കണ്ണൂർ വിമാനത്താവളം; യാത്രക്കാർ കുത്തനെ കുറയുന്നു

മ​ട്ട​ന്നൂ​ർ: ക​ണ്ണൂ​ർ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ യാ​ത്ര​ക്കാ​രു​ടെ എ​ണ്ണ​ത്തി​ൽ കു​റ​വ്. എ​യ​ർ​പോ​ർ​ട്ട് അ​തോ​റി​റ്റി​യു​ടെ ക​ണ​ക്ക് പ്ര​കാ​രം സെ​പ്റ്റം​ബ​റി​ൽ മു​ൻ​മാ​സ​ത്തേ​ക്കാ​ൾ 19,133 പേ​രു​ടെ കു​റ​വാ​ണു​ണ്ടാ​യ​ത്. അ​ന്താ​രാ​ഷ്ട്ര യാ​ത്ര​ക്കാ​രി​ൽ 15,946 പേ​രു​ടെ​യും ആ​ഭ്യ​ന്ത​ര യാ​ത്ര​ക്കാ​രി​ൽ 3187 പേ​രു​ടെ​യും കു​റ​വാ​ണു​ണ്ടാ​യ​ത്. അ​തേ സ​മ​യം ക​ഴി​ഞ്ഞ വ​ർ​ഷം സെ​പ്റ്റം​ബ​റി​ൽ ഉ​ണ്ടാ​യി​രു​ന്ന​തി​നേ​ക്കാ​ൾ 11,556 യാ​ത്ര​ക്കാ​ർ വ​ർ​ധി​ച്ചി​ട്ടു​ണ്ട്.

സെ​പ്റ്റം​ബ​റി​ൽ 89750 അ​ന്താ​രാ​ഷ്ട്ര യാ​ത്ര​ക്കാ​രാ​ണ് ക​ണ്ണൂ​ർ വി​മാ​ന​ത്താ​വ​ളം വ​ഴി യാ​ത്ര ചെ​യ്ത​ത്. ആ​ഗ​സ്റ്റ്, ജൂലൈ മാ​സ​ങ്ങ​ളി​ൽ അ​ന്താ​രാ​ഷ്ട്ര യാ​ത്ര​ക്കാ​രു​ടെ എ​ണ്ണം ഒ​രു ല​ക്ഷം ക​ട​ന്നി​രു​ന്നു. ഓ​ഗ​സ്റ്റി​ൽ 1,43,760 പേ​രും ജൂ​ലാ​യി​ൽ 1,07,061 പേ​രു​മാ​ണ് ക​ണ്ണൂ​ർ വ​ഴി വി​ദേ​ശ​ത്തേ​ക്ക് യാ​ത്ര ചെ​യ്ത​ത്. ആ​ഗ​സ്റ്റി​ൽ 676 അ​ന്ത​രാ​ഷ്ട്ര സ​ർ​വി​സു​ക​ൾ ന​ട​ത്തി​യി​രു​ന്ന​ത് സെ​പ്റ്റം​ബ​റി​ൽ 637 ആ​യി കു​റ​ഞ്ഞു. ഇ​ൻ​ഡി​ഗോ മ​സ്‌​ക്കത്ത്, ദ​മ്മാം എ​ന്നി​വി​ട​ങ്ങ​ളി​ലേ​ക്കു​ള്ള സ​ർവി​സു​ക​ൾ നി​ർ​ത്തി​യ​താ​ണ് സെ​പ്റ്റം​ബ​റി​ൽ യാ​ത്ര​ക്കാ​ർ കു​റ​യാ​നി​ട​യാ​ക്കി​യ​ത്. എ​യ​ർ​ ഇ​ന്ത്യ എ​ക്‌​സ്പ്ര​സും ദ​മ്മാം സ​ർ​വി​സ് നി​ർ​ത്തി​യി​രു​ന്നു.

ശൈ​ത്യ​കാ​ല ഷെ​ഡ്യൂ​ളി​ൽ എ​യ​ർ​ഇ​ന്ത്യ എ​ക്‌​സ്പ്ര​സ് ക​ണ്ണൂ​രി​ൽ നി​ന്നു​ള്ള സ​ർ​വി​സു​ക​ൾ വെ​ട്ടി​ക്കു​റ​ച്ച​ത് വ​രും​ മാ​സ​ങ്ങ​ളി​ലും യാ​ത്ര​ക്കാ​രു​ടെ എ​ണ്ണം കു​റ​യാ​നി​ട​യാ​ക്കും. ആ​ഴ്ച​യി​ൽ 42 സ​ർ​വീ​സു​ക​ളു​ടെ കു​റ​വാ​ണു​ണ്ടാ​യ​ത്. കു​വൈ​ത്ത്, ദ​മ്മാം, ബ​ഹ്‌​റൈ​ൻ, ജി​ദ്ദ എ​ന്നി​വി​ട​ങ്ങ​ളി​ലേ​ക്ക് ക​ണ്ണൂ​രി​ൽനി​ന്ന് നേ​രി​ട്ടു​ള്ള സ​ർ​വി​സു​ക​ളി​ല്ല. സ​ർ​വി​സ് ക്ര​മീ​ക​ര​ണ​ത്തി​ന്റെ ഭാ​ഗ​മാ​യാ​ണ് ലാ​ഭ​ക​ര​മ​ല്ലാ​ത്ത റൂ​ട്ടു​ക​ളി​ൽ സ​ർ​വി​സ് കു​റ​ച്ച​ത്. ഇ​ൻ​ഡി​ഗോ​യും ഏ​താ​നും സ​ർ​വി​സു​ക​ൾ കു​റ​ച്ചി​ട്ടു​ണ്ട്.