ചേറ്റുപാടക്കരയിലെ കാക്കപ്പൂ...

പ​യ്യ​ന്നൂ​ർ: ക​വി​യു​ടെ മ​ന​സ്സി​ൽ പ്രേ​മ​സം​ഗീ​ത​മാ​യി വി​രി​ഞ്ഞ ശ്യാ​മ​സു​ന്ദ​ര പു​ഷ്പം കാ​ക്ക​പ്പൂ​വാ​കാ​നാ​ണ് സാ​ധ്യ​ത. പ്ര​ണ​യ​വും സൗ​ന്ദ​ര്യ​വു​മൊ​ക്കെ പ​ല​രും വ​ർ​ണി​ച്ചി​ട്ടു​ണ്ടെ​ങ്കി​ലും പൂ​ജ​ക്കെ​ടു​ക്കാ​ത്ത ചേ​റ്റു​പാ​ട​ക്ക​ര​യി​ലെ ഈ ​സു​ന്ദ​രി​യു​ടെ നൊ​മ്പ​ര​ത്തെ​ക്കു​റി​ച്ച് പാ​ടി​യ​ത് ക​വി പി.​കെ. ഗോ​പി​യാ​ണ്. പൂ​ജാ​പു​ഷ്പ​ങ്ങ​ളി​ൽ അ​യി​ത്തം ക​ൽ​പി​ച്ചു മാ​റ്റി​നി​ർ​ത്തു​ന്ന ഈ ​സു​ന്ദ​രി​യെ പ​ക്ഷേ, ഓ​ണ​പ്പൂ​ക്ക​ളി​ൽ ഒ​ഴി​വാ​ക്കാ​നാ​വി​ല്ല.

വ​ര​ണ്ടു​ണ​ങ്ങി​യ പാ​ട​ങ്ങ​ളി​ലും പാ​റ​പ്പു​റ​ത്തും നീ​ല​വ​സ​ന്തം തീ​ർ​ക്കു​ന്ന കാ​ക്ക​പ്പൂ​വ് പൂ​ക്ക​ള​ത്തി​ന് ന​ൽ​കു​ന്ന സൗ​ന്ദ​ര്യം വി​വ​ര​ണാ​തീ​ത​മാ​ണ്. മ​ണ്ണി​നോ​ട് ചേ​ർ​ന്നു വ​ള​രു​ന്ന ചെ​റി​യ സ​സ്യ​മാ​ണി​ത്. ഒ​ന്നോ ര​ണ്ടോ ചെ​ടി​ക​ൾ​ക്കു പ​ക​രം പ്ര​ദേ​ശം മു​ഴു​വ​ൻ പ​ര​ന്നു​കി​ട​ക്കും ഇ​വ. എ​ല്ലാ ചെ​ടി​ക​ളും ഒ​രേ​സ​മ​യം പു​ഷ്പി​ക്കു​ക​യും ചെ​യ്യും. ഇ​തു​വ​ഴി ഒ​രു പ്ര​ദേ​ശം മു​ഴു​വ​ൻ ശ്യാ​മ​വ​ർ​ണാം​ഗി​ത​മാ​ക്കാ​ൻ ഈ ​ചെ​റു​സ​സ്യ​ത്തി​നാ​വു​ന്നു. നെ​ൽ​കൃ​ഷി​യി​ല്ലാ​ത്ത വ​യ​ലി​ലും മ​ഴ പെ​യ്‌​ത് ഈ​ർ​പ്പ​മു​ള്ള പാ​റ​പ്പു​റ​ത്തും ഇ​വ സ​മൃ​ദ്ധ​മാ​യി വ​ള​രും.

ജി​ല്ല​യി​ൽ മാ​ടാ​യി​പ്പാ​റ​യി​ലെ കാ​ക്ക​പ്പൂ​വ​സ​ന്തം പ്ര​സി​ദ്ധ​മാ​ണ്. പാ​റ​പ്പു​റ​ങ്ങ​ളി​ലെ പൂ​ക്ക​ളെ​ക്കാ​ൾ വ​ലു​പ്പം കൂ​ടും നെ​ൽ​വ​യ​ലി​ൽ വ​ള​രു​ന്ന​വ​ക്ക്. ചെ​റു​താ​യ​തി​നാ​ൽ കാ​ക്ക​പ്പൂ​വി​ന് നെ​ല്ലി​പ്പൂ​വ് എ​ന്ന വി​ളി​പ്പേ​രു​മു​ണ്ട്. വേ​രു​ക​ളി​ലെ ചെ​റി​യ അ​റ​ക​ളി​ലൂ​ടെ സൂ​ക്ഷ്മ‌​ജീ​വി​ക​ളെ ഇ​വ ആ​ഹ​രി​ക്കാ​റു​ണ്ട്. ഓ​ണ​പ്പൂ​ക്ക​ള​ങ്ങ​ളി​ൽ പ്ര​ഥ​മ സ്ഥാ​നം കാ​ക്ക​പ്പൂ​വി​നു ല​ഭി​ക്കാ​ൻ കാ​ര​ണം ഇ​തി​ന്റെ സൗ​ന്ദ​ര്യ​വും ഓ​ണ​ക്കാ​ല​ത്ത് പു​ഷ്പി​ക്കു​ന്ന​തു​മാ​ണ്. ശാ​സ്ത്ര​നാ​മം യൂ​ട്രി​ക്കു​ലേ​റി​യ റെ​റ്റി​ക്കു​ലേ​റ്റ. കു​ടും​ബം ലെൻറി​ബു​ലേ​റി​യേ​സി​യേ.