മുഴപ്പിലങ്ങാട് ദേശീയപാത വെള്ളത്തിൽ മുങ്ങി

മുഴപ്പിലങ്ങാട്: കണ്ണൂർ-തലശ്ശേരി ദേശീയപാത കടന്നു പോകുന്ന മുഴപ്പിലങ്ങാട് കുളം ബസാറിൽ വെള്ളം കയറി. ചൊവ്വാഴ്ച രാത്രിയിലെ ശക്തമായ മഴയെ തുടർന്നാണ് ദേശീയപാതയിൽ വെള്ളം കയറിയത്.

റോഡ് നിർമാണത്തെ തുടർന്ന് ഓവുചാലിന്‍റെ നിർമാണം പൂർത്തിയാവാത്തതിനെ തുടർന്ന് വെള്ളത്തിന്‍റെ ഒഴുക്ക് തടസപ്പെട്ടതാണ് ദേശീയപാതയിൽ വെള്ളക്കെട്ട് രൂപപ്പെടാനുള്ള കാരണമെന്ന് നാട്ടുകാർ പറഞ്ഞു.

വേഗത നിയന്ത്രിച്ചാണ് ഇതുവഴി വാഹനങ്ങൾ കടന്നു പോകുന്നത്. കാൽ നടയാത്രയും ദുരിതമാണ്.