കളറാക്കി കണ്ണൂർ

ക​ണ്ണൂ​ർ: 23 വ​ർ​ഷ​ത്തി​നുശേ​ഷം സ്വ​ർ​ണ​ക​പ്പ് ക​ണ്ണൂ​രി​ലേ​ക്ക് എ​ത്തി​ച്ച കൗ​മാ​ര ക​ലാ​പ്ര​തി​ഭ​ക​ളെ സ്വീ​ക​രി​ക്കാ​നൊ​രു​ങ്ങി ജി​ല്ല. 20 വ​ർ​ഷ​മാ​യി കോ​ഴി​ക്കോ​ടും പാ​ല​ക്കാ​ടും പ​ര​സ്പ​രം കൊ​ണ്ടും​കൊ​ടു​ത്തും കു​ത്ത​ക​യാ​ക്കി​വെ​ച്ച സം​സ്ഥാ​ന സ്കൂ​ൾ ക​ലോ​ത്സ​വ കി​രീ​ടം ഫോ​ട്ടോ​ഫി​നി​ഷി​ലാ​ണ് ഇ​ത്ത​വ​ണ ക​ണ്ണൂ​ർ സ്വ​ന്ത​മാ​ക്കി​യ​ത്.

കൊ​ല്ല​ത്തു​നി​ന്ന് നാ​ട്ടി​ലേ​ക്ക് വ​രു​ന്ന ക​ലാ​പ്ര​തി​ഭ​ക​ൾ​ക്കും അ​ധ്യാ​പ​ക​ർ​ക്കും വ​ൻ​സ്വീ​ക​ര​ണ​മൊ​രു​ക്കാ​നു​ള്ള ത​യാ​റെ​ടു​പ്പി​ലാ​ണ് ജി​ല്ല പ​ഞ്ചാ​യ​ത്തും വി​ദ്യാ​ഭ്യാ​സ വ​കു​പ്പും.

2017ൽ ​ആ​ധി​ധേ​യ​ത്വം വ​ഹി​ച്ച ക​ണ്ണൂ​രി​ൽ വീ​റും വാ​ശി​ക്കു​മൊ​ടു​വി​ൽ ക​പ്പി​നും ചു​ണ്ടി​നു​മി​ട​യി​ലാ​യി​രു​ന്നു ക​ണ്ണൂ​രി​ന് ക​ലാ​കി​രീ​ടം ന​ഷ്ട​മാ​യ​ത്. അ​ന്നു മൂ​ന്നാം​സ്ഥാ​ന​മാ​യി​രു​ന്നു ക​ണ്ണൂ​ർ നേ​ടി​യ​ത്. ക​ല​ക​ളു​ടെ പാ​ര​മ്പ​ര്യം തു​ളു​മ്പു​ന്ന ക​ണ്ണൂ​രി​ന്റെ 23 വ​ർ​ഷ​ത്തെ കാ​ത്തി​രി​പ്പി​നാ​ണ് കൊ​ല്ല​ത്ത് സു​വ​ർ​ണ​വി​രാ​മ​മി​ട്ട​ത്. ക​ലോ​ത്സ​വം ആ​രം​ഭി​ച്ച​തു​മു​ത​ൽ മു​ന്നേ​റ്റം കു​റി​ച്ച ക​ണ്ണൂ​ർ ഞാ​യ​റാ​ഴ്ച രാ​ത്രി​വ​രെ ഒ​ന്നാം​സ്ഥാ​ന​ത്ത് ത​ന്നെ​യാ​യി​രു​ന്നു. തു​ട​ർ​ന്ന് തി​ങ്ക​ളാ​ഴ്ച ഫോ​ട്ടോ​ഫി​നി​ഷി​ലാ​ണ് കി​രീ​ടം തി​രി​ച്ചു​പി​ടി​ച്ച​ത്.2000ൽ ​പാ​ല​ക്കാ​ട് ന​ട​ന്ന ക​ലോ​ത്സ​വ​ത്തി​ലാ​ണ് ക​ണ്ണൂ​ർ ജി​ല്ല അ​വ​സാ​ന​മാ​യി ക​പ്പു​യ​ർ​ത്തി​യ​ത്.

