Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightLocal Newschevron_rightKannurchevron_rightകേളകത്ത്...

കേളകത്ത് പൊതുശ്മശാനത്തിന് ഭൂമിയായി

text_fields
bookmark_border
കേളകത്ത് പൊതുശ്മശാനത്തിന് ഭൂമിയായി
cancel

കേ​ള​കം: പൊ​തു​ശ്മ​ശാ​ന​മി​ല്ലാ​ത്ത​തി​നാ​ൽ മ​ല​യോ​ര​ത്തെ ആ​ദി​വാ​സി കോ​ള​നി​ക​ളി​ൽ മൃ​ത​ദേ​ഹം വീ​ട്ടു​മു​റ്റ​ങ്ങ​ളി​ലും അ​ടു​ക്ക​ള പൊ​ളി​ച്ചും മ​റ​വു​ചെ​യ്ത ദ​യ​നീ​യ സം​ഭ​വ​ങ്ങ​ൾ​ക്ക് പ​രി​ഹാ​ര​മാ​വു​ന്നു. പൊ​തു​ശ്മ​ശാ​ന​മി​ല്ലാ​ത്ത കേ​ള​കം പ​ഞ്ചാ​യ​ത്തി​ൽ അ​ത് നി​ർ​മി​ക്കാ​ൻ ഭൂ​മി ക​ണ്ടെ​ത്തി​യ​താ​യി ക​ല​ക്ട​ർ സം​സ്ഥാ​ന മ​നു​ഷ്യാ​വ​കാ​ശ ക​മീ​ഷ​നെ അ​റി​യി​ച്ചു. പ​ഞ്ചാ​യ​ത്തി​ൽ നി​ല​വി​ൽ പൊ​തു​ശ്മ​ശാ​ന​മി​ല്ലെ​ന്നും അ​ത് നി​ർ​മി​ക്കു​ന്ന​തി​നാ​യി പേ​രാ​വൂ​ർ ബ്ലോ​ക്ക് പ​ഞ്ചാ​യ​ത്ത് ഉ​ട​മ​സ്ഥ​ത​യി​ലു​ള്ള കേ​ള​കം പ​ഞ്ചാ​യ​ത്തി​ലെത​ന്നെ ര​ണ്ടാം വാ​ർ​ഡി​ൽ സ്ഥി​തി​ചെ​യ്യു​ന്ന സ്ഥ​ലം ശ്മ​ശാ​ന നി​ർ​മാ​ണ​ത്തി​ന് അ​നു​യോ​ജ്യ​മാ​ണെ​ന്ന് ക​ണ്ടെ​ത്തി​യി​ട്ടു​ണ്ട​ന്നും പ്ര​സ്തു​ത സ്ഥ​ലം പ​ഞ്ചാ​യ​ത്തി​ന് വി​ട്ടു​കി​ട്ടു​ന്ന മു​റ​ക്ക് പൊ​തു​ശ്മ​ശാ​നം നി​ർ​മി​ക്കു​ന്ന​തി​ന് ന​ട​പ​ടി​ക​ൾ സ്വീ​ക​രി​ക്കു​ന്ന​താ​ണെ​ന്നും പ​ഞ്ചാ​യ​ത്ത് ഭ​ര​ണ​സ​മി​തി തീ​രു​മാ​ന​മെ​ടു​ത്തി​ട്ടു​ണ്ടെ​ന്നും ക​ല​ക്ട​ർ​ക്ക് വേ​ണ്ടി ഡെ​പ്യൂ​ട്ടി ക​ല​ക്ട​ർ കെ.​കെ. ദി​വാ​ക​ര​ൻ മ​നു​ഷ്യാ​വ​കാ​ശ ക​മീ​ഷ​ൻ ര​ജി​സ്ട്രാ​ർ​ക്ക് രേ​ഖാ​മൂ​ലം മ​റു​പ​ടി ന​ൽ​കി.

