മാവോവാദികൾ വീണ്ടും കേളകത്തെത്തി

കേ​ള​കം: ബാ​വ​ലി​പ്പു​ഴ​ക്ക് സ​മീ​പം മാ​ണി​ക്ക​ഞ്ചാ​ൽ പ്ര​ദേ​ശ​ത്ത് അ​ഞ്ചം​ഗ മാ​വോ​വാ​ദി സം​ഘ​ത്തെ ക​ണ്ട​താ​യി നാ​ട്ടു​കാ​ർ. പു​ഴ​യോ​ര​ത്ത് കു​റു​ന്തോ​ട്ടി ശേ​ഖ​രി​ക്കാ​ൻ പോ​യ വീ​ട്ട​മ്മ​മാ​രാ​ണ് മാ​വോ​വാ​ദി സം​ഘ​ത്തെ ക​ണ്ട​താ​യി പൊ​ലീ​സി​നെ അ​റി​യി​ച്ച​ത്. അ​തേ​സ​മ​യം, ഇ​വ​ർ മാ​വോ​വാ​ദി​ക​ളാ​ണോ എ​ന്ന് പൊ​ലീ​സ് ഔ​ദ്യോ​ഗി​ക​മാ​യി സ്ഥി​രീ​ക​രി​ച്ചി​ട്ടി​ല്ല.

സം​ഘം വീ​ട്ട​മ്മ​യോ​ട് ആ​ഹാ​ര​സാ​ധ​നം എ​ത്തി​ച്ചു ന​ൽ​കാ​ൻ ക​ഴി​യു​മോ എ​ന്ന് ആ​രാ​ഞ്ഞു. ഇ​വ​രു​ടെ കൈ​യി​ൽ തോ​ക്കു​ക​ളെ​ന്ന് സം​ശ​യി​ക്കാ​വു​ന്ന നീ​ള​ത്തി​ലു​ള്ള പൊ​തി​ക്കെ​ട്ടു​ക​ൾ ഉ​ണ്ടാ​യി​രു​ന്നു​വെ​ന്നാ​ണ് വീ​ട്ട​മ്മ​യു​ടെ മൊ​ഴി. കേ​ള​കം പൊ​ലീ​സും ത​ണ്ട​ർ​ബോ​ൾ​ട്ട് സേ​ന​യും പ്ര​ദേ​ശ​ത്ത് പ​രി​ശോ​ധ​ന ന​ട​ത്തി.

ഇവിടെ നിരീക്ഷണവും ശക്തമാക്കി. ദി​വ​സ​ങ്ങ​ൾ​ക്ക് മു​മ്പ് അ​യ്യ​ന്‍കു​ന്ന് വ​ന​ത്തി​ല്‍ മാ​വോ​വാ​ദി​ക​ളും പൊ​ലീ​സും ത​മ്മി​ൽ ഏ​റ്റു​മു​ട്ട​ലു​ണ്ടാ​യി​രു​ന്നു. ഇതിനിടയിലാണ് കേള​കം സ്റ്റേ​ഷ​ൻ പ​രി​ധി​യി​ലെ മാ​ണി​ക്ക​ഞ്ചാ​ലി​ൽ മാ​വോ​വാ​ദി​ക​ളെ​ത്തി​യ​താ​യി പൊ​ലീ​സി​ന് വി​വ​രം ല​ഭി​ച്ച​ത്. കേ​ള​കം ടൗ​ണി​​ന്റെ ഒ​രു കി​ലോ​മീ​റ്റ​ർ പ​രി​ധി​യി​ലാ​ണ് സം​ഭ​വം. ഭ​ക്ഷ​ണ​സാ​ധ​ന​ങ്ങ​ൾ ആ​വ​ശ്യ​പ്പെ​ട്ട മാ​വോ​വാ​ദി ക​ളോ​ട് ത​ങ്ങ​ൾ സ​മീ​പ​വാ​സി​ക​ള​ല്ലെ​ന്ന് മ​റു​പ​ടി ന​ൽ​കി മ​ട​ങ്ങി​യ വീ​ട്ട​മ്മ​മാ​രാ​ണ് ഇ​വ​രു​ടെ സാ​ന്നി​ധ്യം പൊ​ലീ​സി​നെ അ​റി​യി​ച്ച​ത്.