കൊട്ടിയൂരിൽ നാലംഗ മാവോവാദി സംഘമെത്തി

കേ​ള​കം: കൊ​ട്ടി​യൂ​ർ കൂ​നം​പ​ള്ള കോ​ള​നി​യി​ൽ നാ​ലം​ഗ മാ​വോ​വാ​ദി​സം​ഘം എ​ത്തി. കോ​ള​നി​യി​ലെ ദി​നേ​ശ​ന്റെ വീ​ട്ടി​ൽ ശ​നി​യാ​ഴ്ച രാ​ത്രി ഏ​ഴോ​ടെ​യാ​ണ് മാ​വോ​വാ​ദി സം​ഘം എ​ത്തി​യ​ത്. യൂ​നി​ഫോം ധാ​രി​ക​ളാ​യ ര​ണ്ടു സ്ത്രീ​ക​ളും ര​ണ്ട് പു​രു​ഷ​ൻ​മാ​രും അ​ട​ങ്ങു​ന്ന സം​ഘ​ത്തി​ന്റെ കൈ​വ​ശം തോ​ക്കു​ക​ളും ഉ​ണ്ടാ​യി​രു​ന്ന​താ​യി ദി​നേ​ശ​ൻ പ​റ​ഞ്ഞു.

ഏ​ഴോ​ടെ വീ​ട്ടി​ലെ​ത്തി​യ മാ​വോ​വാ​ദി സം​ഘം ഫോ​ൺ ചാ​ർ​ജ് ചെ​യ്ത​ശേ​ഷം അ​രി​യും വാ​ങ്ങി 12ഓ​ടെ​യാ​ണ് മ​ട​ങ്ങി​യ​തെ​ന്നും ദി​നേ​ശ​ൻ പ​റ​ഞ്ഞു. ദി​നേ​ശ​ൻ അ​റി​യി​ച്ച​തി​നെ തു​ട​ർ​ന്ന് സ്ഥ​ല​ത്തെ​ത്തി​യ പൊ​ലീ​സ് പ​രി​സ​ര​ത്ത് തി​ര​ച്ചി​ൽ ന​ട​ത്തി​യെ​ങ്കി​ലും മാ​വോ​വാ​ദി​ക​ളെ ക​ണ്ടെ​ത്താ​നാ​യി​ല്ല.

പ​വ​ർ ബാ​ങ്കും 4000 രൂ​പ​യും ന​ൽ​കു​ക​യും പ​ല​ച​ര​ക്കു​സാ​ധ​ന​ങ്ങ​ൾ വാ​ങ്ങി​വെ​ക്കാ​ൻ ആ​വ​ശ്യ​പ്പെ​ട്ട​താ​യും ചാ​ർ​ജ് ചെ​യ്ത് തി​രി​കെ​ന​ൽ​കാ​നാ​ണ് പ​വ​ർ ബാ​ങ്ക് ഏ​ൽപി​ച്ച​തെ​ന്നും ദി​നേ​ശ​ൻ പ​റ​ഞ്ഞു. മാ​വോ​വാ​ദി​ക​ൾ കോ​ള​നി​യി​ലേ​ക്ക് വീ​ണ്ടും എ​ത്തു​മെ​ന്ന് അ​റി​യി​ച്ചാ​ണ് മ​ട​ങ്ങി​യ​ത്. കൂ​നം​പ​ള്ള കോ​ള​നി​യു​ടെ സ​മീ​പ പ്ര​ദേ​ശ​മാ​യ അ​മ്പാ​യ​ത്തോ​ട്ടി​ൽ മു​മ്പ് സാ​യു​ധ​രാ​യ മാ​വോ​വാ​ദി​ക​ൾ പ്ര​ക​ട​നം ന​ട​ത്തി​യ സം​ഭ​വ​ങ്ങ​ൾ ഉ​ണ്ടാ​യി​രു​ന്നു.