ക​ഴി​ഞ്ഞ സെ​പ്റ്റം​ബ​ർ 14ന് ​മ​രി​ച്ച കേ​ള​കം പ​ഞ്ചാ​യ​ത്ത് അ​ട​ക്കാ​ത്തോ​ടി​ലെ വാ​ളു​മു​ക്ക് കോ​ള​നി​യി​ലെ കോ​ട​ങ്ങാ​ട് രാ​ജു​വി​ന്റെ മൃ​ത​ദേ​ഹം വീ​ട്ടു​മു​റ്റ​ത്ത് സം​സ്ക​രി​ച്ച​ത് ‘മാ​ധ്യ​മം’ റി​പ്പോ​ർ​ട്ട് ചെ​യ്തി​രു​ന്നു. വാ​ർ​ത്ത​യെത്തുട​ർ​ന്ന് കേ​സെ​ടു​ത്ത മ​നു​ഷ്യാ​വ​കാ​ശ ക​മീ​ഷ​ൻ ഒ​ക്ടോ​ബ​ർ ഏ​ഴി​ന് ക​ല​ക്ട​ർ​ക്ക് ക​ത്ത് ന​ൽ​കു​ക​യും തു​ട​ർ ന​ട​പ​ടി​ക​ളു​ടെ റി​പ്പോ​ർ​ട്ട് ആ​വ​ശ്യ​പ്പെ​ടു​ക​യും ചെ​യ്തി​രു​ന്നു. മ​നു​ഷ്യാ​വ​കാ​ശ ക​മീ​ഷ​ന്റെ ക​ത്തി​നു​ള്ള മ​റു​പ​ടി​യാ​യാ​ണ് ക​ല​ക്ട​ർ ഇ​പ്പോ​ൾ മ​റു​പ​ടി റി​പ്പോ​ർ​ട്ട് സ​മ​ർ​പ്പി​ച്ച​ത്.

‘പൊ​തു​ശ്മ​ശാ​ന​മി​ല്ല: വീ​ടി​ന് ചു​റ്റും കു​ഴി​മാ​ട​മൊ​രു​ക്കേ​ണ്ട ഗ​തി​കേ​ടി​ൽ ആ​ദി​വാ​സി​ക​ൾ’ എ​ന്ന ത​ല​ക്കെ​ട്ടി​ലാ​ണ് ‘മാ​ധ്യ​മം’ വാ​ർ​ത്ത പ്ര​സി​ദ്ധീ​ക​രി​ച്ച​ത്.

അ​ന്ത്യ​നി​ദ്ര​ക്കാ​യി ആ​റ​ടി​മ​ണ്ണി​നും ഗ​തി​യി​ല്ലാ​ത്ത നൂ​റു​ക​ണ​ക്കി​ന് ആ​ദി​വാ​സി​ക​ൾ ഉ​ൾ​പ്പെ​ടെ​യു​ള്ള​വ​രു​ടെ ദൈ​ന്യ​ത വി​വ​രി​ക്കു​ന്ന​താ​യി​രു​ന്നു വാ​ർ​ത്ത. അ​ട​ക്കാ​ത്തോ​ട് വാ​ളു​മു​ക്ക് കോ​ള​നി​യി​ൽ മ​ര​ണ​മ​ട​ഞ്ഞ കോ​ട​ങ്ങാ​ട് രാ​ജു​വി​ന്റെ മൃ​ത​ദേ​ഹം വീ​ട്ടു​മു​റ്റ​ത്ത് സം​സ്ക​രി​ച്ച​തി​നൊ​പ്പം കോ​ളി​നി​യി​ലെ 60 സെ​ന്റ് ഭൂ​മി​യി​ലു​ള്ള ഇ​രു​പ​ത്ത​ഞ്ചോ​ളം വീ​ടി​നു ചു​റ്റും നൂ​റി​ലേ​റെ കു​ഴി​മാ​ട​ങ്ങ​ളു​ണ്ടെ​ന്ന വാ​സ്ത​വം കോ​ള​നി​വാ​സി​ക​ൾ വി​വ​രി​ച്ച​തും അ​ന്ന് മാ​ധ്യ​മം വാ​ർ​ത്ത​യി​ൽ വി​വ​രി​ച്ചു. ഇ​വ​ക്കി​ട​യി​ൽ ഞെ​രു​ങ്ങി അം​ഗ​ൻ​വാ​ടി കെ​ട്ടി​ട​വും കി​ണ​റു​ക​ളും വേ​റേ. ഒ​രു വീ​ടി​നു ചു​റ്റും അ​ഞ്ച് കു​ഴി​മാ​ട​ങ്ങ​ൾ വ​രെ​യു​ണ്ട്. ഇ​തു​കാ​ര​ണം വീ​ടൊ​ഴി​ഞ്ഞ കോ​ള​നി​വാ​സി​ക​ളു​മു​ണ്ട്.

