പെ​ൺ​സു​ഹൃ​ത്തിനെ തേടി കൂത്തുപറമ്പിലെത്തിയ 68കാ​ര​ന്​ പൊലീസ്​ തുണയായി

കൂ​ത്തു​പ​റ​മ്പ്: എ​റ​ണാ​കു​ള​ത്തു​നി​ന്ന്​ വ​നി​താ സു​ഹൃ​ത്തി​നെ​ത്തേ​ടി കൂ​ത്തു​പ​റ​മ്പി​ലെ​ത്തി​യ വ​യോ​ധി​ക​ന് സ​ു​ഹൃ​ത്ത്​ മൊ​ബൈ​ൽ ഫോ​ൺ സ്വി​ച്ച് ഓ​ഫാ​ക്കി​യ​തോ​ടെ പൊ​ലീ​സി​നെ സ​മീ​പി​ക്കേ​ണ്ടി​വ​ന്നു. എ​റ​ണാ​കു​ളം ഞാ​റ​ക്ക​ൽ സ്വ​ദേ​ശി​യാ​യ 68കാ​ര​നാ​ണ് പെ​ൺ​സു​ഹൃ​ത്ത്​ ആ​വ​ശ്യ​പ്പെ​ട്ട പ്ര​കാ​രം കൂ​ത്തു​പ​റ​മ്പി​ലെ​ത്തി കു​ടു​ങ്ങി​യ​ത്.

മൊ​ബൈ​ൽ ഫോ​ണി​ലൂ​ടെ പ​രി​ച​യ​പ്പെ​ട്ട യു​വ​തി ആ​വ​ശ്യ​പ്പെ​ട്ട പ്ര​കാ​രം ഇ​യാ​ൾ ക​ഴി​ഞ്ഞ ദി​വ​സം രാ​ത്രി കൂ​ത്തു​പ​റ​മ്പി​ൽ എ​ത്തു​ക​യാ​യി​രു​ന്നു. കാ​മു​കി പ​റ​ഞ്ഞ സ്ഥ​ല​ങ്ങ​ൾ അ​ന്വേ​ഷി​ച്ച് ഓ​ട്ടോ​റി​ക്ഷ​യി​ൽ ക​റ​ങ്ങി​യെ​ങ്കി​ലും നി​രാ​ശ​യാ​യി​രു​ന്നു ഫ​ലം.ഒ​ടു​വി​ൽ ഓ​ട്ടോ​ക്കൂ​ലി കൊ​ടു​ക്കാ​ൻ​പോ​ലും ഇ​യാ​ളു​ടെ കൈ​യി​ൽ പ​ണ​മു​ണ്ടാ​യി​രു​ന്നി​ല്ല. തു​ട​ർ​ന്ന്​ ഡ്രൈ​വ​ർ ഇ​യാ​ളെ കൂ​ത്തു​പ​റ​മ്പ് പൊ​ലീ​സ് സ്​​റ്റേ​ഷ​നി​ൽ എ​ത്തി​ക്കു​ക​യാ​യി​രു​ന്നു. വീ​ട്ടി​ലെ​ത്താ​നു​ള്ള വ​ണ്ടി​ക്കൂ​ലി ന​ൽ​കി​യാ​ണ് പൊ​ലീ​സ് വ​യോ​ധി​ക​നെ പ​റ​ഞ്ഞു​വി​ട്ട​ത്.