മാവോവാദികൾക്കായി വീണ്ടും ആകാശനിരീക്ഷണം

​കേള​കം: വ​യ​നാ​ട്ടി​ലെ പേ​രി​യ - ച​പ്പാ​ത്ത് പൊ​ലീ​സി​നെ വെ​ട്ടി​ച്ച് ക​ട​ന്ന മാ​വോ​വാ​ദി​ക​ളെ ക​ണ്ടെ​ത്താ​ൻ വീ​ണ്ടും ആ​കാ​ശ​നി​രീ​ക്ഷ​ണം . ആ​റ​ളം കൊ​ട്ടി​യൂ​ർ വ​ന​മേ​ഖ​ല​ക​ളി​ലാ​ണ് പൊ​ലീ​സ് പ്ര​ത്യേ​ക സം​ഘം ഹെ​ലി​കോ​പ്ട​ർ നി​രീ​ക്ഷ​ണം ന​ട​ത്തി​യ​ത്. ആ​റ​ളം, കേ​ള​കം, കൊ​ട്ടി​യൂ​ർ എ​ന്നി​വി​ട​ങ്ങ​ളി​ലും വ​യ​നാ​ട് ജി​ല്ല​യി​ലെ ത​ല​പ്പു​ഴ പ്ര​ദേ​ശ​ങ്ങ​ളി​ലെ ജ​ന​വാ​സ കേ​ന്ദ്ര​ങ്ങ​ളി​ലും വ​ന​മേ​ഖ​ല​ക​ളി​ലും മാ​വോ​വാ​ദി​ക​ളു​ടെ സാ​ന്നി​ധ്യ​മു​ണ്ടാ​വാ​റു​ള്ള പ്ര​ദേ​ശ​ങ്ങ​ളി​ലും ആ​റ​ളം ഫാ​മി​ലും ഹെ​ലി​കോ​പ്ട​ർ നി​രീ​ക്ഷ​ണം ന​ട​ത്തി.

ക​ണ്ണൂ​ർ, വ​യ​നാ​ട് ജി​ല്ല അ​തി​ർ​ത്തി പ്ര​ദേ​ശ​ങ്ങ​ളി​ലും വ​നാ​തി​ർ​ത്തി കോ​ള​നി​ക​ളി​ലും മാ​വോ​വാ​ദി സാ​ന്നി​ധ്യം ശ​ക്ത​മാ​യ​തോ​ടെ ന​ട​പ​ടി ശ​ക്ത​മാ​ക്കു​ന്ന​തി​ന്റെ ഭാ​ഗ​മാ​യാ​ണ് ആ​കാ​ശ നി​രീ​ക്ഷ​ണം. വ​യ​നാ​ട് പേ​രി​യ ച​പ്പാ​ര​ത്തും ആ​റ​ളം വ​ന​ത്തി​ലും മാ​വോ​വാ​ദി​ക​ൾ ത​ണ്ട​ര്‍ബോ​ള്‍ട്ടുമായും വ​ന​പാ​ല​ക​രി​ലെ വാ​ച്ച​ർ​മാ​രു​മാ​യും ഏ​റ്റു​മു​ട്ട​ലു​ക​ളു​ണ്ടാ​യി​രു​ന്നു. തു​ട​ർ​ന്ന് ച​പ്പാ​ര​ത്ത് ര​ണ്ടുമാ​വോ​വാ​ദി​ക​ൾ പി​ടി​ക്ക​പ്പെ​ടു​ക​യും മൂ​ന്നുപേ​ർ ര​ക്ഷ​പ്പെ​ടു​ക​യും ചെ​യ്തി​രു​ന്നു. ഹെ​ലി​കോ​പ്ട​ർ, ഡ്രോ​ൺ പ​രി​ശോ​ധ​ന​ക​ളും വാ​ഹ​ന പ​രി​ശോ​ധ​ന​ക​ളും ഊ​ർ​ജി​ത​മാ​ക്കാ​നാ​ണ് തീ​രു​മാ​നം. ക​ഴി​ഞ്ഞ​ദി​വ​സം രാ​വി​ലെ മു​ത​ലാ​ണ് കേ​ള​കം, കൊ​ട്ടി​യൂ​ർ, ആ​റ​ളം മേ​ഖ​ല​ക​ളി​ൽ ഹെ​ലി​കോ​പ്ട​ർ നി​രീ​ക്ഷ​ണം ന​ട​ത്തി​യ​ത്.

