മ​ട്ട​ന്നൂ​രി​ൽ ല​ക്ഷ​ങ്ങ​ള്‍ ത​ട്ടി​യെ​ടു​ത്ത് ജ്വ​ല്ല​റി ഉ​ട​മ​ക​ള്‍ മു​ങ്ങി

ക​ണ്ണൂ​ര്‍: പ​ഴ​യ സ്വ​ര്‍ണാ​ഭ​ര​ണം നി​ക്ഷേ​പി​ച്ചാ​ല്‍ പ​ണം ഈ​ടാ​ക്കാ​തെ അ​തേ തൂ​ക്ക​ത്തി​ന് പു​തി​യ സ്വ​ര്‍ണാ​ഭ​ര​ണം ന​ല്‍കു​മെ​ന്നും ആ​ഴ്ച​യി​ലും മാ​സ​ത്തി​ലും നി​ശ്ചി​ത തു​ക നി​ക്ഷേ​പി​ച്ചാ​ല്‍ മു​ന്‍കൂ​റാ​യി സ്വ​ര്‍ണാ​ഭ​ര​ണം ന​ല്‍കു​മെ​ന്നും വി​ശ്വ​സി​പ്പി​ച്ച് ല​ക്ഷ​ങ്ങ​ള്‍ ത​ട്ടി​യെ​ടു​ത്ത് ജ്വ​ല്ല​റി ഉ​ട​മ​ക​ള്‍ മു​ങ്ങി.

സം​ഭ​വ​ത്തി​ൽ മ​ട്ട​ന്നൂ​രി​ലെ മൈ ​ഗോ​ള്‍ഡ് ജ്വ​ല്ല​റി പാ​ര്‍ട്ണ​ര്‍മാ​രാ​യ മു​ഴ​ക്കു​ന്നി​ലെ ത​ഫ്‌​സീ​ര്‍, ഫാ​സി​ല്‍ എ​ന്നി​വ​രു​ള്‍പ്പെ​ടെ ആ​റു​പേ​ര്‍ക്കെ​തി​രെ കൂ​ത്തു​പ​റ​മ്പ് എ.​സി.​പി കെ.​വി. പ്ര​മോ​ദി​ന്റെ നി​ര്‍ദേ​ശ​പ്ര​കാ​രം മ​ട്ട​ന്നൂ​ര്‍ പൊ​ലീ​സ് കേ​സെ​ടു​ത്ത് അ​ന്വേ​ഷ​ണം തു​ട​ങ്ങി.

ത​ട്ടി​പ്പി​നി​ര​യാ​യ എ​ള​മ്പാ​റ​യി​ലെ ഷ​ഫീ​ലി​ന്റെ പ​രാ​തി​യി​ലാ​ണ് കേ​സെ​ടു​ത്ത​ത്. ഷ​ഫീ​ല്‍ പ​രാ​തി ന​ല്‍കി​യ​തി​ന് പി​റ​കെ നി​ര​വ​ധി​പേ​ര്‍ സ​മാ​ന പ​രാ​തി​യു​മാ​യി മ​ട്ട​ന്നൂ​ര്‍ പൊ​ലീ​സ് സ്റ്റേ​ഷ​നി​ലെ​ത്തി​യി​രു​ന്നു. പ​ഴ​യ സ്വ​ര്‍ണാ​ഭ​ര​ണ​ത്തി​ന് അ​തേ തൂ​ക്ക​ത്തി​ല്‍ പു​തി​യ സ്വ​ര്‍ണാ​ഭ​ര​ണം ന​ല്‍കാ​മെ​ന്ന് വി​ശ്വ​സി​പ്പി​ച്ച് ഷ​ഫീ​ലി​ല്‍നി​ന്ന് 19.47 ല​ക്ഷം രൂ​പ വി​ല​മ​തി​ക്കു​ന്ന പ​ഴ​യ സ്വ​ര്‍ണാ​ഭ​ര​ങ്ങ​ൾ കൈ​ക്ക​ലാ​ക്കി.

എ​ന്നാ​ല്‍, പു​തി​യ സ്വ​ര്‍ണാ​ഭ​ര​ണം ന​ല്‍കാ​ന്‍ ത​യാ​റാ​യി​ല്ല. പ​ണം തി​രി​ച്ചു ന​ല്‍കി​യ​തു​മി​ല്ല. ഇ​തേ​ത്തു​ട​ര്‍ന്നാ​ണ് പൊ​ലീ​സി​ല്‍ പ​രാ​തി ന​ല്‍കി​യ​ത്. ആ​ഴ്ച​യി​ലും മാ​സ​ത്തി​ലും നി​ശ്ചി​ത തു​ക നി​ക്ഷേ​പി​ച്ചാ​ല്‍ ഒ​രു ഘ​ട്ട​മെ​ത്തു​മ്പോ​ള്‍ നി​ക്ഷേ​പി​ച്ച തു​ക​യേ​ക്കാ​ള്‍ കൂ​ടു​ത​ല്‍ രൂ​പ വി​ല​മ​തി​ക്കു​ന്ന സ്വ​ര്‍ണാ​ഭ​ര​ണം ന​ല്‍കു​മെ​ന്നാ​യി​രു​ന്നു ജ്വ​ല്ല​റി​യു​ടെ മ​റ്റൊ​രു വാ​ഗ്ദാ​നം. ബാ​ക്കി തു​ക ഗ​ഡു​ക്ക​ളാ​യി തി​രി​ച്ച​ട​ച്ചാ​ല്‍ മ​തി​യെ​ന്നും പ്ര​ച​രി​പ്പിച്ചു. ഈ ​വാ​ഗ്ദാ​ന​ത്തി​ല്‍ വി​ശ്വ​സി​ച്ച് നൂ​റു​ക​ണ​ക്കി​ന് ആ​ളു​ക​ളാ​ണ് സ്കീ​മി​ല്‍ ചേ​ര്‍ന്ന​ത്.

പ​ണം നി​ക്ഷേ​പി​ച്ച അ​വ​ര്‍ക്കും ആ​ഭ​ര​ണ​മോ പ​ണ​മോ ല​ഭി​ച്ചി​ല്ല. ജ്വ​ല്ല​റി ഇ​പ്പോ​ള്‍ അ​ട​ച്ച​നി​ല​യി​ലാ​ണ്. ഇ​തോ​ടെ​യാ​ണ് വ​ഞ്ചി​ക്ക​പ്പെ​ട്ട കാ​ര്യം ഉ​പ​ഭോ​ക്താ​ക്ക​ള്‍ക്ക് മ​ന​സ്സി​ലാ​യ​ത്. ജ്വ​ല്ല​റി പാ​ര്‍ട്ണ​ര്‍മാ​ര്‍ എ​വി​ടെ​യാ​ണെ​ന്ന് വ്യ​ക്ത​മ​ല്ല. ഒ​ളി​വി​ലാ​ണെ​ന്നാ​ണ് സൂ​ച​ന. ഇ​ൻ​സ്പെ​ക്ട​ർ എ. ​അ​നി​ല്‍ കു​മാ​ര്‍, എ​സ്.​ഐ വി​നീ​ഷ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം.