മണത്തണക്കാർക്ക് അതിഥി; അടുപ്പക്കാർക്ക് മുകുന്ദേട്ടൻ​

കേ​ള​കം: പു​റ​മെ കാ​ണു​ന്ന കാ​ർ​ക്ക​ശ്യ​ത്തി​ന​പ്പു​റം സ്നേ​ഹാ​ർ​ദ്ര​മാ​യ മ​ന​സ്സും വാ​ത്സ​ല്യ​വും സൂ​ക്ഷി​ക്കു​ന്ന​താ​യി​രു​ന്നു അ​ന്ത​രി​ച്ച പി.​പി. മു​കു​ന്ദ​ന്റെ ജീ​വി​ത​മെ​ന്ന് അ​ദ്ദേ​ഹ​ത്തി​ന്റെ അ​ടു​പ്പ​ക്കാ​ർ പ​റ​യു​ന്നു. സം​ഘ​ട​ന​യി​ലും കു​ടും​ബ​ത്തി​ലു​മെ​ല്ലാം പ്രി​യ​പ്പെ​ട്ട​വ​ർ​ക്ക് മു​കു​ന്ദേ​ട്ട​നാ​യി​രു​ന്നു അ​ദ്ദേ​ഹം. ക​ണ്ണൂ​രി​ലെ മ​ല​യോ​ര​മേ​ഖ​ല​യാ​യ മ​ണ​ത്ത​ണ​യി​ൽ​നി​ന്നാ​ണ് അ​ഖി​ലേ​ന്ത്യാ​ത​ല​ത്തി​ൽ​വ​രെ അ​റി​യ​പ്പെ​ട്ട രാ​ഷ്ട്രീ​യ നേ​താ​വാ​യി വ​ള​ർ​ന്ന​ത്. 18ാം വ​യ​സ്സി​ൽ മ​ണ​ത്ത​ണ​യി​ൽ​നി​ന്ന് സം​ഘ​ട​നാ​പ്ര​വ​ർ​ത്ത​ന​വു​മാ​യി സം​സ്ഥാ​ന​ത്താ​കെ ഓ​ടി​ന​ട​ന്ന അ​ദ്ദേ​ഹം ഇ​ട​ക്കി​ടെ ഓ​ടി​യെ​ത്തി​യി​രു​ന്ന​ത് മാ​താ​വ് ക​ല്യാ​ണി​യ​മ്മ​യു​ടെ അ​ടു​ത്തേ​ക്കും കൊ​ട്ടി​യൂ​ര​പ്പ​ന്റെ ഉ​ത്സ​വ​കാ​ല​ത്തും മാ​ത്ര​മാ​യി​രു​ന്നു. ജ​ന്മ​നാ​ട്ടി​ൽ അ​തി​ഥി​യെ പോ​ലെ​യാ​യി​രു​ന്ന അ​ദ്ദേ​ഹം സം​ഘ​ട​നാ പ്ര​വ​ർ​ത്ത​ന​ത്തി​ൽ​നി​ന്ന് അ​ക​ന്ന​തോ​ടെ ഒ​രു ദ​ശ​ക​ത്തി​ല​ധി​കം മ​ണ​ത്ത​ണ​യി​ലെ വീ​ട്ടി​ൽ വി​ശ്ര​മ​ജീ​വി​ത​ത്തി​ലാ​യി​രു​ന്നു.

അ​ധി​കാ​ര​ത്തി​നു​വേ​ണ്ടി ക​ല​ഹി​ക്കാ​ത്ത രാ​ഷ്ട്രീ​യ​ക്കാ​ര​നാ​യി​രു​ന്നു. ന​രേ​ന്ദ്ര​മോ​ദി പ്ര​ധാ​നമ​ന്ത്രി ആ​യ​പ്പോ​ൾ മു​കു​ന്ദ​ൻ മ​​ന്ത്രി​യോ ഗ​വ​ർ​ണ​റോ ആ​കു​മെ​ന്ന് നാ​ട്ടു​കാ​രും അ​ടു​ത്ത ബ​ന്ധ​മു​ള്ള​വ​രും പ്ര​തീ​ക്ഷി​ച്ചി​രു​ന്നു. അ​ധി​കാ​ര​ത്തി​ന് വേ​ണ്ടി ക​ർ​ക്ക​ശ നി​ല​പാ​ടു​ക​ളി​ൽ മാ​റ്റം​വ​രു​ത്തി​യ​തു​മി​ല്ല. വി​ശ്ര​മ​കാ​ല​ത്ത് സ്വ​ന്തം ത​റ​വാ​ട് ക്ഷേ​ത്ര​മാ​യ കു​ള​ങ്ങ​രേ​ത്ത് ദേ​വീ​ക്ഷേ​ത്രം ന​വീ​ക​രി​ച്ചു.

അ​വി​ടെ അ​ദ്ദേ​ഹം മു​ൻ​കൈ എ​ടു​ത്ത് നി​ർ​മി​ച്ച​താ​ണ് ഭൂ​ഗ​ർ​ഭ ധ്യാ​ന​മ​ണ്ഡ​പം. മ​ണ​ത്ത​ണ ച​പ്പാ​രം ക്ഷേ​ത്ര ന​വീ​ക​ര​ണ​ത്തി​നും മു​ൻ​നി​ര​ക്കാ​ര​നാ​യി. കൊ​ട്ടി​യൂ​ർ ക്ഷേ​ത്ര​ത്തി​ന്റെ ഊ​രാ​ള​ന്മാ​രു​ടെ ത​റ​വാ​ടു​ക​ളി​ലൊ​ന്നാ​യ കു​ള​ങ്ങ​രേ​ത്ത് കു​ടും​ബ​ത്തി​ന്റെ നെ​ടും​തൂ​ണാ​യി​രു​ന്നു. വി​ശ്ര​മ​ജീ​വി​തം ന​യി​ക്കു​മ്പോ​ഴും കേ​ര​ള​ത്തി​ലെ വി​വി​ധ ഭാ​ഗ​ങ്ങ​ളി​ൽ​നി​ന്ന് മു​കു​ന്ദേ​ട്ട​നെ കാ​ണാ​നാ​യി മ​ണ​ത്ത​ണ​യി​ൽ എ​ത്തി​യി​രു​ന്ന​ത് പ്ര​മു​ഖ​ർ ഉ​ൾ​പ്പെ​ടെ നി​ര​വ​ധി പേ​രാ​ണ്. രാ​ഷ്ട്രീ​യ രം​ഗ​ത്തി​ന് പു​റ​മെ, സാം​സ്കാ​രി​ക, സി​നി​മ-​സാ​മൂ​ഹി​ക രം​ഗ​ത്തു​ള്ള​വ​രു​മാ​യും ഏ​റെ അ​ടു​പ്പ​മു​ണ്ടാ​യി​രു​ന്നു. പാ​ർ​ട്ടി​യി​ലെ പു​തു​ത​ല​മു​റ നേ​താ​ക്ക​ന്മാ​രു​ടെ പ​ല​രു​ടെ​യും ഗു​രു​സ്ഥാ​നീ​യ​നാ​ണ്.