ജി​ല്ല അ​തി​ർ​ത്തി പ്ര​ദേ​ശ​ങ്ങ​ളി​ലും, പ്ര​ധാ​ന ​പാ​ത​ക​ളി​ലും വാ​ഹ​ന പ​രി​ശോ​ധ​ന​യും ഡ്രോ​ൺ പ​രി​ശോ​ധ​ന​ക​ളും ദി​വ​സ​ങ്ങ​ളാ​യി ന​ട​ന്നു വ​രു​ന്നു​ണ്ട്. സം​സ്ഥാ​ന സ​ർ​ക്കാ​ർ വാ​ട​ക​ക്ക് എ​ടു​ത്ത ഹെ​ലി​കോ​പ്ട​റാ​ണ് ഉ​പ​യോ​ഗി​ക്കു​ന്ന​ത്.

ഏ​താ​നും ദി​വ​സം കൂ​ടി വ​നാ​തി​ർ​ത്തി മേ​ഖ​ല​ക​ളി​ൽ പ​രി​ശോ​ധ​ന ന​ട​ത്താ​നാ​ണ് ഹെ​ലി​കോ​പ്ട​ർ ഉ​പ​യോ​ഗി​ക്കു​ക. പൊ​ലീ​സ് ന​ട​പ​ടി ശ​ക്ത​മാ​ക്കി​യ​തോ​ടെ വ​യ​നാ​ട് പ്ര​ദേ​ശ​ങ്ങ​ളി​ൽ ത​മ്പ​ടി​ച്ചി​രു​ന്ന മാ​വോ​വാ​ദി​ക​ൾ ആ​റ​ളം, കൊ​ട്ടി​യൂ​ർ മേ​ഖ​ല​ക​ളി​ലേ​ക്ക് ക​ട​ക്കാ​ൻ സാ​ധ്യ​ത​യു​ള​ള​തി​ന്റെ അ​ടി​സ്ഥാ​ന​ത്തി​ലാ​ണ് മേ​ഖ​ല​യി​ൽ നി​രീ​ക്ഷ​ണം ശ​ക്ത​മാ​ക്കി​യ​ത്. മു​മ്പ് മാ​വോ​വാ​ദി​ക​ൾ സ​ന്ദ​ർ​ശി​ച്ച കോ​ള​നി​ക​ളി​ലും തി​ര​ച്ചി​ൽ ന​ട​ത്തി.

