മ​ഞ്ഞ​ളാം​പു​റ​ത്തെ ഇ​ൻഡോ​ർ സ്റ്റേ​ഡി​യം കാ​ടു​ക​യ​റു​ന്നു

കേ​ള​കം: മ​ഞ്ഞ​ളാം​പു​റ​ത്തെ ഇ​ൻ​ഡോ​ർ സ്റ്റേ​ഡി​യ​ത്തി​ന്റെ പ​ണി പാ​തി​വ​ഴി​യി​ൽ നി​ല​ച്ചി​ട്ട് വ​ർ​ഷ​ങ്ങ​ളാ​യി​ട്ടും തു​ട​ർ​ന​ട​പ​ടി​യി​ല്ലെ​ന്ന് നാ​ട്ടു​കാ​ർ പ​രാ​തി​യു​മാ​യി രം​ഗ​ത്തെ​ത്തി. പേ​രാ​വൂ​ർ ബ്ലോ​ക്ക് പ​ഞ്ചാ​യ​ത്ത് ഫ​ണ്ടി​ൽ​നി​ന്ന് 11,49,376 രൂ​പ​യു​ടെ ടെ​ൻ​ഡ​ർ ന​ൽ​കി​യാ​യി​രു​ന്നു ഇ​ൻ​ഡോ​ർ സ്റ്റേ​ഡി​യം നി​ർ​മാ​ണ​ത്തി​നാ​യി ന​ൽ​കി​യ​ത്. തു​ട​ർ​ന്ന് കാ​യി​ക വ​കു​പ്പും ല​ക്ഷ​ങ്ങ​ളു​ടെ ഫ​ണ്ട് വ​ക​യി​രു​ത്തി​യി​ട്ടും പ​ണി പാ​തി​വ​ഴി​യി​ൽ ഉ​പേ​ക്ഷി​ക്കു​ക​യാ​യി​രു​ന്നു.

മ​ഞ്ഞ​ളാം​പു​റം ടൗ​ണി​ൽ മ​ല​യോ​ര ഹൈ​വേ​യി​ൽ​നി​ന്ന് 100 മീ​റ്റ​ർ മാ​ത്രം അ​ക​ലെ പ​ഞ്ചാ​യ​ത്തി​ന്റെ കൈ​വ​ശ​ത്തി​ലു​ള്ള ഒ​രേ​ക്ക​ർ പ​ത്ത് സെ​ന്റ് ഭൂ​മി​യി​ലെ 25 സെ​ന്റ് സ്ഥ​ല​ത്ത് നി​ർ​മി​ച്ച സ്റ്റേ​ഡി​യ​മാ​ണ് ഉ​പ​യോ​ഗ​മി​ല്ലാ​തെ ന​ശി​ക്കു​ന്ന​ത്. സ്റ്റേ​ഡി​യം ഉ​ദ്ഘാ​ട​നം ചെ​യ്ത അ​ന്ന​ത്തെ ആ​ഭ്യ​ന്ത​ര വ​കു​പ്പ് മ​ന്ത്രി തി​രു​വ​ഞ്ചൂ​ർ രാ​ധാ​കൃ​ഷ്ണ​ൻ സ്റ്റേ​ഡി​യ​ത്തി​ലേ​ക്ക് ആ​വ​ശ്യ​മാ​യ ക​ളി ഉ​പ​ക​ര​ണ​ങ്ങ​ളും അ​നു​വ​ദി​ച്ചു.

എ​ന്നാ​ൽ 30 ല​ക്ഷം രൂ​പ ചെ​ല​വ് ചെ​യ്ത് നി​ർ​മി​ച്ചി​ട്ടും ഒ​രു ത​വ​ണ​പോ​ലും ഉ​പ​യോ​ഗി​ക്കാ​തെ ഒ​രു മ​ൾ​ട്ടി പ​ർ​പ്പ​സ് സി​ന്ത​റ്റി​ക് സ്റ്റേ​ഡി​യം ചു​റ്റും കാ​ടു​മൂ​ടി​യ നി​ല​യി​ലാ​ണ്. സ്റ്റേ​ഡി​യ​ത്തി​ന്റെ സം​ര​ക്ഷ​ണ വേ​ലി​യൊ​ക്കെ ന​ശി​ച്ചി​ട്ട് വ​ർ​ഷ​ങ്ങ​ളാ​യി.

നി​ല​വി​ൽ ന​വീ​ക​ര​ണം ന​ട​ത്താ​തെ സ്റ്റേ​ഡി​യം പൂ​ർ​ണ​മാ​യി ന​ശി​ച്ചു​ക​ഴി​ഞ്ഞു. പു​ന​ർ​നി‍ർ​മാ​ണ​ത്തി​നോ അ​റ്റ​കു​റ്റ​പ്പ​ണി​ക​ൾ​ക്കോ​പോ​ലും ശ്ര​മം ഉ​ണ്ടാ​കു​ന്നി​ല്ലെ​ന്ന് കാ​യി​ക​പ്രേ​മി​ക​ളും പ​രാ​തി​പ്പെ​ടു​ന്നു. സാം​സ്കാ​രി​ക പ​രി​പാ​ടി​ക​ളും പൊ​തു​പ​രി​പാ​ടി​ക​ളും സം​ഘ​ടി​പ്പി​ക്കാ​ൻ സാ​ധി​ക്കും​വി​ധം ഒ​രു ഭാ​ഗ​ത്ത് സ്റ്റേ​ജ് നി​ർ​മി​ക്കാ​നും ചു​റ്റും ഇ​രി​പ്പി​ട​ങ്ങ​ൾ നി​ർ​മി​ക്കാ​നും പ​ദ്ധ​തി ഉ​ണ്ടാ​യി​രു​ന്നെ​ങ്കി​ലും ല​ക്ഷ്യ​ത്തി​ലെ​ത്തി​യി​ല്ല.