പൊ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്. ആ​ഴ്ച​ക​ൾ​ക്കു​മു​മ്പ് ആ​റ​ളം പൊ​ലീ​സ് സ്റ്റേ​ഷ​ൻ പ​രി​ധി​യി​ലെ വി​യ​റ്റ്നാം കോ​ള​നി​യി​ലും അ​ഞ്ചം​ഗ മാ​വോ​വാ​ദി​ സം​ഘം എ​ത്തി​യി​രു​ന്നു. ഇ​വ​രി​ൽ മൂ​ന്നു​പേ​രെ തി​രി​ച്ച​റി​ഞ്ഞി​രു​ന്നു.

കണ്ണൂർ - വയനാട് അതിർത്തി: വട്ടമിട്ട് മാവോവാദി സംഘം; കനത്ത ജാഗ്രത

കേ​ള​കം: ക​ണ്ണൂ​ർ - വ​യ​നാ​ട് അ​തി​ർ​ത്തി പ്ര​ദേ​ശ​ങ്ങ​ളി​ൽ വീ​ണ്ടും മാ​വോ​വാ​ദി സം​ഘ​മെ​ത്തി​യ​തോ​ടെ ജി​ല്ല​യി​ൽ ജാ​ഗ്ര​ത​യോ​ടെ പൊ​ലീ​സ്. കൊ​ട്ടി​യൂ​ർ കൂ​ന​മ്പ​ള്ള കോ​ള​നി​യി​ൽ നാ​ലം​ഗ മാ​വോ​വാ​ദി സം​ഘം എ​ത്തി​യ സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം ഊ​ർ​ജി​ത​മാ​ക്കി.

ഇ​തേ​തു​ട​ർ​ന്ന് ക​ണ്ണൂ​ർ വ​നാ​തി​ർ​ത്തി പ്ര​ദേ​ശ​ങ്ങ​ളി​ലും കോ​ള​നി പ്ര​ദേ​ശ​ങ്ങ​ളി​ലും പൊ​ലീ​സ് ശ​ക്ത​മാ​യ നി​രീ​ക്ഷ​ണം ഏ​ർ​പ്പെ​ടു​ത്തി​യി​രി​ക്കു​ക​യാ​ണ്. വ​യ​നാ​ട് വ​നാ​തി​ർ​ത്തി പ്ര​ദേ​ശ​ങ്ങ​ളി​ൽ വ​യ​നാ​ട് പൊ​ലീ​സും പ​രി​ശോ​ധ​ന ന​ട​ത്തി. ക​ഴി​ഞ്ഞ ദി​വ​സം ആ​റ​ളം പൊ​ലീ​സ് സ്റ്റേ​ഷ​ൻ പ​രി​ധി​യി​ലെ വി​യ​റ്റ്നാം കോ​ള​നി​യി​ൽ മാ​വോ​വാ​ദി​ക​ളു​ടെ സാ​യു​ധ​സം​ഘം എ​ത്തി​യ സം​ഭ​വ​ത്തി​ലും പൊ​ലീ​സ് കേ​സെ​ടു​ത്തി​രു​ന്നു.

കൊ​ട്ടി​യൂ​ർ, വ​യ​നാ​ട് അ​തി​ർ​ത്തി വ​ന​പ്ര​ദേ​ശ​ങ്ങ​ൾ, പ്ര​ധാ​ന പാ​ത​ക​ൾ എ​ന്നി​വി​ട​ങ്ങ​ളി​ലും മാ​വോ​വാ​ദി സം​ഘം എ​ത്താ​ൻ സാ​ധ്യ​ത​യു​ള്ള കോ​ള​നി പ്ര​ദേ​ശ​ങ്ങ​ളി​ലെ​ല്ലാം പ്ര​ത്യേ​ക പ​രി​ശീ​ല​നം നേ​ടി​യ ത​ണ്ട​ർ​ബോ​ൾ​ട്ട് സേ​ന​യും ലോ​ക്ക​ൽ പൊ​ലീ​സും വി​വി​ധ അ​ന്വേ​ഷ​ണ ഏ​ജ​ൻ​സി​ക​ളും നി​രീ​ക്ഷ​ണം ഏ​ർ​പ്പെ​ടു​ത്തി​യി​ട്ടു​ണ്ട്. മു​മ്പ് മാ​വോ​വാ​ദി സം​ഘ​ങ്ങ​ൾ എ​ത്തി​യ സ്ഥ​ല​ങ്ങ​ളി​ലെ​ല്ലാം നി​രീ​ക്ഷ​ണം ഏ​ർ​പ്പെ​ടു​ത്തി.