കനത്ത സുരക്ഷക്കിടയിലും മാവോവാദികൾ വാളത്തോടെത്തി

ഇ​രി​ട്ടി: വ​യ​നാ​ട്ടി​ൽ ന​ട​ന്ന വെ​ടി​വെ​പ്പി​നെ തു​ട​ർ​ന്ന് ക​ണ്ണൂ​ർ ജി​ല്ല​യി​ലെ മാ​വോ​വാ​ദി സാ​ന്നി​ധ്യ​മു​ള്ള പൊ​ലീ​സ് സ്റ്റേ​ഷ​ൻ പ​രി​ധി​ക​ളി​ൽ ക​ന​ത്ത സു​ര​ക്ഷ ഒ​രു​ക്കി​യി​ട്ടും അ​യ്യ​ൻ​കു​ന്ന് പ​ഞ്ചാ​യ​ത്തി​ലെ വാ​ള​ത്തോ​ട്ടി​ലെ ര​ണ്ട് വീ​ടു​ക​ളി​ൽ മാ​വോ​വാ​ദി സം​ഘം എ​ത്തി. ഇ​വ​ർ ഭ​ക്ഷ​ണ​സാ​ധ​ന​ങ്ങ​ൾ ശേ​ഖ​രി​ച്ച് തി​രി​കെ കാ​ട്ടി​ലേ​ക്ക് മ​ട​ങ്ങി. വ്യാ​ഴാ​ഴ്ച രാ​ത്രി ഏ​ഴ​ര​ക്കും എ​ട്ടി​നും ഇ​ട​യി​ലാ​ണ് സം​ഭ​വം. വാ​ള​ത്തോ​ട്ടി​ലെ കാ​ട്ടു​പ​റ​മ്പി​ൽ ഗോ​പാ​ല​ൻ, കു​റ്റ്യാ​നി​യി​ൽ ജോ​സ് എ​ന്നി​വ​രു​ടെ വീ​ടു​ക​ളി​ലാ​ണ് നാ​ല് പു​രു​ഷ​ന്മാ​രും ര​ണ്ട് സ്ത്രീ​ക​ളും അ​ട​ങ്ങു​ന്ന ആ​യു​ധ​ധാ​രി​ക​ളാ​യ മാ​വോ​വാ​ദി സം​ഘം എ​ത്തി​യ​ത്. പാ​കം ചെ​യ്ത ഭ​ക്ഷ​ണ​വും മ​റ്റു ഭ​ക്ഷ​ണ​സാ​ധ​ന​ങ്ങ​ളും വാ​ങ്ങി അ​ര​മ​ണി​ക്കൂ​റി​നു​ള്ളി​ൽ തി​രി​ച്ചു​പോ​യി. ഈ ​വ​ർ​ഷം​ത​ന്നെ വാ​ള​ത്തോ​ടി​ൽ മാ​വോ​വാ​ദി​ക​ൾ എ​ത്തു​ന്ന​ത് മൂ​ന്നാം ത​വ​ണ​യാ​ണ്. മു​മ്പ് വ​ന്ന വീ​ടു​ക​ളി​ൽ ത​ന്നെ​യാ​ണ് ക​ഴി​ഞ്ഞ ദി​വ​സം ആ​റം​ഗ സം​ഘ​മെ​ത്തി ഭ​ക്ഷ്യ​വ​സ്തു​ക്ക​ളു​മാ​യി മ​ട​ങ്ങി​യ​ത്. സം​ഘം വീ​ണ്ടും ഇ​റ​ങ്ങി​യ സം​ഭ​വം പൊ​ലീ​സും വീ​ട്ടു​കാ​രും ര​ഹ​സ്യ​മാ​യി സൂ​ക്ഷി​ക്കു​ക​യാ​യി​രു​ന്നു.

ത​ണ്ട​ർ​ബോ​ൾ​ട്ട് സം​ഘ​വും അ​ത്യാ​ധു​നി​ക ബു​ള്ള​റ്റ് പ്രൂ​ഫ് വാ​ഹ​ന​സം​വി​ധാ​ന​ങ്ങ​ൾ അ​ട​ങ്ങു​ന്ന സം​ഘ​വും ക​രി​ക്കോ​ട്ട​ക്ക​രി സ്റ്റേ​ഷ​ൻ പ​രി​ധി​യി​ൽ വാ​ള​ത്തോ​ടി​ന് തൊ​ട്ട​ടു​ത്ത് എ​ട​പ്പു​ഴ​യി​ൽ ക്യാ​മ്പ് ചെ​യ്യു​മ്പോ​ഴാ​ണ് മാ​വോ​വാ​ദി​ക​ൾ ഇ​റ​ങ്ങി ഭ​ക്ഷ​ണ​സാ​ധ​ന​ങ്ങ​ൾ ശേ​ഖ​രി​ച്ച് തി​രി​ച്ചു​പോ​യ​ത്.