കന്നുകാലികളിൽ ചർമമുഴ രോഗം പടരുന്നു

കേ​ള​കം: ക്ഷീ​ര​ക​ർ​ഷ​ക​രെ ആ​ശ​ങ്ക​യി​ലാ​ക്കി ക​ന്നു​കാ​ലി​ക​ളി​ലെ ച​ർ​മ​മു​ഴ രോ​ഗം പ​ട​രു​ന്നു. കേ​ള​കം, കൊ​ട്ടി​യൂ​ർ, ക​ണി​ച്ചാ​ർ പ​ഞ്ചാ​യ​ത്തു​ക​ളി​ൽ​പെ​ട്ട ക്ഷീ​ര​ക​ർ​ഷ​ക​രു​ടെ ക​ന്നു​കാ​ലി​ക​ളി​ലാ​ണ് രോ​ഗം പ​ട​രു​ന്ന​താ​യി റി​പ്പോ​ർ​ട്ട്. ലം​പി സ്കി​ൻ ഡി​സീ​സ് എ​ന്ന​റി​യ​പ്പെ​ടു​ന്ന രോ​ഗ​മാ​ണ് ഈ ​പ​ഞ്ചാ​യ​ത്തു​ക​ളി​ൽ റി​പ്പോ​ർ​ട്ട് ചെ​യ്ത​ത്. ര​ണ്ടു​മാ​സം മു​മ്പ് കേ​ള​കം പ​ഞ്ചാ​യ​ത്തി​ലെ വി​വി​ധ​യി​ട​ങ്ങ​ളി​ൽ രോ​ഗം ക​ണ്ടെ​ത്തി​യി​രു​ന്നു. രോ​ഗം വ​ന്ന ര​ണ്ട് പ​ശു​ക്ക​ൾ ച​ത്ത​താ​യി മൃ​ഗ​സം​ര​ക്ഷ​ണ വ​കു​പ്പ് അ​ധി​കൃ​ത​ർ വ്യ​ക്ത​മാ​ക്കി.

പ്ര​തി​രോ​ധ ന​ട​പ​ടി​ക​ളി​ലൂ​ടെ രോ​ഗ​വ്യാ​പ​നം ത​ട​ഞ്ഞ​പ്പോ​ഴാ​ണ് മ​റ്റി​ട​ങ്ങ​ളി​ൽ രോ​ഗ​ത്തി​ന്റെ വ​ര​വ്. പ​ശു​ക്ക​ളു​ടെ പാ​ലു​ൽ​പാ​ദ​ന​വും പ്ര​ത്യു​ൽ​പാ​ദ​ന​ക്ഷ​മ​ത​യു​മെ​ല്ലാം ഗ​ണ്യ​മാ​യി കു​റ​ക്കു​ന്ന ലം​പി സ്കി​ൻ ക്ഷീ​ര​മേ​ഖ​ല​ക്ക് വ​ലി​യ വെ​ല്ലു​വി​ളി​യാ​ണ്. കാ​ർ​ഷി​ക​ത്ത​ക​ർ​ച്ച​യി​ലും കോ​വി​ഡ് പ്ര​തി​സ​ന്ധി​യി​ലും കൂ​ടു​ത​ൽ ക​ർ​ഷ​ക​ർ ക്ഷീ​ര​മേ​ഖ​ല​യി​ലേ​ക്ക് തി​രി​യു​മ്പോ​ഴാ​ണ് പ​ശു​ക്ക​ളു​ടെ ജീ​വ​ൻ​ത​ന്നെ അ​പ​ക​ട​ത്തി​ലാ​ക്കു​ന്ന രോ​ഗം റി​പ്പോ​ർ​ട്ട് ചെ​യ്യു​ന്ന​ത്.

ക​ന്നു​കാ​ലി​ക​ളു​ടെ ത്വ​ക്കി​ന് മു​ക​ളി​ൽ മു​ഴ​ക​ൾ പ്ര​ത്യ​ക്ഷ​പ്പെ​ടു​ക​യും പി​ന്നീ​ടി​ത് പൊ​ട്ടി വ്ര​ണ​ങ്ങ​ളാ​യി മാ​റു​ക​യു​മാ​ണ്. ര​ക്ത​സ്രാ​വ​വും ദു​ർ​ഗ​ന്ധ​വു​മു​ണ്ട്. ത്വ​ക്കി​നൊ​പ്പം ദ​ഹ​ന, ശ്വ​സ​ന​വ്യൂ​ഹ​ങ്ങ​ളെ​യും ലം​പി സ്കി​ൻ വൈ​റ​സ് ബാ​ധി​ക്കും. ക​റ​വ​പ്പ​ശു​ക്ക​ളി​ലും ഗ​ർ​ഭ​വ​തി​ക​ളാ​യ പ​ശു​ക്ക​ളി​ലും കി​ടാ​രി​ക​ളി​ലും രോ​ഗ​സാ​ധ്യ​ത കൂ​ടു​ത​ലാ​ണ്.

