ക്വാറൻറീനിൽനിന്ന്​ രക്ഷപ്പെടാൻ ആത്മഹത്യാ ഭീഷണി

കൂ​ത്തു​പ​റ​മ്പ്: ക്വാ​റ​ൻ​റീ​നി​ൽ​നി​ന്ന്​ ഒ​ഴി​വാ​ക്കാ​ൻ ആ​ത്മ​ഹ​ത്യാ ഭീ​ഷ​ണി മു​ഴ​ക്കി​യ യു​വാ​വി​നെ പ​ഞ്ചാ​യ​ത്ത് അ​ധി​കൃ​ത​രും പൊ​ലീ​സും അ​നു​ന​യ​ത്തി​ലൂ​ടെ പി​ന്തി​രി​പ്പി​ച്ചു. മാ​ങ്ങാ​ട്ടി​ടം വ​ട്ടി​പ്രം സ്വ​ദേ​ശി​യാ​ണ്​ അ​ധി​കൃ​ത​രെ മ​ണി​ക്കൂ​റു​ക​ളോ​ളം മു​ൾ​മു​ന​യി​ൽ നി​ർ​ത്തി​യ​ത്. നി​ർ​മ​ല​ഗി​രി കോ​ള​ജി​ലെ ക്വാ​റ​ൻ​റീ​ൻ കേ​ന്ദ്ര​ത്തി​ൽ​നി​ന്ന്​ ര​ക്ഷ​പ്പെ​ട്ട യു​വാ​വ്​ വീ​ട്ടി​ൽ ഒ​ളി​വി​ൽ ക​ഴി​യു​ക​യാ​യി​രു​ന്നു. നാ​ട​കീ​യ രം​ഗ​ങ്ങ​ൾ​ക്കാ​ണ് ക​ഴി​ഞ്ഞ​ദി​വ​സം രാ​വി​ലെ വ​ട്ടി​പ്രം 117 സാ​ക്ഷ്യം വ​ഹി​ച്ച​ത്.

യു​വാ​വി​നെ പി​ടി​കൂ​ടാ​നു​ള്ള ശ്ര​മം ആ​ശ​ങ്ക​യോ​ടൊ​പ്പം ആ​ളു​ക​ളി​ൽ ഭ​യ​പ്പാ​ടും ഉ​ള​വാ​ക്കു​ന്ന​താ​യി മാ​റി. കു​ട​കി​ൽ ജോ​ലി ചെ​യ്യു​ക​യാ​യി​രു​ന്ന യു​വാ​വ്​ ഞാ​യ​റാ​ഴ്ച​യാ​ണ് നാ​ട്ടി​ലെ​ത്തി​യ​ത്. കോ​വി​ഡ് ബാ​ധി​ത മേ​ഖ​ല​യി​ൽ​നി​ന്ന്​ എ​ത്തി​യ​തി​നാ​ൽ, മാ​ങ്ങാ​ട്ടി​ടം പ​ഞ്ചാ​യ​ത്തി​​നു​കീ​ഴി​ൽ നി​ർ​മ​ല​ഗി​രി​യി​ൽ പ്ര​വ​ർ​ത്തി​ക്കു​ന്ന ക്വാ​റ​ൻ​റീ​ൻ കേ​ന്ദ്ര​ത്തി​ലേ​ക്ക് മാ​റ്റു​ക​യാ​യി​രു​ന്നു. എ​ന്നാ​ൽ, ഇ​വി​ടെ​യെ​ത്തി മ​ണി​ക്കൂ​റു​ക​ൾ​ക്ക​കം അ​ധി​കൃ​ത​രു​ടെ ക​ണ്ണു​വെ​ട്ടി​ച്ച് ര​ക്ഷ​പ്പെ​ട്ടു.

പൊ​ലീ​സും നാ​ട്ടു​കാ​രും ന​ട​ത്തി​യ അ​ന്വേ​ഷ​ണ​ത്തി​ൽ വ​ട്ടി​പ്ര​ത്തെ വീ​ട്ടി​ലു​ണ്ടെ​ന്ന് ക​ണ്ടെ​ത്തി. ആ​രോ​ഗ്യ വ​കു​പ്പ് ജീ​വ​ന​ക്കാ​രും പൊ​ലീ​സും രാ​വി​ലെ വീ​ട്ടി​ലെ​ത്തി​യ​തോ​ടെ ആ​ത്മ​ഹ​ത്യാ ഭീ​ഷ​ണി മു​ഴ​ക്കി​യ യു​വാ​വ്​ ഇ​രു​നി​ല വീ​ടി​െൻറ ഓ​ടി​ന് മു​ക​ളി​ൽ ക​യ​റി ഇ​രി​പ്പു​റ​പ്പി​ക്കു​ക​യാ​യി​രു​ന്നു. ക്വാ​റ​ൻ​റീ​ൻ കേ​ന്ദ്ര​ത്തി​ലേ​ക്ക്​ കൊ​ണ്ടു​പോ​വു​ക​യാ​ണെ​ങ്കി​ൽ താ​ഴേ​ക്കു​ചാ​ടി മ​രി​ക്കു​മെ​ന്ന്​ ഭീ​ഷ​ണി​പ്പെ​ടു​ത്തി.ഒ​ടു​വി​ൽ പ​ഞ്ചാ​യ​ത്ത് പ്ര​സി​ഡ​ൻ​റ്​ ഉ​ൾ​പ്പെ​ടെ​യു​ള്ള​വ​ർ അ​നു​ന​യി​പ്പി​ച്ച് വീ​ടി​ന് മു​ക​ളി​ൽ​നി​ന്ന്​ താ​ഴെ​യി​റ​ക്കു​ക​യാ​യി​രു​ന്നു.