മ​ല​യോ​ര​ത്തെ കോ​ള​നി​ക​ളി​ൽ ആ​രെ​ങ്കി​ലും മ​രി​ച്ചാ​ൽ വീ​ട്ടു​മു​റ്റ​ങ്ങ​ളി​ലാ​ണ് പ​ല​രും അ​ട​ക്കം ചെ​യ്യു​ന്ന​ത്. ക​ണി​ച്ചാ​ർ പ​ഞ്ചാ​യ​ത്തി​ലെ ആ​റ്റാം​ചേ​രി, അ​ണു​ങ്ങോ​ട്, കേ​ള​കം പ​ഞ്ചാ​യ​ത്തി​ലെ അ​ട​ക്കാ​ത്തോ​ട് വാ​ളു​മു​ക്ക് കോ​ള​നി​ക​ളി​ൽ വീ​ടു​ക​ൾ​ക്കു ചു​റ്റും കു​ഴി​മാ​ട​ങ്ങ​ളാ​ണ്. അ​ടു​ക്ക​ള പൊ​ളി​ച്ചു​മാ​റ്റി​യി​ട്ടു​പോ​ലും മൃ​ത​ദേ​ഹ​ങ്ങ​ൾ മ​റ​വു​ചെ​യ്ത സം​ഭ​വ​ങ്ങ​ളു​ണ്ടാ​യി​ട്ടു​ണ്ടെ​ന്ന് കോ​ള​നി​വാ​സി​ക​ൾ പ​റ​ഞ്ഞു. പ​ഞ്ചാ​യ​ത്തു​ക​ളി​ൽ പൊ​തു​ശ്മ​ശാ​ന​ത്തി​ന് ഫ​ണ്ട് നീ​ക്കി​വെ​ച്ചി​ട്ടു​ണ്ടെ​ങ്കി​ലും പ​ദ്ധ​തി യാ​ഥാ​ർ​ഥ്യ​മാ​യി​ല്ല. നി​ല​വി​ൽ വീ​ട്ടു​മു​റ്റ​ത്തും മ​റ്റും മൃ​ത​ദേ​ഹ​ങ്ങ​ൾ സം​സ്‌​ക​രി​ക്കു​ന്ന​ത് കു​ടി​വെ​ള്ള സ്രോ​ത​സ്സു​ക​ൾ മ​ലി​ന​മാ​കാ​നും രോ​ഗ​ങ്ങ​ൾ പ​ട​രാ​നും കാ​ര​ണ​മാ​കു​മെ​ന്ന അ​വ​സ്ഥ​യും ഉ​ണ്ട്. വാ​ളു​മു​ക്ക് കോ​ള​നി​യി​ൽ മു​മ്പ് അ​ടു​ക്ക​ള പൊ​ളി​ച്ചു​പോ​ലും മൃ​ത​ദേ​ഹം മ​റ​വു​ചെ​യ്യേ​ണ്ട ഗ​തി​കേ​ട് വ​ന്നി​രു​ന്നു.

അ​ത്യ​ന്തം ഗൗ​ര​വ​ത​ര​മാ​യ വി​ഷ​യ​ത്തി​നാ​ണ് ഇ​​പ്പോ​ൾ പ​രി​ഹാ​ര​മാ​വു​ന്ന​ത്. ഈ ​മാ​സം 25ന് ​ക​ണ്ണൂ​ർ ഗെസ്റ്റ് ഹൗ​സി​ൽ ന​ട​ക്കു​ന്ന മ​നു​ഷ്യാ​വ​കാ​ശ ക​മീ​ഷ​ൻ ക്യാ​മ്പ് സി​റ്റി​ങ്ങി​ൽ പ​രി​ഹാ​ര​മു​ണ്ടാ​വും. പ്ര​ശ്ന​ത്തി​ൽ ക​ല​ക്ട​റു​ടെ മ​റു​പ​ടി​യി​ൽ ആ​ക്ഷേ​പ​മു​ണ്ടെ​ങ്കി​ൽ രേ​ഖാ​മൂ​ലം സ​മ​ർ​പ്പി​ക്കാ​ൻ മ​നു​ഷ്യാ​വ​കാ​ശ ക​മീ​ഷ​ൻ ര​ജി​സ്ട്രാ​ർ ബ​ന്ധ​പ്പെ​ട്ട വാ​ർ​ത്ത ന​ൽ​കി​യ ‘മാ​ധ്യ​മം’ റി​പ്പോ​ർ​ട്ട​ർ കെ.​എം. അ​ബ്ദു​ൽ അ​സീ​സി​നും നോ​ട്ടീ​സ് ന​ൽ​കി​യി​ട്ടു​ണ്ട്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kelakampublic crematorium
News Summary - Land for public crematorium in Kelakam
Next Story