തെ തീ​വ്ര​പ​രി​ച​ര​ണ വി​ഭാ​ഗം (ഐ.​സി.​യു) അ​ട​ച്ചു. ഗു​രു​ത​രാ​വ​സ്ഥ​യി​ലു​ള്ള കു​ട്ടി​ക​ളെ ക​ണ്ണൂ​ർ, പ​രി​യാ​രം മെ​ഡി​ക്ക​ൽ കോ​ള​ജാ​ശു​പ​ത്രി​ക​ളി​ലേ​ക്ക് മാ​റ്റി​ത്തു​ട​ങ്ങി. ഡയാലിസിസ് യൂനിറ്റിലും മോർച്ചറിയിലും ചോർച്ച വ്യാപിച്ചിട്ടുണ്ട്.

ഐ.​സി.​യു​വി​ലാ​ണ് കൂ​ടു​ത​ൽ പ്ര​ശ്ന​ം. അ​ഞ്ച് കു​ട്ടി​ക​ളെ കി​ട​ത്തി ചി​കി​ത്സി​ക്കാ​ൻ സൗ​ക​ര്യ​മു​ള്ള ഐ.​സി.​യുവാണിത്. ഐ.​സി.​യു​വി​ലു​ള്ള മോ​ണി​റ്റ​ർ, സ്കാ​ന​ർ ഉ​ൾ​പ്പെ​ടെ വി​ല​പി​ടി​പ്പു​ള്ള മെ​ഷീ​നു​ക​ളും സു​ര​ക്ഷി​ത സ്ഥാ​ന​ത്തേ​ക്ക് അ​ഴി​ച്ചു മാ​റ്റി. വി​വ​രം ദു​ര​ന്ത നി​വാ​ര​ണ സ​മി​തി​ക്ക് ആ​ശു​പ​ത്രി അ​ധി​കൃ​ത​ർ റി​പ്പോ​ർ​ട്ട് ന​ൽ​കി. പ്ര​ശ്നം പ​രി​ഹ​രി​ക്കാ​ൻ ന​ഗ​ര​സ​ഭ ഇ​ട​പെ​ട്ട് 30 ല​ക്ഷം രൂ​പ അ​ടി​യ​ന്ത​ര​മാ​യി അ​നു​വ​ദി​ച്ചി​ട്ടു​ണ്ട്.

എ​ത്ര​യും വേ​ഗം വാ​ർ​ഡ് ന​വീ​ക​രി​ക്കാ​ൻ ടെ​ൻ​ഡ​ർ ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ട്. വി​ഷ​യം സം​ബ​ന്ധി​ച്ച് വി​വ​ര​ങ്ങ​ൾ തേ​ടി മ​ഹി​ള കോ​ൺ​ഗ്ര​സ് ജി​ല്ല വൈ​സ് പ്ര​സി​ഡ​ന്റ് എ. ​ശ​ർ​മി​ള ആ​ശു​പ​ത്രി സൂ​പ്ര​ണ്ടി​ന് ഹ​ര​ജി ന​ൽ​കി. മേ​യ് അ​വ​സാ​ന​വാ​രം പെ​യ്ത ക​ന​ത്ത മ​ഴ​യി​ലും വീ​ശി​യ​ടി​ച്ച കാ​റ്റി​ലും ജ​ന​റ​ൽ ആ​ശു​പ​ത്രി​യി​ലെ ക​ട​ലോ​ര​ത്തു​ള്ള ശി​ശു​രോ​ഗ വാ​ർ​ഡി​ന്റെ മേ​ൽ​ക്കൂ​ര​യി​ൽ പാ​കി​യ ആ​സ്ബ​സ്റ്റോ​സ് ഷീ​റ്റു​ക​ൾ ഇ​ള​കി വീ​ണി​രു​ന്നു. അ​തോ​ടെയാണ് വാ​ർ​ഡി​ന്റെ പ​ല ഭാ​ഗ​ത്തും ചോ​ർ​ച്ച തു​ട​ങ്ങിയത്.