അ​ന്ന് എ​റ​ണാ​കു​ള​ത്തോ​ടൊ​പ്പം സം​യു​ക്ത ചാ​മ്പ്യ​ന്മാ​രാ​യി​രു​ന്നു ക​ണ്ണൂ​ർ. അ​തി​നു ശേ​ഷം നി​ര​വ​ധി ത​വ​ണ ര​ണ്ടും മൂ​ന്നും സ്ഥാ​ന​ത്തെ​ത്തി​യെ​ങ്കി​ലും ജേ​താ​ക്ക​ളാ​വു​ക​യെ​ന്ന സ്വ​പ്നം യാ​ഥാ​ർ​ഥ്യ​മാ​യി​ല്ല. ക​ണ്ണൂ​ർ അ​വ​സാ​ന​മാ​യി ക​പ്പു​യ​ർ​ത്തി​യ​തി​ന് പി​ന്നാ​ലെ ന​ട​ന്ന, ഒ​ന്നൊ​ഴി​കെ എ​ല്ലാ ക​ലോ​ത്സ​വ​ത്തി​ലും ചാ​മ്പ്യ​ന്മാ​രാ​യ​ത് കോ​ഴി​ക്കോ​ടോ പാ​ല​ക്കാ​ടോ ആ​ണ്. 2003ൽ ​എ​റ​ണാ​കു​ളം ചാ​മ്പ്യ​ന്മാ​രാ​യ​ത് മാ​ത്ര​മാ​ണ് ഇ​തി​നൊ​ര​പ​വാ​ദം. നീ​ണ്ട കാ​ത്തി​രി​പ്പി​നൊ​ട​ുവി​ൽ ല​ഭി​ച്ച സ്വ​ർ​ണ​ക​പ്പ് ഇ​നി ക​ണ്ണൂ​രി​ലെ ലോ​ക്ക​റി​ൽ ഭ​ദ്രം.

ക​ണ്ണൂ​ർ സ്ക്വാ​ഡ് ഇ​ന്ന് നാ​ട്ടി​ൽ

ക​ണ്ണൂ​ർ: സം​സ്ഥാ​ന സ്‌​കൂ​ള്‍ ക​ലോ​ത്സ​വ​ത്തി​ല്‍ കി​രീ​ടം നേ​ടി​യ ക​ണ്ണൂ​ർ ടീ​മി​ന് ജി​ല്ല പ​ഞ്ചാ​യ​ത്തി​ന്റെ നേ​തൃ​ത്വ​ത്തി​ല്‍ ചൊ​വ്വാ​ഴ്ച സ്വീ​ക​ര​ണം ന​ല്‍കും. ഉ​ച്ച​ക്ക് ശേ​ഷം ജി​ല്ല അ​തി​ര്‍ത്തി​യി​ല്‍ നി​ന്ന് സ്വ​ര്‍ണ​ക്ക​പ്പു​മാ​യി വ​രു​ന്ന സം​ഘ​ത്തെ ജി​ല്ല പ​ഞ്ചാ​യ​ത്തി​ന്റെ​യും വി​ദ്യാ​ഭ്യാ​സ വ​കു​പ്പി​ന്റെ​യും നേ​തൃ​ത്വ​ത്തി​ൽ സ്വ​ക​രി​ക്കും. തു​റ​ന്ന വാ​ഹ​ന​ത്തി​ല്‍ വി​വി​ധ കേ​ന്ദ്ര​ങ്ങ​ളി​ല്‍ സ്വീ​ക​ര​ണം ന​ല്‍കി​യ ശേ​ഷം വൈ​കീ​ട്ട് അ​ഞ്ചോ​ടെ ക​ണ്ണൂ​ര്‍ ന​ഗ​ര​ത്തി​ല്‍ ആ​ഹ്ലാ​ദ പ്ര​ക​ട​ന​ത്തോ​ടെ സ​മാ​പി​ക്കും.