ഒ​ന്നി​ന് രോ​ഗം വ​ന്നാ​ൽ വ​ള​രെ​പ്പെ​െ​ട്ട​ന്ന് മ​റ്റു ക​ന്നു​കാ​ലി​ക​ളി​ലേ​ക്ക് പ​ക​രും. പ്ര​തി​രോ​ധ കു​ത്തി​വെ​പ്പും ആ​ന്റി​ബ​യോ​ട്ടി​ക്കു​മാ​ണ് ചി​കി​ത്സ. മൃ​ഗ​ങ്ങ​ളി​ൽ​നി​ന്ന് രോ​ഗം മ​നു​ഷ്യ​രി​ലേ​ക്ക് പ​ക​രി​ല്ല. രോ​ഗം ബാ​ധി​ച്ച പ​ശു​ക്ക​ളു​ടെ ര​ക്ത​ത്തി​ലും ത്വ​ക്കി​ൽ​നി​ന്ന് അ​ട​രു​ന്ന വ്ര​ണ​ശ​ൽ​ക്ക​ങ്ങ​ളി​ലും ഉ​മി​നീ​രി​ലും മൂ​ക്കി​ൽ​നി​ന്നും ക​ണ്ണി​ൽ​നി​ന്നു​മു​ള്ള സ്ര​വ​ത്തി​ലും പാ​ലി​ലും ഉ​യ​ർ​ന്ന വൈ​റ​സ് സാ​ന്നി​ധ്യം ഉ​ണ്ടാ​വും. അ​മ്മ​യി​ൽ​നി​ന്ന് കി​ടാ​വി​ലേ​ക്ക് പാ​ൽ വ​ഴി​യും രോ​ഗം പ​ക​രും.

ഉ​മി​നീ​രും മ​റ്റ് ശ​രീ​ര​സ്ര​വ​ങ്ങ​ളും ക​ല​ർ​ന്ന് രോ​ഗാ​ണു​മ​ലി​ന​മാ​യ തീ​റ്റ​ക​ളും കു​ടി​വെ​ള്ള​വും ക​ഴി​ക്കു​ന്ന​തി​ലൂ​ടെ​യും വൈ​റ​സ് വ്യാ​പ​നം ന​ട​ക്കും. ഉ​യ​ർ​ന്ന പ​നി, പാ​ലു​ൽ​പാ​ദ​നം ഗ​ണ്യ​മാ​യി കു​റ​യ​ൽ, തീ​റ്റ മ​ടു​പ്പ്, മെ​ലി​ച്ചി​ൽ, ക​ണ്ണി​ൽ​നി​ന്നും മൂ​ക്കി​ൽ​നി​ന്നും നീ​രൊ​ലി​പ്പ്, വാ​യി​ൽ​നി​ന്ന് ഉ​മി​നീ​ർ പ​ത​ഞ്ഞൊ​ലി​ക്ക​ൽ, ക​ഴ​ല​ക​ളു​ടെ വീ​ക്കം എ​ന്നി​വ​യെ​ല്ലാ​മാ​ണ് രോ​ഗ​ല​ക്ഷ​ണ​ങ്ങ​ൾ.

രോ​ഗം പ​ട​രാ​തി​രി​ക്കാ​ൻ പ്ര​ദേ​ശ​ങ്ങ​ളി​ലെ ക​ന്നു​കാ​ലി​ക​ൾ​ക്ക് പ്ര​തി​രോ​ധ കു​ത്തി​വെ​പ്പ് ഊ​ർ​ജി​ത​മാ​ക്കി​യി​രി​ക്കു​ക​യാ​ണ് മൃ​ഗ​സം​ര​ക്ഷ​ണ വ​കു​പ്പ്. ഗോ​ട്ട് പോ​ക്സ് വാ​ക്സി​നാ​ണ് പ്ര​തി​രോ​ധ കു​ത്തി​വെ​പ്പി​നാ​യി ഉ​പ​യോ​ഗി​ക്കു​ന്ന​ത്.