ആറളം ഫാം റബർ തോട്ടവും കാട്ടാനക്കൂട്ടം നശിപ്പിക്കുന്നു; നോക്കുകുത്തിയായി വകുപ്പ്

കേ​ള​കം: ആ​റ​ളം ഫാ​മി​ന്റെ അ​വ​ശേ​ഷി​ച്ച വ​രു​മാ​ന​മാ​ർ​ഗ​മാ​യ റ​ബ​ർ തോ​ട്ട​വും കാ​ട്ടാ​ന​ക്കൂ​ട്ടം ന​ശി​പ്പി​ക്കു​മ്പോ​ൾ കാ​ഴ്ച​ക്കാ​രാ​യി വ​നം വ​കു​പ്പ്. ഫാ​മി​ന്റെ വി​വി​ധ ബ്ലോ​ക്കു​ക​ളി​ൽ വി​ള​ക​ൾ ന​ശി​പ്പി​ച്ച് ആ​ദി​വാ​സി പു​ന​ര​ധി​വാ​സ മേ​ഖ​ല​യി​ലെ ജ​ന​ങ്ങ​ളു​ടെ ജീ​വ​ന് ഭീ​ഷ​ണി​യാ​യി​രി​ക്കു​ക​യാ​ണ് കാ​ട്ടാ​ന കൂ​ട്ട​ങ്ങ​ൾ. പു​ര​ധി​വാ​സ മേ​ഖ​ല​യി​ൽ വീ​ട്ടു​മു​റ്റ​ത്തോ​ളം എ​ത്തി​യ ആ​ന​ക്കൂ​ട്ടം വ്യാ​പ​ക​മാ​യി കൃ​ഷി​നാ​ശം വ​രു​ത്തി.

13ാം ബ്ലോ​ക്കി​ൽ അ​ഞ്ചു​കു​ടും​ബ​ങ്ങ​ളു​ടെ വീ​ട്ടി​നു സ​മീ​പ​ത്തെ​ത്തി​യാ​ണ് ആ​ന​ക്കൂ​ട്ടം കൃ​ഷി​ക​ൾ ന​ശി​പ്പി​ച്ച​ത്. മേ​ഖ​ല​യി​ൽ നി​ര​വ​ധി തെ​ങ്ങു​ക​ൾ കു​ത്തി വീ​ഴ്ത്തി. വാ​ഴ​ക​ൾ​ക്കും ക​മു​കി​നും റ​ബ​റി​നും നാ​ശം വ​രു​ത്തി. വീ​ടി​ന് മു​ന്നി​ൽ ഭീ​ക​രാ​ന്ത​രീ​ക്ഷം സൃ​ഷ്ടി​ച്ച കാ​ട്ടാ​ന​ക​ൾ വ​ലി​യ തെ​ങ്ങു​ക​ൾ മ​റി​ച്ചി​ട്ടു. ബ്ലോ​ക്ക് 13ൽ ​ജ​ലീ​ലി​ന്റെ ക​ട ഭാ​ഗ​ത്തെ ച​ന്ദ്ര​ൻ, മാ​ധ​വ​ൻ, സു​ജാ​ത, ശ്രു​തി, അ​യ്യാ എ​ന്നി​വ​രു​ടെ കൃ​ഷി ഇ​ട​ങ്ങ​ളി​ലാ​ണ് നാ​ശം വി​ത​ച്ച​ത്.

ആ​ന​യെ കൂ​ടാ​തെ കു​ര​ങ്ങു​ക​ളു​ടെ ശ​ല്യ​വും വ​ർ​ധി​ച്ചു വ​രു​ക​യാ​ണെ​ന്ന് താ​മ​സ​ക്കാ​ർ പ​റ​യു​ന്നു. ആ​ന​ക്കൂ​ട്ടം ഇ​റ​ങ്ങി വി​ള​ക​ൾ ന​ശി​പ്പി​ക്കു​ന്ന​ത് അ​റി​യി​ച്ചി​ട്ടും വ​ന​പാ​ല​ക​ർ എ​ത്താ​ൻ വൈ​കി​യ​താ​ണ് ആ​ന​ക​ൾ വ്യാ​പ​ക​മാ​യി കൃ​ഷി ന​ശി​പ്പി​ക്കാ​ൻ കാ​ര​ണം എ​ന്നാ​ണ് പ​രാ​തി. വ​ന്യ​മൃ​ഗ​ങ്ങ​ളു​ടെ ശ​ല്യം മൂ​ലം ഒ​ന്നും കൃ​ഷി​യി​റ​ക്കാ​ൻ ക​ഴി​യാ​തെ ക​ഷ്ട​പ്പെ​ടു​ക​യാ​ണ് മേ​ഖ​ല​യി​ലെ കു​ടും​ബ​ങ്ങ​ൾ.