നാ​ട​കീ​യം... ഫോ​ട്ടോ​ഫി​നി​ഷ്

ക​ണ്ണൂ​ർ: സ്വ​ർ​ണ​ക​പ്പി​ൽ മു​ത്ത​മി​ട്ട ക​ണ്ണൂ​രി​നെ വി​ജ​യത്തി​ലേ​ക്ക് ന​യി​ച്ച​തി​നു പി​ന്നി​ലും നാ​ട​കീ​യത. ക​ട​മ്പൂ​ർ ഹ​യ​ർ സെ​ക്ക​ൻ​ഡ​റി സ്കൂ​ളി​ന്റെ അ​വ​സാ​ന സ​മ​യ​ത്തെ അ​പ്പീ​ലി​ൽ ല​ഭി​ച്ച അ​ഞ്ച് പോ​യ​ന്റാ​ണ് ഫോ​ട്ടോ ഫി​നി​ഷി​ൽ ക​ണ്ണൂ​രി​നെ വി​ജ​യ​തീ​ര​ത്ത് എ​ത്തി​ച്ച​ത്. ഞാ​യ​റാ​ഴ്ച രാ​ത്രി​യോ​ടെയായി​രു​ന്നു ഹൈ​സ്കൂ​ൾ വി​ഭാ​ഗം നാ​ട​കം മ​ത്സ​രം അ​വ​സാ​നി​ച്ച​ത്. 20 നാ​ട​ക​ങ്ങ​ളാ​യി​രു​ന്നു അ​ര​ങ്ങി​ലെ​ത്തി​യ​ത്. ഇ​തി​ൽ മി​ക​ച്ച മൂ​ന്നു നാ​ട​ക​ങ്ങ​ളി​ലൊ​ന്നാ​യി ഇ​ടം​പി​ടി​ക്കു​ന്ന പ്ര​ക​ട​നം കാ​ഴ്ച​വെ​ച്ചി​ട്ടും വി​ധി വ​ന്ന​പ്പോ​ൾ ക​ട​മ്പൂ​രി​ന് നോ ​ഗ്രേ​ഡ്. ഇ​തോ​ടെ വി​ദ്യാ​ർ​ഥി​ക​ളും അ​ധ്യാ​പ​ക​രും നി​രാ​ശ​യി​ലാ​യി. ഗ്രേ​ഡ് ല​ഭി​ക്കാ​ത്ത നി​രാ​ശ​യി​ൽ നാ​ട്ടി​ലേ​ക്ക് തി​രി​ക്കാ​നി​രു​ന്ന വി​ദ്യാ​ർ​ഥി​ക​ളോ​ട് സ്കൂ​ളി​ൽനി​ന്നു​ള്ള സ​മ്മ​ർ​ദ​ത്തോ​ടെ​യാ​ണ് തി​ങ്ക​ളാ​ഴ്ച രാ​വി​ലെ നോ ​ഗ്രേ​ഡി​നെ​തി​രെ അ​പ്പീ​ൽ ന​ൽ​കു​ന്ന​ത്. സ്കൂ​ൾ ക​ലോ​ത്സ​വം ആ​രം​ഭി​ച്ച് മൂ​ന്നുദി​നം മു​ന്നി​ട്ടുനി​ന്ന ക​ണ്ണൂ​ർ തി​ങ്ക​ളാ​ഴ്ച ര​ണ്ടു പോ​യ​ന്റു​ക​ൾ​ക്ക് പി​റ​കി​ലാ​യി​രു​ന്നു. കോ​ഴി​ക്കോ​ട് ജി​ല്ല വീ​ണ്ടും സ്വ​ർ​ണ​ക്ക​പ്പി​ന്റെ തേ​രി​ലേ​റു​മെ​ന്ന് തോ​ന്നി​ക്കു​ന്നി​ട​ത്തുനി​ന്നാ​ണ് അ​വ​സാ​ന ലാ​പ്പി​ൽ അ​പ്പീ​ലി​ൽ ക​ട​മ്പൂ​ർ സ്കൂ​ളി​ന് അ​ഞ്ച് പോ​യ​ന്റ് ല​ഭി​ക്കു​ന്ന​ത്. ഇ​തോ​ടെ കോ​ഴി​ക്കോ​ടി​നെ മൂ​ന്നു പോ​യ​ന്റി​ന് മ​റി​ക​ട​ന്ന് ക​ണ്ണൂ​ർ വി​ജ​യ​വ​ഴി​യി​ൽ തി​രി​ച്ചെ​ത്തി. ക​ട​മ്പൂ​ർ സ്കൂ​ളി​ലെ എം.​സി. ശ്രീ​വി​ന്യ​യും സം​ഘ​വും അ​വ​ത​രി​പ്പി​ച്ച നാ​ട​കം മ​ത​രാ​ഷ്ട്ര​മാ​ക്കു​ന്ന​തി​നെ​തി​രെ​യു​ള്ള ഓ​ർ​മ​പ്പെ​ടു​ത്ത​ൽ​കൂ​ടി​യാ​യി​രു​ന്നു.

