കാണാതായ വ്യാപാരി തൂങ്ങിമരിച്ച നിലയിൽ

കൂത്തുപറമ്പ്: കാണാതായ വ്യാപാരിയെ തൂങ്ങിമരിച്ച നിലയിൽ കണ്ടെത്തി. മൂര്യാട് കൊളത്തുപറമ്പ് കിഴക്കെ ഹൗസിൽ പി. വിജയനെയാണ്​ (61) വലിയ വെളിച്ചം അത്തിമലയിലെ കാട്ടിൽ തൂങ്ങിമരിച്ച നിലയിൽ കണ്ടെത്തിയത്. ഇന്നലെ 11 മണിയോടെയാണ് ഇദ്ദേഹത്തെ കാണാതായത്. തിരിച്ചെത്താത്തതിനെ തുടർന്ന് കൂത്തുപറമ്പ് പൊലീസിൽ പരാതി നൽകിയിരുന്നു. അന്വേഷണം പുരോഗമിക്കുന്നതിനിടെയാണ് നാട്ടുകാർ നടത്തിയ തിരച്ചിലിൽ മരിച്ച നിലയിൽ കണ്ടെത്തിയത്. നരവൂർ തെക്കയിൽ മുക്കിലാണ് കച്ചവടം. ഭാര്യ: രാഗിണി. മകൾ: വിനിഷ.