ആ​റ​ളം വ​ന​ത്തി​ൽ നി​ന്നാ​ണ് ആ​ന​ക്കൂ​ട്ടം ജ​ന​വാ​സ മേ​ഖ​ല​യി​ലേ​ക്ക് പ്ര​വേ​ശി​ക്കു​ന്ന​ത്. വ​നാ​തി​ർ​ത്തി​യി​ലെ ആ​ന​മ​തി​ൽ ആ​റി​ട​ങ്ങ​ളി​ൽ ത​ക​ർ​ത്തി​ട്ടു​ണ്ട്. ഇ​വ പു​ന​ർ​നി​ർ​മി​ക്കാ​ത്ത​താ​ണ് പ്ര​തി​സ​ന്ധി​ക്ക് കാ​ര​ണം. രാ​ത്രി​കാ​ല​ങ്ങ​ളി​ൽ വ​ന​ത്തി​ൽ നി​ന്നും ജ​ന​വാ​സ മേ​ഖ​ല​യി​ൽ എ​ത്തു​ന്ന ആ​ന​ക​ൾ പു​ല​ർ​ച്ച​യോ​ടെ വീ​ണ്ടും വ​ന​ത്തി​ലേ​ക്ക് പോ​വു​മെ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്.

ആ​റ​ളം ഫാ​മി​ൽ ആ​ന​ക​ളു​ടെ പ​രാ​ക്ര​മം റ​ബ​ർ മ​ര​ങ്ങ​ളോ​ടും തു​ട​രു​ക​യാ​ണ്. ക​ട​ക്കെ​ണി​യി​ൽ മു​ങ്ങി​നി​ൽ​ക്കു​ന്ന ഫാ​മി​ന്റെ ഇ​പ്പോ​ഴു​ള്ള ഏ​ക വ​രു​മാ​ന മാ​ർ​ഗം റ​ബ​റാ​ണ്. റ​ബ​ർ മ​ര​ങ്ങ​ൾ​ക്കു നേ​രെ തി​രി​ഞ്ഞി​രി​ക്കു​ന്ന ആ​ന​ക്കൂ​ട്ടം ടാ​പ്പ് ചെ​യ്യു​ന്ന റ​ബ​റി​ന്റെ തൊ​ലി പൊ​ളി​ച്ചെ​ടു​ത്ത് ന​ശി​പ്പി​ക്കു​ക​യാ​ണ്. ഇ​തു​മൂ​ലം റ​ബ​ർ പാ​ൽ വാ​ർ​ന്ന് മ​ര​ങ്ങ​ൾ ന​ശി​ക്കു​ന്ന അ​വ​സ്ഥ​യി​ലാ​ണ്.

ഫാ​മി​ന്റെ ബ്ലോ​ക്ക് ആ​റി​ൽ ഇ​ത്ത​ര​ത്തി​ൽ നി​ര​വ​ധി മ​ര​ങ്ങ​ളാ​ണ് ന​ശി​പ്പി​ച്ച​ത്. ആ​ന​ക​ളെ ഭ​യ​ന്ന് ടാ​പ്പി​ങ് ന​ട​ത്താ​ൻ പ​റ്റാ​ത്ത സാ​ഹ​ച​ര്യം ആ​ണെ​ന്നും തൊ​ഴി​ലാ​ളി​ക​ൾ പ​റ​യു​ന്നു. വ​ന്യ​മൃ​ഗ​ങ്ങ​ളു​ടെ ശ​ല്യം ഒ​ഴി​വാ​ക്കാ​ൻ ആ​റ​ള​ത്ത് ആ​ന​മ​തി​ലി​ന്റെ നി​ർ​മാ​ണ​ത്തി​ന് ടെ​ൻ​ഡ​ർ ന​ട​പ​ടി​ക​ൾ പൂ​ർ​ത്തി​യാ​യി മാ​സ​ങ്ങ​ൾ ക​ഴി​ഞ്ഞി​ട്ടും നി​ർ​മാ​ണം ആ​രം​ഭി​ക്കാ​തെ ഇ​ഴ​ഞ്ഞു നീ​ങ്ങു​ക​യാ​ണ്.