കരുത്തേകി രാജീവ് ഗാന്ധി മെമ്മോറിയൽ എച്ച്.എസ്.എസ്

പാ​നൂ​ർ: ക​ണ്ണൂ​രി​ന്റെ വി​ജ​യ​ക്കു​തി​പ്പി​ന് ക​രു​ത്തേ​കി രാ​ജീ​വ് ഗാ​ന്ധി മെ​മ്മോ​റി​യ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ.ഹൈ​സ്കൂ​ൾ, ഹ​യ​ർ​സെ​ക്ക​ൻ​ഡ​റി വി​ഭാ​ഗ​ങ്ങ​ളി​ൽ ഏ​റ്റ​വും കൂ​ടു​ത​ൽ പോ​യ​ന്റ് നേ​ടി ജി​ല്ല​യി​ലെ മി​ക​ച്ച വി​ദ്യാ​ല​യ​മാ​യി രാ​ജീ​വ് ഗാ​ന്ധി മെ​മ്മോ​റി​യ​ൽ ഹ​യ​ർ സെ​ക്ക​ൻ​ഡ​റി സ്കൂ​ൾ മാ​റി. എ​ച്ച്.​എ​സ്.​എ​സ് വി​ഭാ​ഗ​ത്തി​ൽ 12 ഇന​ങ്ങ​ളി​ൽ 46 കു​ട്ടി​ക​ളും ഹൈ​സ്കൂ​ൾ വി​ഭാ​ഗ​ത്തി​ൽ ഒ​മ്പ​ത് ഇ​ന​ങ്ങ​ളി​ൽ 57 കു​ട്ടി​ക​ളു​മാ​ണ് മ​ത്സ​ര​രം​ഗ​ത്ത് മാ​റ്റു​ര​ച്ച​ത്.

ഹൈ​സ്കൂ​ൾ വി​ഭാ​ഗ​ത്തി​ൽ വ​ട്ട​പ്പാ​ട്ട്, ദ​ഫ് മു​ട്ട്, ച​വി​ട്ടു​നാ​ട​കം, അ​റ​ബിക് സം​ഘ​ഗാ​നം, ഉ​ർ​ദു സം​ഘ​ഗാ​നം, തി​രു​വാ​തി​ര, ഉ​പ​ന്യാ​സം മ​ല​യാ​ളം, ഓ​ട്ട​ൻ തു​ള്ള​ൽ എ​ന്നീ ഇ​ന​ങ്ങ​ളും ഹ​യ​ർ​സെ​ക്ക​ൻ​ഡ​റി വി​ഭാ​ഗ​ത്തി​ൽ വ​ട്ട​പ്പാ​ട്ട്, വ​ഞ്ചി​പ്പാ​ട്ട്, പ​രി​ച​മു​ട്ട്, ച​വി​ട്ടു​നാ​ട​കം, സം​സ്കൃ​തം പ​ദ്യം, അ​ക്ഷ​ര ശ്ലോ​കം, മോ​ണോ ആ​ക്ട്, ട്രി​പ്പി​ൾ ജാ​സ്, ഉ​റു​ദു ക​വി​താ​ര​ച​ന, അ​റ​ബി​ക് ഉ​പ​ന്യാ​സം, സം​സ്കൃ​തം ക​ഥാ​ര​ച​ന, സം​സ്കൃ​തം പ​ദ്യം ചൊ​ല്ല​ൽ, മി​മി​ക്രി എ​ന്നീ ഇ​ന​ങ്ങ​ളു​മാ​ണ് മ​ത്സ​രി​ച്ച​ത്.

കണ്ണൂർ ​പ്രൗഡ്’ ​ഗവ​ർ​ണ​റെ ട്രോ​ളി സോ​ഷ്യ​ൽ​മീ​ഡി​യ

ക​ണ്ണൂ​ർ: സ്കൂ​ൾ ക​ലോ​ത്സ​വ​ത്തി​ലെ കൗ​മാ​ര​പ്ര​തി​ഭ​ക​ളു​ടെ ച​രി​ത്ര​നേ​ട്ട​ത്തി​ൽ ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നെ ട്രോ​ളി​യും വി​മ​ർ​ശി​ച്ചും സോ​ഷ്യ​ൽ​മീ​ഡി​യ. ഗ​വ​ർ​ണ​ർ അ​ടു​ത്തി​ടെ ന​ട​ത്തി​യ 'ബ്ല​ഡി ക​ണ്ണൂ​ർ' പ​രാ​മ​ർ​ശ​ത്തെ​യാ​ണ് ക​ണ​ക്ക​റ്റ് പ​രി​ഹ​സി​ച്ച​ത്. ഗ​വ​ർ​ണ​റു​ടെ പ്ര​സം​ഗ ശൈ​ലി​യും വാ​ക്കു​ക​ളും എ​ല്ലാം ട്രോ​ളാ​യി.

കലോത്സവ വേദിയിൽ തിളങ്ങി കസിൻസ്

പെ​രി​ങ്ങ​ത്തൂ​ർ: സം​സ്ഥാ​ന സ്കൂ​ൾ ക​ലോ​ത്സ​വ​ത്തി​ൽ പ​ങ്കെ​ടു​ത്ത മ​ത്സ​ര​ങ്ങ​ളി​ൽ എ ​ഗ്രേ​ഡ് നേ​ടി തി​ള​ങ്ങി ചൊ​ക്ലി ക​വി​യൂ​രി​ലെ ക​സി​ൻ സ​ഹോ​ദ​രി​മാ​ർ. ക​വി​യൂ​ർ ചെ​ങ്ങ​ണോ​ത്ത് മു​ഹ​മ്മ​ദ് റ​ഷീ​ദി​ന്റെ മ​ക​ൾ ഹ​നി​യ റ​ഷീ​ദും സ​ഹോ​ദ​രി രി​ഫ്അ​ത്ത് അ​ഫ്റോ​സ​യു​ടെ മ​ക​ൾ ലി​ബ ബ​നാ​നു​മാ​ണ് സം​സ്ഥാ​ന മ​ത്സ​ര​ത്തി​ൽ എ ​ഗ്രേ​ഡ് നേ​ടി​യ​ത്. ഉ​റു​ദു ഗ​സ​ൽ ആ​ലാ​പ​ന​ത്തി​ൽ പ്ര​ശ​സ്ത ഉ​റു​ദു ക​വി ഷ​ക്കീ​ൽ ബ​ദാ​യൂ​നി ര​ചി​ച്ച് ബീ​ഗം അ​ക്ത​ർ ആ​ല​പി​ച്ച ഗ​സ​ൽ ദ​ർ​ബാ​രി രാ​ഗ​ത്തി​ൽ ആ​ല​പി​ച്ചാ​ണ് ലി​ബ ബ​നാ​ൻ സ​ദ​സ്സി​നെ കൈ​യി​ലെ​ടു​ത്ത​ത്.

തു​ട​ർ​ച്ച​യാ​യ ര​ണ്ടാ​മ​ത്തെ വ​ർ​ഷ​മാ​ണ് ലി​ബ ബ​നാ​ൻ സ്കൂ​ൾ ക​ലോ​ത്സ​വ​ത്തി​ൽ എ ​ഗ്രേ​ഡ് നേ​ടു​ന്ന​ത്. പീ​ഡ​ന​ത്തി​ന് ഇ​ര​യാ​ക്ക​പ്പെ​ട്ട ഒ​രു പെ​ൺ​കു​ട്ടി ത​ന്റെ ഭാ​വി ജീ​വി​ത​ത്തെ​ക്കു​റി​ച്ച് അ​മ്മ​യോ​ട് ചോ​ദി​ക്കു​ന്ന വേ​ദ​ന​യേ​റി​യ ചോ​ദ്യ​ങ്ങ​ൾ വി​കാ​ര നി​ർ​ഭ​ര​മാ​യി അ​വ​ത​രി​പ്പി​ച്ചാ​ണ് ഹ​നി​യ റ​ഷീ​ദ് ഹി​ന്ദി പ​ദ്യം ചൊ​ല്ല​ലി​ൽ എ ​ഗ്രേ​ഡ് നേ​ടി​യ​ത്. പെ​രി​ങ്ങ​ത്തൂ​ർ എ​ൻ.​എ.​എം ഹ​യ​ർ​സെ​ക്ക​ൻ​ഡ​റി സ്കൂ​ളി​ലെ ഒ​മ്പ​താം ക്ലാ​സ് വി​ദ്യാ​ർ​ഥി​നി​യാ​ണ് ലി​ബ ബ​നാ​ൻ. അ​തേ സ്കൂ​ളി​ലെ എ​ട്ടാം​ത​രം വി​ദ്യാ​ർ​ഥി​നി​യാ​ണ് ഹ​നി​യ റ​ഷീ​ദ്.