കൂ​ടാ​തെ പാ​ത​ക​ളി​ൽ വാ​ഹ​ന പ​രി​ശോ​ധ​ന​യും പൊ​ലീ​സ് ഊ​ർ​ജി​ത​മാ​ക്കി. മാ​വോ​വാദി സം​ഘ​ങ്ങ​ള്‍ കേ​ര​ള​ത്തെ ല​ക്ഷ്യ​മി​ടു​ന്ന​താ​യി കേ​ന്ദ്ര ഏ​ജ​ന്‍സി​ക​ള്‍ മു​മ്പ് റി​പ്പോ​ര്‍ട്ട് ചെ​യ്തി​രു​ന്നു. ആ​ദി​വാ​സി വി​ഭാ​ഗ​ങ്ങ​ളെ തെ​റ്റി​ദ്ധ​രി​പ്പി​ച്ച് സ്വാ​ധീ​ന​മു​ണ്ടാ​ക്കാ​നാ​ണ് ഇ​വ​ര്‍ ശ്ര​മി​ക്കു​ന്ന​തെ​ന്നാ​ണ് പൊ​ലീ​സി​ന്റെ നി​ഗ​മ​നം.

ഇ​ത് ത​ട​യാ​ൻ ഈ ​ജ​ന​വി​ഭാ​ഗ​ങ്ങ​ളു​ടെ അ​ടി​സ്ഥാ​ന ആ​വ​ശ്യ​ങ്ങ​ളും പ്ര​ശ്‌​ന​ങ്ങ​ളും പ​രി​ഹ​രി​ക്കു​ന്ന​തി​ന് ജി​ല്ല​യി​ൽ മാ​വോ​വാ​ദി സാ​ന്നി​ധ്യ​മു​ണ്ടാ​യ കോ​ള​നി​ക​ൾ ജി​ല്ല ഭ​ര​ണ​കൂ​ടം സ​ന്ദ​ർ​ശി​ച്ചി​രു​ന്നു. മാ​വോ​വാ​ദി​ക​ളു​ടെ സാ​ന്നി​ധ്യം വ​ർ​ധി​ച്ച​തി​നെ തു​ട​ർ​ന്ന് കോ​ള​നി​ക​ളി​ൽ നി​രീ​ക്ഷ​ണ​വു​മു​ണ്ട്.

മു​മ്പ് കേ​ന്ദ്ര ഏ​ജ​ൻ​സി​ക​ൾ റി​പ്പോ​ർ​ട്ട് ചെ​യ്ത മാ​വോ​വാ​ദി​ക​ളു​ടെ ചു​വ​പ്പ് ഇ​ട​നാ​ഴി സ​ജീ​വ​മാ​യ സാ​ഹ​ച​ര്യ​ത്തി​ൽ വി​വി​ധ ജി​ല്ല​ക​ളി​ൽ മാ​വോ​വാ​ദി​ക​ളെ ക​ണ്ടെ​ത്താ​നും നി​രീ​ക്ഷി​ക്കാ​നും കൂ​ടു​ത​ൽ സേ​ന​യെ​യും അ​ന്വേ​ഷ​ണ വി​ഭാ​ഗ​ങ്ങ​ളെ​യും നി​യോ​ഗി​ച്ചി​ട്ടു​ണ്ടെ​ന്ന് പൊ​ലീ​സ് കേ​ന്ദ്ര​ങ്ങ​ൾ അ​റി​യി​ച്ചു.